ഡ്രാ​ഗ​ൺ മാ​ർ​ട്ടി​ൽ വി​സ സേ​വ​ന​ങ്ങ​ൾ പ​രി​ച​യ​പ്പെ​ടു​ത്തി കാ​മ്പ​യി​ൻ

ദു​ബൈ: എ​മി​റേ​റ്റി​ലെ വി​സ സേ​വ​ന​ങ്ങ​ളും വി​വി​ധ ന​ട​പ​ടി​ക്ര​മ​ങ്ങ​ളും പൊ​തു​ജ​ന​ങ്ങ​ളി​ലേ​ക്ക് പ​രി​ച​യ​പ്പെ​ടു​ത്തു​ന്ന ‘ഞ​ങ്ങ​ൾ, നി​ങ്ങ​ൾ​ക്കാ​യി ഇ​വി​ടെ​യു​ണ്ട്’ എ​ന്ന പ്ര​ചാ​ര​ണ കാ​മ്പ​യി​ന് ഇ​ന്റ​ർ​നാ​ഷ​ന​ൽ സി​റ്റി​യി​ലെ ഡ്രാ​ഗ​ൺ മാ​ർ​ട്ടി​ൽ തു​ട​ക്ക​മാ​യി. ഇ​ന്ത്യ​ക്കാ​ർ​ക്കു​ള്ള പ്ര​ത്യേ​ക വി​സ സ​ർ​വി​സ് അ​ട​ക്ക​മു​ള്ള വി​വി​ധ സേ​വ​ന​ങ്ങ​ൾ പ​രി​ച​യ​പ്പെ​ടു​ത്തി​യാ​ണ് കാ​മ്പ​യി​ൻ. ദു​ബൈ​യി​ലെ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റ​സി​ഡ​ൻ​സി ആ​ൻ​ഡ് ഫോ​റി​നേ​ഴ്സ് അ​ഫ​യേ​ഴ്സാ​ണ് (ജി.​ഡി.​ആ​ർ.​എ​ഫ്.​എ) പ്ര​ത്യേ​ക പ്ലാ​റ്റ്ഫോം സ്ഥാ​പി​ച്ച്​ വി​വി​ധ വി​സ സേ​വ​ന​ങ്ങ​ൾ പ​രി​ച​യ​പ്പെ​ടു​ത്തു​ന്ന​ത്. ഡ്രാ​ഗ​ൺ മാ​ർ​ട്ടി​ന്റെ പ്ര​ധാ​ന ക​വാ​ട​ത്തി​ന​രി​കി​ൽ രാ​വി​ലെ 10 മു​ത​ൽ രാ​ത്രി 10 വ​രെ​യാ​ണ് പ്ര​ചാ​ര​ണം. പ​രി​പാ​ടി അ​ടു​ത്ത ഞാ​യ​റാ​ഴ്ച രാ​ത്രി 10 മ​ണി​വ​രെ വ​രെ നീ​ണ്ടു​നി​ൽ​ക്കും.

സ​മൂ​ഹ​ത്തി​ലെ എ​ല്ലാ അം​ഗ​ങ്ങ​ളു​മാ​യും നേ​രി​ട്ടു​ള്ള ആ​ശ​യ​വി​നി​മ​യം നി​ല​നി​ർ​ത്തു​ന്ന​തി​നും അ​വ​ബോ​ധം വ​ർ​ധി​പ്പി​ച്ച് ഉ​പ​യോ​ക്തൃ അ​നു​ഭ​വം മെ​ച്ച​പ്പെ​ടു​ത്തു​ന്ന​തി​നു​മു​ള്ള പ്ര​തി​ബ​ദ്ധ​ത​യു​ടെ ഭാ​ഗ​മാ​ണ് പ​രി​പാ​ടി​യെ​ന്ന് ജി.​ഡി.​ആ​ർ.​എ​ഫ്.​എ മേ​ധാ​വി ല​ഫ്. ജ​ന​റ​ൽ മു​ഹ​മ്മ​ദ്‌ അ​ഹ്‌​മ​ദ്‌ അ​ൽ മ​ർ​റി അ​റി​യി​ച്ചു. വ​കു​പ്പ് ഇ​ത്ത​ര​ത്തി​ലു​ള്ള ക്യാ​മ്പു​ക​ൾ ദു​ബൈ​യു​ടെ വി​വി​ധ സ്ഥ​ല​ങ്ങ​ളി​ൽ സം​ഘ​ടി​പ്പി​ക്കാ​റു​ണ്ട്.