വി​സ്മ​യി​പ്പി​ക്കാ​ൻ ചി​ത്ര​ശ​ല​ഭ ഉ​ദ്യാ​നം

അ​ബൂ​ദ​ബി: എ​മി​റേ​റ്റി​ലെ ആ​ദ്യ ചി​ത്ര​ശ​ല​ഭ ഉ​ദ്യാ​നം സെ​പ്റ്റം​ബ​റി​ല്‍ തു​റ​ക്കും. വി​നോ​ദ​സ​ഞ്ചാ​ര മേ​ഖ​ല​യി​ലെ പ്ര​ധാ​ന പ​രി​പാ​ടി​യാ​യ അ​റേ​ബ്യ​ന്‍ ട്രാ​വ​ല്‍ മാ​ര്‍ക്ക​റ്റ് 2025ലാ​ണ് ഇ​തു​സം​ബ​ന്ധി​ച്ച പ്ര​ഖ്യാ​പ​ന​മു​ണ്ടാ​യ​ത്. സ​ന്ദ​ര്‍ശ​ക​ര്‍ക്ക് മ​റ്റൊ​രു ദൃ​ശ്യ​വി​രു​ന്നു​കൂ​ടി ചി​ത്ര​ശ​ല​ഭ ഉ​ദ്യാ​ന​ത്തി​ലൂ​ടെ സ​മ്മാ​നി​ക്കാ​ന്‍ അ​ബൂ​ദ​ബി​ക്ക് ഇ​തി​ലൂ​ടെ​യാ​വും. അ​ല്‍ ഖ​ന​യി​ലെ നാ​ഷ​ന​ല്‍ അ​ക്വേ​റി​യ​ത്തി​നു സ​മീ​പ​മാ​ണ് അ​ബൂ​ദ​ബി ഉ​ദ്യാ​നം തു​റ​ക്കു​ക. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ല്‍ നി​ന്നു​ള്ള പ​തി​നാ​യി​ര​ത്തി​ലേ​റെ ചി​ത്ര​ശ​ല​ഭ​ങ്ങ​ളാ​വും ഇ​വി​ടെ​യു​ണ്ടാ​വു​ക. ഏ​ഷ്യ​യി​ലെ​യും അ​മേ​രി​ക്ക​യി​ലെ​യും സ​മ്പ​ന്ന​മാ​യ ആ​വാ​സ​വ്യ​വ​സ്ഥ ര​ണ്ട് മേ​ല്‍ക്കൂ​ര​ക​ള്‍ക്കു കീ​ഴി​ല്‍ പു​ന​സൃ​ഷ്ടി​ച്ചാ​ണ് ചി​ത്ര​ശ​ല​ങ്ങ​ള്‍ക്കാ​യു​ള്ള ഉ​ദ്യാ​നം ത​യ്യാ​റാ​ക്കു​ന്ന​ത്. മു​ത​ല​ക​ള്‍, സ്ലോ​ത്തു​ക​ള്‍, കോ​യി കാ​ര്‍പ്, ബി​യ​ര്‍ക്യാ​റ്റ്(​വെ​രു​ക്), കോ​യി കാ​ര്‍പ് മ​ല്‍സ്യം മു​ത​ലാ​യ​വ​ക്കു​ള്ള ആ​വാ​സ​കേ​ന്ദ്ര​വും ഉ​ദ്യാ​ന​ത്തി​ല്‍ ഒ​രു​ക്കും.

ഡി​സം​ബ​റി​ല്‍ അ​ബൂ​ദ​ബി ന​ഗ​ര, ഗ​താ​ഗ​ത വ​കു​പ്പ് അ​ല്‍ മ​മൂ​റ​യി​ലെ 70 മീ​റ്റ​ര്‍ നീ​ള​മു​ള്ള എ​മി​റേ​റ്റി​ലെ ആ​ദ്യ​ത്തെ ശീ​തീ​ക​രി​ച്ച ന​ട​പ്പാ​ത തു​റ​ന്നി​രു​ന്നു. മാ​തൃ​കാ​പ​ദ്ധ​തി​യെ​ന്ന നി​ല​ക്കാ​യി​രു​ന്നു അ​ല്‍ മ​മൂ​റ​യി​ലെ തു​റ​സ്സാ​യ ശീ​തീ​ക​രി​ച്ച ന​ട​പ്പാ​ത ത​യ്യാ​റാ​ക്കി​യ​ത്. ത​റ​യു​ടെ അ​ടി​യി​ലാ​ണ് ശീ​തീ​ക​ര​ണ സം​വി​ധാ​നം സ്ഥാ​പി​ച്ച​ത്. ശ​ബ്ദം കു​റ​യ്ക്കു​ന്ന ചു​വ​രു​ക​ളും സൂ​ര്യ​പ്ര​കാ​ശം ത​ട​യു​ന്ന​തി​നാ​യി സ്ഥാ​പി​ച്ച മേ​ല്‍ക്കൂ​ര​യും ഈ ​ന​ട​പ്പാ​ത​ക്കു​ണ്ട്. അ​ബൂ​ദ​ബി മു​സ​ഫ മേ​ഖ​ല​യി​ലെ ജ​ന​ങ്ങ​ള്‍ കൂ​ടു​ത​ലാ​യി താ​മ​സി​ക്കു​ന്ന മു​ഹ​മ്മ​ദ് ബി​ന്‍ സാ​യി​ദ് സി​റ്റി​യി​ല്‍ 33 പു​തി​യ പാ​ര്‍ക്കു​ക​ളാ​ണ് അ​ബൂ​ദ​ബി ന​ഗ​ര, ഗ​താ​ഗ​ത വ​കു​പ്പ് തു​റ​ന്ന​ത്. അ​ബൂ​ദ​ബി നി​വാ​സി​ക​ളു​ടെ ജീ​വി​ത നി​ല​വാ​രം ഉ​യ​ര്‍ത്തു​ക​യെ​ന്ന ല​ക്ഷ്യ​ത്തോ​ടെ​യാ​ണ് വി​നോ​ദ ഇ​ട​ങ്ങ​ളോ​ടു കൂ​ടി​യ വി​വി​ധ സൗ​ക​ര്യ​ങ്ങ​ളോ​ടെ പാ​ര്‍ക്കു​ക​ള്‍ തു​റ​ന്ന​ത്. പി​ക്‌​നി​ക് മേ​ഖ​ല​ക​ള്‍, കു​ട്ടി​ക​ളു​ടെ ക​ളി​യി​ട​ങ്ങ​ള്‍, ത​ണ​ലി​നു കീ​ഴെ​യു​ള്ള ഇ​രി​പ്പി​ട​ങ്ങ​ള്‍, ഫി​റ്റ്‌​ന​സ് സോ​ണു​ക​ള്‍, ജോ​ഗി​ങ് ട്രാ​ക്കു​ക​ള്‍ മു​ത​ലാ​യ​വ​യാ​ണ് പാ​ര്‍ക്കി​ല്‍ സ​ജ്ജ​മാ​ക്കി​യി​ട്ടു​ള്ള​ത്. ബാ​സ്‌​ക​റ്റ്‌​ബാ​ള്‍, വോ​ളി​ബാ​ള്‍, ബാ​ഡ്മി​ന്റ​ണ്‍ കോ​ര്‍ട്ടു​ക​ൾ എ​ന്നി​വ കാ​യി​ക​പ്രേ​മി​ക​ളെ ഉ​ദ്ദേ​ശി​ച്ച് പാ​ര്‍ക്കി​ല്‍ ഒ​രു​ക്കി​യി​രി​ക്കു​ന്നു. നി​ശ്ച​യ​ദാ​ര്‍ഢ്യ വി​ഭാ​ഗ​ക്കാ​ർ​ക്കാ​യി പ്ര​ത്യേ​ക സൗ​ക​ര്യ​വും പാ​ര്‍ക്കി​ലേ​ര്‍പ്പെ​ടു​ത്തി​യി​ട്ടു​ണ്ട്.

1200കോ​ടി ദി​ര്‍ഹം ചെ​ല​വ​ഴി​ച്ചു നി​ര്‍മി​ക്കു​ന്ന സ​മൂ​ഹ വി​ക​സ​ന പ​ദ്ധ​തി​ക​ളു​ടെ ഭാ​ഗ​മാ​യി​ട്ടാ​ണ് പാ​ര്‍ക്കു​ക​ള്‍ പൂ​ര്‍ത്തി​യാ​ക്കി​യ​ത്. 2025ഓ​ടെ 277 പു​തി​യ പാ​ര്‍ക്കു​ക​ള്‍ നി​ര്‍മി​ക്കു​മെ​ന്ന് അ​ധി​കൃ​ത​ര്‍ നേ​ര​ത്തെ അ​റി​യി​ച്ചി​രു​ന്നു. ഇ​തി​ല്‍ 180ഉം ​അ​ബൂ​ദ​ബി​യി​ലാ​ണ്. അ​ല്‍ഐ​നി​ല്‍ 80ഉം ​അ​ല്‍ ദ​ഫ്​​റ​യി​ല്‍ 17ഉം ​പാ​ര്‍ക്കു​ക​ളാ​ണ് പു​തു​താ​യി വ​രു​ന്ന​ത്. കാ​ല്‍ന​ട പാ​ത​ക​ള്‍, സൈ​ക്ലി​ങ് പാ​ത​ക​ള്‍, സൗ​ന്ദ​ര്യ​വ​ല്‍ക്ക​ര​ണ ജോ​ലി​ക​ള്‍, കാ​യി​ക ഇ​ട​ങ്ങ​ള്‍, ക്ലി​നി​ക്കു​ക​ള്‍, പ​ള്ളി​ക​ള്‍, പാ​ര്‍ക്കു​ക​ള്‍, പ​ച്ച​പ്പു​ക​ള്‍ തു​ട​ങ്ങി​യ​വ​യാ​ണ് നി​ര്‍മി​ക്കു​ന്ന​ത്.

ലോ​കോ​ത്ത​ര നി​ല​വാ​ര​ത്തി​ന് അ​നു​സൃ​ത​മാ​യ ജീ​വി​ത​സാ​ഹ​ച​ര്യ​മൊ​രു​ക്കു​ക​യും ആ​രോ​ഗ്യ​ജീ​വി​ത​ത്തെ പ്രോ​ല്‍സാ​ഹി​പ്പി​ക്കു​ക​യും ചെ​യ്യു​ന്ന​തി​ന്റെ ഭാ​ഗ​മാ​യി അ​ബൂ​ദ​ബി​യി​ല്‍ നേ​ര​ത്തേ ത​ന്നെ നി​ര​വ​ധി വി​നോ​ദ കേ​ന്ദ്ര​ങ്ങ​ളാ​ണ് തു​റ​ന്നി​ട്ടു​ള്ള​ത്. 46 പോ​ക്ക​റ്റ് പാ​ര്‍ക്കു​ക​ള്‍, 94 ക​ളി​യി​ട​ങ്ങ​ള്‍ മു​ത​ലാ​യ​വ​യാ​ണ് ജ​ന​ങ്ങ​ള്‍ക്കാ​യി ഒ​രു​ക്കി ന​ല്‍കി​യി​ട്ടു​ണ്ട്. എ​മി​റേ​റ്റി​ന്റെ അ​ടി​സ്ഥാ​ന സൗ​ക​ര്യ വി​ക​സ​നം, റോ​ഡ് സു​ര​ക്ഷ, താ​മ​സ​ക്കാ​ര്‍ക്കാ​യി വി​നോ​ദ സൗ​ക​ര്യ​ങ്ങ​ള്‍ തു​ട​ങ്ങി നി​ര​വ​ധി പ്ര​ധാ​ന പ​ദ്ധ​തി​ക​ളാ​ണ് ന​ട​പ്പാ​ക്കി​യ​ത്.