ദുബൈയിൽ തിരക്കേറിയ റസ്​റ്റാറൻറ്​ പൂട്ടി; ജിമ്മിന്​ പിഴ

ദുബൈ: കോവിഡ്​ മുൻകരുതൽ ശക്​തമാക്കുന്നതി​െൻറ ഭാഗമായി ദുബൈ എക്കോണമി നടത്തിയ പരിശോധനയിൽ വിവിധ സ്​ഥാപനങ്ങൾക്കെതിരെ നടപടി. സാമൂഹിക അകലം പാലിക്കാത്ത റസ്​റ്റാറൻറുകൾ പൂട്ടിയപ്പോൾ ജിമ്മുകൾക്ക്​ പിഴയിട്ടു.

സൗജന്യ ഭക്ഷണ വിതരണത്തെ തുടർന്ന്​ ജനങ്ങൾ തടിച്ചുകൂടിയതി​െൻറ അടിസ്​ഥാനത്തിലാണ്​ സത്​വയിലെ റസ്​റ്റാറൻറ്​ അടച്ചുപൂട്ടിയത്​. ജീവനക്കാർ മാസ്​ക്​ ധരിക്കാത്തതും സാമൂഹിക അകലം പാലിക്കാത്തതും മുൻനിർത്തിയാണ്​ ജിമ്മുകൾക്ക്​ പിഴയിട്ടത്​.

ദുബൈ സ്​പോർട്​സ്​ കൗൺസിലി​​െൻറ സഹകരണത്തോടെയായിരുന്നു പരിശോധന. അതേസമയം, 578 സ്​ഥാപനങ്ങൾ മുൻകരുതൽ നിർദേശം പാലിക്കുന്നതായും കണ്ടെത്തി. മുൻകരുതൽ പാലിക്കാത്തത്​ ശ്രദ്ധയിൽപെട്ടാൽ ദുബൈ കൺസ്യൂമർ ആപ്​ വഴിയോ 600545555 എന്ന നമ്പറിലോ വെബ്​സൈറ്റ്​ വഴിയോ (consumerrights.ae) വിവരം അറിയിക്കണം.