പണം നൽകാതെയുള്ള ബസ്​യാത്രക്ക്​  അബൂദബിയിൽ 200 ദിർഹം പിഴ

അബൂദബി: ശരിയായ തുക നൽകാതെ ബസ്​യാത്ര നടത്തിയാൽ അബൂദബിയിൽ 200 ദിർഹം പിഴ ഇൗടാക്കും. ഏറെക്കാലമായി അബൂദബി പൊതു ബസുകളിൽ നടക്കുന്ന സാധാരണ നിയമലംഘനമാണ്​ പണം നൽകാതെയുള്ള യാത്രയെന്നും അബൂദബി ഗതാഗത വകുപ്പിലെ മുതിർന്ന ഉദ്യോഗസ്​ഥൻ അറിയിച്ചതായി ഗൾഫ്​ ന്യൂസ്​ റിപ്പോർട്ട്​ ചെയ്​തു.

ബസ്​യാത്ര സംബന്ധിച്ച്​ വകുപ്പ്​ 2017 ഡിസംബറിൽ പുറത്തിറക്കിയ നിയമങ്ങളനുസരിച്ചാണ്​ പിഴ. കുട്ടികൾ, വയോധികർ എന്നിവർക്കുള്ള ഇളവുകളും ഇൗ നിയമത്തിൽ പ്രതിപാദിക്കുന്നുണ്ട്​. പണം നൽകാതെയുള്ള യാത്രയാണ്​ ബസുകളിൽ കാണുന്ന ഏറ്റവും സാധാരണമായ നിയമലംഘനം. എന്നാൽ, പുതിയ പിഴ വന്ന​േതാടെ  നിയമലംഘനത്തിൽ കുറവുണ്ടായതായും ഉദ്യോഗസ്​ഥൻ വ്യക്​തമാക്കി. വകുപ്പി​​​​െൻറ പുതുക്കിയ പട്ടികയനുസരിച്ച്​ 25 മറ്റു നിയമലംനങ്ങളും പൊതു ഗതാഗത സംവിധാനവുമായി ബന്ധപ്പെട്ടുണ്ട്​. സ്വന്തം പേരിലുള്ള ഹാഫിലാത്ത്​ കാർഡുകൾ മറ്റുള്ളവർക്ക്​ വിൽപന നടത്തിയാൽ 500 ദിർഹം പിഴ ഇൗടാക്കും. പരിശോധകർ ആവശ്യപ്പെടു​േമ്പാൾ ഹാഫിലാത്ത്​ കാർഡുകൾ കാണിക്കാത്തവർക്കും സമാന പിഴ ആയിരിക്കും.

2008ലാണ്​ പ്രാദേശിക ബസ്​ സർവീസുകൾക്കും ഇൻറർസിറ്റി ബസ്​ സർവീസുകൾക്കുമുളള നിരക്ക്​ ഗതാഗത വകുപ്പ്​ പ്രഖ്യാപിച്ചത്​. നിലവിൽ പ്രാദേശിക റൂട്ടുകളിൽ രണ്ട്​ ദിർഹമാണ്​ മിനിമം ചാർജ്​. ഒാരോ അധിക കിലോമീറ്ററിനും അഞ്ച്​ ഫിൽസ്​ വീതം വർധിക്കും. ഇൻറർസിറ്റി റൂട്ടുകളിൽ പത്ത്​ ദിർഹമാണ്​ മിനിമം ചാർജ്​. ഇൗ റൂട്ടുകളിൽ അധിക കിലോമീറ്ററിന്​ പത്ത്​ ഫിൽസ്​ വീതം വർധിക്കും. പ്ര​ാദേശിക റൂട്ടുകളിൽ 55 വയസ്സിന്​ മുകളിലുള്ളവർക്കും പത്ത്​ വയസ്സിന്​ താഴെയുള്ളവർക്കും സൗജന്യമായി സഞ്ചരിക്കാം. ഇൻററസിറ്റി ബസുകളിൽ ഇവർക്ക്​ പകുതി ചാർജ്​ മതി.

യാത്രാ ഇളവ്​ ലഭിക്കാൻ 55 വയസ്സിന്​ മുകളിലുള്ളവർ ബസ്​ സ്​റ്റേഷനിൽ പ്രത്യേക കാർഡിനായി അപേക്ഷ സമർപ്പിക്കണം. അപേക്ഷയോടൊപ്പം പാസ്​പോർട്ട്​, എമിറേറ്റ്​സ്​ ​െഎഡി എന്നിവയുടെ പകർപ്പും അഞ്ച്​ ദിർഹം രജിസ്​ട്രേഷൻ ഫീസും നൽകണം. എന്നാൽ പത്ത്​ വയസ്സിന്​ താഴെയുള്ള കുട്ടികൾ പ്രത്യേക കാർഡ്​ എടുക്കേണ്ടതില്ല. ഇവരുടെ പ്രായം തെളിയിക്കുന്ന രേഖകൾ രക്ഷിതാക്കൾ കൈവശം വെച്ചിരിക്കണം.