ദുബൈ കുട്ടികൾക്കിടയിൽ  സ്​കൂൾബസ്​ യാത്രക്ക്​ പ്രിയമേറുന്നു

ദുബൈ: സ്​കൂൾ ബസിൽ യാത്ര ചെയ്യുന്ന വിദ്യാർഥികളുടെ എണ്ണം ഇൗ വർഷം തന്നെ ഇരട്ടിയിലേറെ വർധിച്ചു. രണ്ടാം അധ്യയന പാദത്തിൽ 3000 കുട്ടികൾ ഉണ്ടായിരുന്നിടത്ത്​ മൂന്നാം പാദമായപ്പോഴേക്കും 7000ആയി ഉയർന്നതായി ദുബൈ ടാക്​സി കോർപറേഷൻ (ഡി.ടി.സി), റോഡ്​ ഗതാഗത അതോറിറ്റി (ആർ.ടി.എ) എന്നിവയുടെ കണക്കുകളിൽ വ്യക്​തമാവുന്നു. അതായത്​്​ 133 ശതമാനം വർധന.  

ഇവർക്കായി വിന്യസിച്ച ബസുകളുടെ എണ്ണം130ൽ നിന്ന്​ 272ആയി ഉയർന്നു. സ്​കൂൾ ഗതാഗത സംവിധാനത്തിൽ വിദ്യാർഥികളും രക്ഷിതാക്കളും പുലർത്തുന്ന വിശ്വാസത്തിലെ വർധനയാണ്​ വെളിപ്പെടുന്നതെന്ന്​ ഡി.ടി.സി  ഡയറക്​ടർ മുഹമ്മദ്​ സഇൗദ്​ അൽ ദുഹൂരി പറഞ്ഞു. ഒാരോ ബസിലും സൂപ്പർ വൈസറെ നിയോഗിച്ചും വേഗത 80 കിലോമീറ്ററായി പരിമിതപ്പെടുത്തിയും നിരീക്ഷണ കാമറകൾ ഘടിപ്പിച്ചും സുരക്ഷയും സേവനവും കൂടുതൽ കാര്യക്ഷമമാക്കാൻ ലക്ഷ്യമിടുന്നതായി അദ്ദേഹം അറിയിച്ചു.

പുതിയ ബസുകളിൽ കൺട്രോൾ റൂമുകളുമായി ഘടിപ്പിച്ച സി.സി.ടി.വി കാമറകൾ സജീകരിച്ചിട്ടുണ്ട്​. ഡ്രൈവറും കുട്ടികളും  ബസിൽ കയറുന്നതു മുതൽ ഇറങ്ങുന്നതു വരെയുള്ള സകല നീക്കങ്ങളും ഇതിൽ നിന്നറിയാം. കുട്ടികൾ കയറുകയും ഇറങ്ങുകയും ചെയ്യുന്ന സമയം ജി.പി.എസ്​ ട്രാക്കിങ്​ മുഖേന രക്ഷഇതാക്കളുടെ ഫോണിൽ സന്ദേശമായി ലഭിക്കും.