ബു​ർ​ജ്​ ഖ​ലീ​ഫ-​ദു​ബൈ മാ​ൾ മെ​ട്രോ സ്റ്റേ​ഷ​ൻ വി​പു​ലീ​ക​രി​ക്കു​ന്നു

ദു​ബൈ: ബു​ർ​ജ്​ ഖ​ലീ​ഫ-​ദു​ബൈ മാ​ൾ മെ​ട്രോ സ്റ്റേ​ഷ​ന്‍റെ വി​പു​ലീ​ക​ര​ണം പ്ര​ഖ്യാ​പി​ച്ച്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). പു​തു​വ​ത്സ​ര ദി​നം, പൊ​തു അ​വ​ധി ദി​ന​ങ്ങ​ൾ, ദേ​ശീ​യ​ദി​ന പ​രി​പാ​ടി​ക​ൾ തു​ട​ങ്ങി​യ ആ​ഘോ​ഷ വേ​ള​ക​ളി​ൽ യാ​ത്ര​ക്കാ​രു​ടെ തി​ര​ക്ക്​ വ​ർ​ധി​ച്ച സാ​ഹ​ച​ര്യ​ത്തി​ലാ​ണ്​ മെ​ട്രോ സ്റ്റേ​ഷ​ന്‍റെ സൗ​ക​ര്യ​ങ്ങ​ൾ വ​ർ​ധി​പ്പി​ക്കാ​ൻ ആ​ർ.​ടി.​എ തീ​രു​മാ​നി​ച്ചി​രി​ക്കു​ന്ന​ത്.

6700 ച​തു​ര​ശ്ര മീ​റ്റ​ർ വി​സ്തൃ​തി​യു​ള്ള സ്റ്റേ​ഷ​ൻ​ 8500 ച​തു​ര​ശ്ര മീ​റ്റ​റാ​യി വി​പു​ലീ​ക​രി​ക്കാ​നാ​ണ്​ പ​ദ്ധ​തി. ഇ​തു​വ​ഴി യാ​ത്ര​ക്കാ​രെ ഉ​ൾ​ക്കൊ​ള്ളാ​നു​ള്ള ശേ​ഷി 65 ശ​ത​മാ​നം വ​ർ​ധി​ച്ച്​ ​ മ​ണി​ക്കൂ​റി​ൽ 7250 യാ​ത്ര​ക്കാ​രെ​ന്ന​ത്​ 12,320 യാ​ത്ര​ക്കാ​രാ​യി ഉ​യ​രും. അ​തോ​ടെ പ്ര​തി​ദി​നം 2,20,000 യാ​ത്ര​ക്കാ​ർ​ക്ക്​ സേ​വ​നം ന​ൽ​കാ​നാ​കും.

പ്ലാ​റ്റ്​​ഫോ​മി​ന്‍റെ വ​ലു​പ്പം കൂ​ട്ടു​ക, കാ​ൽ​ന​ട മേ​ൽ​പാ​ല​വും പ്ര​വേ​ശ​ന​ങ്ങ​ളും മെ​ച്ച​പ്പെ​ടു​ത്തു​ക, കൂ​ടു​ത​ൽ എ​സ്ക​ലേ​റ്റ​റു​ക​ളും എ​ലി​വേ​റ്റ​റു​ക​ളും നി​ർ​മി​ക്കു​ക, സ​ന്ദ​ർ​ശ​ക​രു​ടെ പ്ര​വേ​ശ​നം സു​ഗ​മ​മാ​ക്കു​ന്ന​തി​നാ​യി ​പ്ര​ത്യേ​ക എ​ൻ​ട്രി, എ​ക്സി​റ്റ്​ നി​ർ​മാ​ണം, വ​രു​മാ​നം വ​ർ​ധി​പ്പി​ക്കു​ന്ന​തി​നാ​യി വാ​ണി​ജ്യ സ്ഥ​ല​ങ്ങ​ൾ വ​ർ​ധി​പ്പി​ക്കു​ക, പൊ​തു ഗ​താ​ഗ​ത സം​വി​ധാ​ന​ങ്ങ​ളു​മാ​യു​ള്ള ത​ട​സ്സ​മി​ല്ലാ​ത്ത സം​യോ​ജ​നം തു​ട​ങ്ങി​യ​വ​യാ​ണ്​ വി​പു​ലീ​ക​ര​ണ പ​ദ്ധ​തി​യി​ൽ ഉ​ൾ​പ്പെ​ടു​ന്ന​ത്.

കൂ​ടാ​തെ മു​തി​ർ​ന്ന പൗ​ര​ന്മാ​ർ, നി​ശ്ച​യ​ദാ​ർ​ഢ്യ വി​ഭാ​ഗ​ങ്ങ​ൾ, വീ​ൽ​ചെ​യ​റു​ക​ൾ ഉ​പ​യോ​ഗി​ക്കു​ന്ന ര​ക്ഷി​താ​ക്ക​ൾ, സൈ​ക്ലി​സ്റ്റു​ക​ൾ, ഇ-​സ്കൂ​ട്ട​ർ ഉ​പ​യോ​ക്താ​ക്ക​ൾ തു​ട​ങ്ങി​യ മു​ഴു​വ​ൻ പേ​രേ​യും ഉ​ൾ​ക്കൊ​ള്ളാ​ൻ ക​ഴി​യു​ന്ന രീ​തി​യി​ലാ​യി​രി​ക്കും സ്റ്റേ​ഷ​ന്‍റെ രൂ​പ​ക​ൽ​പ​ന. റെ​ഡ്, ​ഗ്രീ​ൻ ലൈ​നു​ക​ളി​ൽ ഉ​പ​യോ​ഗി​ച്ച സീ​ഷെ​ൽ വാ​സ്തു​വി​ദ്യ​ത​ന്നെ​യാ​യി​രി​ക്കും ഇ​തി​നും ഉ​പ​യോ​ഗി​ക്കു​ക.

ന​ഗ​ര​ത്തി​ലെ ഏ​റ്റ​വും പ്ര​ധാ​ന ആ​ക​ർ​ഷ​ണ​ങ്ങ​ളി​ൽ ഒ​ന്നാ​യ ബു​ർ​ജ്​ ഖ​ലീ​ഫ, ദു​ബൈ മാ​ൾ, ഡൗ​ൺ ടൗ​ൺ എ​ന്നി​വ​ക്ക്​ സ​മീ​പ​മു​ള്ള ത​ന്ത്ര​പ്ര​ധാ​ന​മാ​യ സ്ഥ​ല​ത്താ​ണ്​ ബു​ർ​ജ് ഖ​ലീ​ഫ/​ദു​ബൈ മാ​ൾ മെ​ട്രോ സ്റ്റേ​ഷ​ൻ സ്ഥി​തി ചെ​യ്യു​ന്ന​ത്. ഇ​തു​മൂ​ലം ​ദു​ബൈ മെ​ട്രോ ശൃം​ഖ​ല​യി​ലെ ഒ​രു സു​പ്ര​ധാ​ന കേ​ന്ദ്ര​മാ​യി ഈ ​സ്റ്റേ​ഷ​ൻ മാ​റി​യി​രി​ക്കു​ക​യാ​ണെ​ന്ന്​ ആ​ർ.​ടി.​എ എ​ക്സി​ക്യൂ​ട്ടി​വ്​ ഡ​യ​റ​ക്​​ട​ർ ബോ​ർ​ഡ്​ ചെ​യ​ർ​മാ​നും ഡ​യ​റ​ക്ട​ർ ജ​ന​റ​ലു​മാ​യ മ​താ​ർ അ​ൽ താ​യ​ർ പ​റ​ഞ്ഞു.

പു​തു​വ​ത്സ​ര ദി​നം,​ പെ​രു​ന്നാ​ൾ, ദേ​ശീ​യ​ദി​നം, പൊ​തു അ​വ​ധി ദി​ന​ങ്ങ​ൾ തു​ട​ങ്ങി​യ സ​മ​യ​ങ്ങ​ളി​ൽ വ​ലി​യ അ​ള​വി​ൽ സ​ന്ദ​ർ​ശ​ക​ർ​ക്കും താ​മ​സ​ക്കാ​ർ​ക്കും സൗ​ക​ര്യ​പ്ര​ദ​മാ​യും കാ​ര്യ​ക്ഷ​മ​മാ​യും സ്റ്റേ​ഷ​നി​ലേ​ക്ക്​ പ്ര​വേ​ശി​ക്കാ​ൻ വി​പു​ലീ​ക​ര​ണം സ​ഹാ​യി​ക്കും. മെ​ട്രോ സ​ർ​വി​സു​ക​ൾ​ക്കാ​യു​ള്ള വ​ർ​ധി​ച്ചു​വ​രു​ന്ന ആ​വ​ശ്യ​ക​ത​ക്ക​നു​സൃ​ത​മാ​യി വി​ക​സ​നം പു​രോ​ഗ​മി​ക്കു​ന്നു​ണ്ടെ​ന്നും 2040 വ​രെ ഇ​ത് വ്യാ​പി​പ്പി​ക്കു​മെ​ന്നും അ​ൽ താ​യ​ർ കൂ​ട്ടി​ച്ചേ​ർ​ത്തു. പു​തു​വ​ത്സ​രാ​ഘോ​ഷ വേ​ള​യി​ൽ യാ​ത്ര​ക്കാ​രു​ടെ എ​ണ്ണം 1,10,000 ക​വി​ഞ്ഞി​രു​ന്നു. ക​ഴി​ഞ്ഞ അ​ഞ്ച് വ​ർ​ഷ​ത്തി​നി​ടെ സ്റ്റേ​ഷ​നി​ലെ ശ​രാ​ശ​രി വാ​ർ​ഷി​ക യാ​ത്ര​ക്കാ​രു​ടെ വ​ള​ർ​ച്ച 7.5 ശ​ത​മാ​നം രേ​ഖ​പ്പെ​ടു​ത്തി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.