അറ്റകുറ്റപ്പണി: ആൽ മക്തൂം  പാലം വെള്ളിയാഴ്​ചകളിൽ  ഭാഗികമായി അടക്കും

ദുബൈ: വാർഷിക അറ്റകുറ്റപണികൾക്കായി ആൽ മക്തൂം പാലം റോഡ്​സ്​ ആൻറ്​ ട്രാൻസ്​പോർട്ട്​ അതോറിറ്റി ഭാഗികമായി അടക്കുന്നു. 
ഇൗ മാസം 27 മുതൽ നവംബർ 24 വരെ എല്ലാ വെള്ളിയാഴ്​ചയും പുലർച്ചെ ഒന്ന്​ മുതൽ ഒമ്പത്​ മണി വരെ എട്ട്​ മണിക്കൂറാണ്​ ഗതാഗത​ നിയന്ത്രണം.  കൂടാതെ ഇൗകാലയളവിൽ ഞായർ, വ്യാഴം ദിവസങ്ങളിൽ പുലർച്ചെ ഒന്ന്​ മുതൽ അഞ്ച്​ വരെ മാത്രമെ ജലഗതാഗതം അനുവദിക്കൂ. 
റോഡ്​ നിർമാണം നടക്കുന്ന സമയം വാഹനങ്ങൾ അൽ ഷിന്ദഗ ടണൽ വഴിയും അൽ ഗർഹൂദ്​ പാലം വഴിയും ബിസിനസ്​ ബേ ക്രോസിംഗ്​ വഴിയും തിരിച്ചുവിടും.