ഗ്ലോ​ബ​ൽ വി​ല്ലേ​ജി​ൽ സ്ത​നാ​ർ​ബു​ദ പ​രി​ശോ​ധ​ന

ദു​ബൈ: സ​ന്ദ​ർ​ശ​ക​ർ​ക്കാ​യി ഗ്ലോ​ബ​ൽ വി​ല്ലേ​ജി​ൽ സൗ​ജ​ന്യ സ്ത​നാ​ർ​ബു​ദ പ​രി​ശോ​ധ​ന കാ​മ്പ​യി​ൻ സം​ഘ​ടി​പ്പി​ക്കു​ന്നു. ഷാ​ർ​ജ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ഫ്ര​ണ്ട്​​സ്​ ഓ​ഫ്​ കാ​ൻ​സ​ർ പേ​ഷ്യ​ന്‍റ്​​സ്​ (എ​ഫ്.​ഒ.​സി.​പി) ആ​ണ്​ ശ​നി​യാ​ഴ്ച സ്ത​നാ​ർ​ബു​ദ പ​രി​ശോ​ധ​ന ന​ട​ത്തു​ക.

ഇ​ന്ത്യ​ൻ പ​വി​ലി​യ​ന്​ പി​ന്നി​ൽ പ്ര​ത്യേ​കം സ​ജ്ജ​മാ​ക്കി​യി​ട്ടു​ള്ള മൊ​ബൈ​ൽ ക്ലി​നി​ക്കി​ലും മി​നി വാ​ൻ ക്ലി​നി​ക്കി​ലും സൗ​ജ​ന്യ​മാ​യി രോ​ഗ​നി​ർ​ണ​യം ന​ട​ത്താം. കൂ​ടാ​തെ സ്ത​നാ​ർ​ബു​ദ ബോ​ധ​വ​ത്ക​ര​ണം ശ​ക്ത​മാ​ക്കു​ന്ന​തി​നാ​യി 50 സൈ​ക്ലി​സ്റ്റു​ക​ൾ അ​ട​ങ്ങു​ന്ന ഒ​രു സം​ഘം അ​ൽ ഖു​ദ്ര​യി​ൽ​നി​ന്ന് ഗ്ലോ​ബ​ൽ വി​ല്ലേ​ജി​ലേ​ക്ക് 100 കി​ലോ​മീ​റ്റ​ർ ദൂ​ര​ത്തി​ൽ പി​ങ്ക് റൈ​ഡ് ന​ട​ത്തും. സ്ത​നാ​ർ​ബു​ദ​ത്തി​നെ​തി​രാ​യ പോ​രാ​ട്ട​ത്തി​ൽ നേ​ര​ത്തെ​യു​ള്ള രോ​ഗ നി​ർ​ണ​യ​ത്തി​നും അ​വ​ബോ​ധം വ​ള​ർ​ത്തു​ന്ന​തി​നും ഇ​ത്ത​രം കാ​മ്പ​യി​ൻ സ​ഹാ​യ​ക​മാ​വു​മെ​ന്ന്​ എ​ഫ്.​ഒ.​സി.​പി അ​ധി​കൃ​ത​ർ അ​റി​യി​ച്ചു.

സ്ത​നാ​ർ​ബു​ദ ബോ​ധ​വ​ത്​​ക​ര​ണ മാ​സാ​ച​ര​ണ​ത്തി​ന്‍റെ ഭാ​ഗ​മാ​യി ഒ​ക്​​ടോ​ബ​റി​ൽ നി​ര​വ​ധി ബോ​ധ​വ​ത്​​ക​ര​ണ പ​രി​പാ​ടി​ക​ൾ യു.​എ.​ഇ​യി​ൽ ന​ട​ന്നു​വ​രു​ന്നു​ണ്ട്. ലോ​കാ​രോ​ഗ്യ സം​ഘ​ട​ന​യു​ടെ ക​ണ​ക്ക​നു​സ​രി​ച്ച് ലോ​ക​മെ​മ്പാ​ടും റി​പ്പോ​ർ​ട്ട്​ ചെ​യ്യ​പ്പെ​ടു​ന്ന അ​ർ​ബു​ദ രോ​ഗി​ക​ളി​ൽ 12 ശ​ത​മാ​ന​വും സ്ത​നാ​ർ​ബു​ദ​മാ​ണ്. നേ​ര​ത്തെ രോ​ഗ​നി​ർ​ണ​യം ന​ട​ത്തു​ക​യെ​ന്ന​ത്​ അ​ർ​ബു​ദ ചി​കി​ത്സ​യി​ൽ പ്ര​ധാ​ന​മാ​ണ്.