ഉപയോഗിച്ച പുസ്തകങ്ങളുടെ മേളയിൽ 10 ലക്ഷം പുസ്​തകങ്ങളെത്തും

ഷാര്‍ജ: പുസ്തക ഉപയോഗം ഒരു വ്യക്തിയുടെ പഠനത്തോടെയോ വായനയിലൂടെയോ അവസാനിക്കുന്നില്ലെന്നും ഇനിയും ഒരുപാട് ആളുകളുടെ മനസ്സില്‍ അറിവി​​െൻറ ദീപങ്ങള്‍ കൊളുത്താനുണ്ടെന്നും ലോകത്തെ വിളിച്ചറിയിക്കുന്ന ഉപയോഗിച്ച പുസ്തകങ്ങളുടെ മേള ഷാർജയിൽ വീണ്ടുമെത്തുന്നു. മേളയുടെ ഏഴാം പതിപ്പ് ഫെബ്രുവരി 26 മുതല്‍ 29 വരെ ഷാര്‍ജയിലെ ഖാലിദ് തടാകക്കരയിലാണ്​ നടക്കുക. ലോക പുസ്തക തലസ്ഥാന പദവി ആഘോഷങ്ങളുടെ ഭാഗമായി ഷാര്‍ജ ഭരണാധികാരി ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ ദർശനങ്ങൾക്ക്​ അനുസൃതമായാണ് മേള നടക്കുന്നതെന്ന് ഷാര്‍ജ സിറ്റി ഫോര്‍ ഹ്യൂമാനിറ്റേറിയന്‍ സര്‍വിസസ് ഡയറക്ടര്‍ ജനറല്‍ ശൈഖ ജമീല ബിന്ത് മുഹമ്മദ് അല്‍ ഖാസിമി പറഞ്ഞു.