കാ​ർ​ഗോ ക​പ്പ​ലി​ൽ ബോ​ട്ടി​ടി​ച്ചു; എ​ട്ട് മ​ത്സ്യ​ത്തൊ​ഴി​ലാ​ളി​ക​ളെ ര​ക്ഷി​ച്ചു

ദു​ബൈ: വാ​ണി​ജ്യ കാ​ർ​ഗോ ക​പ്പ​ലി​ൽ ബോ​ട്ട് കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ​പെ​ട്ട എ​ട്ട് മ​ത്സ്യ​ത്തൊ​ഴി​ലാ​ളി​ക​ളെ ര​ക്ഷി​ച്ചു. സം​ഭ​വ​ത്തി​ൽ മൂ​ന്നു​പേ​ർ​ക്ക് പ​രി​ക്കേ​റ്റി​ട്ടു​ണ്ട്. ഇ​ടി​യു​ടെ ആ​ഘാ​ത​ത്തി​ൽ ബോ​ട്ട് പൂ​ർ​ണ​മാ​യി ത​ക​രു​ക​യും ചെ​യ്തു.രാ​ത്രി​യി​ൽ അ​പ​ക​ട റി​പ്പോ​ർ​ട്ട് ല​ഭി​ച്ച​യു​ട​ൻ ര​ക്ഷാ​പ്ര​വ​ർ​ത്ത​നം ആ​രം​ഭി​ച്ച ദു​ബൈ പൊ​ലീ​സ് മ​ത്സ്യ​ത്തൊ​ഴി​ലാ​ളി​ക​ളെ ആ​കാ​ശ​മാ​ർ​ഗ​മാ​ണ് ക​ര​ക്കെ​ത്തി​ച്ച​ത്.

പ​രി​ക്കേ​റ്റ​വ​ർ ദു​ബൈ റാ​ശി​ദ് ആ​ശു​പ​ത്രി​യി​ൽ ചി​കി​ത്സ​യി​ലാ​ണെ​ന്ന് അ​ധി​കൃ​ത​ർ അ​റി​യി​ച്ചു. പ​രി​ക്കി​ല്ലാ​ത്ത തൊ​ഴി​ലാ​ളി​ക​ളെ മ​റൈ​ൻ റ​സ്‌​ക്യൂ ടീ​മാ​ണ് ക​ര​ക്കെ​ത്തി​ച്ച​ത്.ദു​ബൈ വാ​ട്ട​ർ​ഫ്ര​ണ്ട് ഫി​ഷ് മാ​ർ​ക്ക​റ്റി​ലേ​ക്ക് വ​രു​ക​യാ​യി​രു​ന്ന ബോ​ട്ടാ​ണ് അ​പ​ക​ട​ത്തി​ൽ​പെ​ട്ട​തെ​ന്ന് ദു​ബൈ പോ​ർ​ട്ട് പൊ​ലീ​സ് സ്റ്റേ​ഷ​ൻ ഡ​യ​റ​ക്ട​ർ ബ്രി. ​ഡോ. ഹ​സ​ൻ സു​ഹൈ​ൽ അ​ൽ സു​വൈ​ദി പ​റ​ഞ്ഞു. ശ​നി​യാ​ഴ്ച അ​ർ​ധ​രാ​ത്രി​യാ​ണ് അ​പ​ക​ട​മു​ണ്ടാ​യ​ത്.

വ​ലി​യ കാ​ർ​ഗോ ക​പ്പ​ലി​ന് തു​റ​മു​ഖ​ത്തേ​ക്ക് പ്ര​വേ​ശി​ക്കാ​ൻ ഇ​തു​വ​രെ സാ​ധി​ച്ചി​ട്ടി​ല്ല. പ്ര​തി​കൂ​ല​മാ​യ കാ​ലാ​വ​സ്ഥ​യി​ൽ സാ​ഹ​സി​ക​മാ​യാ​ണ് അ​ധി​കൃ​ത​ർ ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. ക​ന​ത്ത കാ​റ്റി​നെ തു​ട​ർ​ന്ന് അ​പ​ക​ടം ന​ട​ന്ന സ​മു​ദ്ര മേ​ഖ​ല പ്ര​ക്ഷു​ബ്ധ​മാ​യി​രു​ന്നു.കാ​ലാ​വ​സ്ഥ മു​ന്ന​റി​യി​പ്പു​ക​ൾ പ​രി​ഗ​ണി​ക്കാ​തെ ക​ട​ലി​ലേ​ക്ക് മ​ത്സ്യ​ബ​ന്ധ​ന​ത്തി​നോ നീ​ന്താ​നോ പോ​ക​രു​തെ​ന്നും അ​തി​വേ​ഗം കാ​ലാ​വ​സ്ഥ മാ​റു​ന്ന സാ​ഹ​ച​ര്യ​ത്തി​ൽ മു​ൻ​ക​രു​ത​ൽ സ്വീ​ക​രി​ക്ക​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടു.

എ​മി​റേ​റ്റി​ൽ പ്ര​വ​ർ​ത്തി​ക്കു​ന്ന എ​ല്ലാ ബോ​ട്ടു​ക​ളും ക​പ്പ​ലു​ക​ളും ദു​ബൈ പൊ​ലീ​സി​ന്റെ ‘സൈ​ൽ സേ​ഫ്‍ലി’ എ​ന്ന ആ​പ്പി​ൽ ര​ജി​സ്റ്റ​ർ ചെ​യ്യ​ണ​മെ​ന്നും ഇ​ത് അ​പ​ക​ട സ​മ​യ​ത്ത് ര​ക്ഷാ​പ്ര​വ​ർ​ത്ത​നം എ​ളു​പ്പ​മാ​ക്കാ​ൻ സ​ഹാ​യി​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി.