ബോർഡിങ്​ പാസും പി.സി.ആർ ടെസ്​റ്റും​ വീട്ടുപടിക്കൽ

ദുബൈ: വിമാനയാത്രക്കാരുടെ വലിയ ടെൻഷനാണ്​ ബാഗേജ്​. ഒന്നോ രണ്ടോ കിലോയുടെ പേരിൽ പലപ്പോഴും വിമാനത്താവളത്തിൽ വെച്ച്​ പെട്ടിപൊട്ടിക്കേണ്ട അവസ്​ഥയുണ്ടാവാറുണ്ട്​ പലർക്കും.

ഈ പ്രശ്​നങ്ങൾക്കെല്ലാം പരിഹാരം കാണുകയാണ്​ ഇത്തിഹാദ്​ എയർലൈൻസ്​. വീടുകളിലെത്തി ബാഗേജ്​ ശേഖരിക്കും എന്ന്​ മാത്രമല്ല, ബോർഡിങ്​ പാസും നൽകുന്ന പദ്ധതിയാണ്​ ഇത്തിഹാദ്​ നടപ്പാക്കുന്നത്​. വീട്ടിൽ തന്നെ പി.സി.ആർ പരിശോധന നടത്താനും അവസരമുണ്ടാവും. വിമാനത്താവളത്തിലെ അവസാന നിമിഷത്തെ ഓട്ടപ്പാച്ചിലും വരിനിൽക്കലും ഒഴിവാക്കാൻ കഴിയും.

കോവിഡ്​ കാലത്ത്​ സുരക്ഷിത യാത്രയൊരുക്കാൻ ലക്ഷ്യമിട്ടാണ്​ ഇത്തിഹാദി​െൻറ പദ്ധതി. etihad.com/homecheckin എന്ന വെബ്​സൈറ്റ്​ വഴിയാണ്​ അപേക്ഷിക്കേണ്ടത്​. 220 ദിർഹം മുതൽ മുകളിലേക്കാണ്​ ഇൗ സേവനത്തിന്​ നിരക്ക്​ ഈടാക്കുന്നത്​. പി.സി.ആർ പരിശോധനക്ക്​ 250 ദിർഹം അധികം നൽകണം. 48 മണിക്കൂറിനുള്ളിൽ ഫലം ലഭിക്കും. ദുബൈ നാഷനൽ എയർ ട്രാവൽ ഏജൻസി, ഡുബ്​സ്​ എന്നിവരുമായി ചേർന്നാണ്​ പദ്ധതി നടപ്പാക്കുന്നത്​.

അബൂദബി വിമാനത്താവളത്തി​െൻറ 70 കിലോമീറ്റർ ചുറ്റളവിലുള്ളവർക്കാണ്​ സേവനം ലഭിക്കുക. ഇൗ മേഖലക്ക്​ പുറത്തുള്ളവർ അധിക നിരക്ക്​ നൽകണം. ഒരാളുടെ നാലു​ ബാഗുകൾ വരെ കൊണ്ടുപോകും. ഹോട്ടലിലും താമസസ്​ഥലങ്ങളിലും എത്തി ബാഗേജ്​ ശേഖരിക്കും. ഏജൻറ്​ വീട്ടിലെത്തു​േമ്പാൾ യാത്രക്കാർ എല്ലാവരും ഹാജരായിരിക്കണം. യാത്രാ രേഖകൾ നൽകുകയും ചെയ്യണം. അധിക ബ​ാഗേജുണ്ടെങ്കിൽ ബാഗേജ്​ അലവൻസ്​ പ്രകാരമുള്ള തുക അടച്ച്​ കൂടുതൽ ലഗേജ്​ കൊണ്ടുപോകാൻ കഴിയും. ബാഗുകൾ അണുനശീകരണം നടത്തുന്ന പാക്കേജുമുണ്ട്​. രാവിലെ എട്ടിനും രാത്രി എട്ടിനും ഇടയിലാണ്​ വീടുകളിലെ ചെക്ക്​ ഇൻ. യു.എസ്​ യാത്രക്കാർക്ക്​ ഈ സേവനം ലഭ്യമല്ല.

രക്ഷിതാക്കൾ കൂടെയില്ലാത്ത കുട്ടികൾ, മെഡിക്കൽ സേവനം ആവശ്യമുള്ളവർ, വളർത്തുമൃഗങ്ങളുമായി യാത്ര ചെയ്യുന്നവർ, ടിക്കറ്റ്​ കൺഫേം ആകാത്തവർ എന്നിവർക്കും സേവനം ലഭിക്കില്ല. +971 52 382 9090 എന്ന നമ്പറിൽ വിളിക്കുകയോ വാട്​സ്​ആപ്​​ ചെയ്യുകയോ ചെയ്​താൽ സംശയങ്ങൾക്ക്​ മറുപടി ലഭിക്കും.