വിജയക്കൊടി പറത്തി ബ്ലൂ സ്​റ്റാർ സ്‌പോർട്‌സ് ഫെസ്​റ്റിവലിന്​ സമാപനം

അൽ​െഎൻ: യു.എ.ഇയിലെ പ്രധാന കായികമേളയായ ബ്ലൂ സ്​റ്റാർ ഫാമിലി സ്‌പോർട്‌സ് ഫെസ്​റ്റിവലി​​െൻറ ഇരുപതാമത്​ പതിപ്പ്​ അൽ​െഎനിലെ യു.എ.ഇ സർവകലാശാല സ്‌റ്റേഡിയത്തിൽ സമാപിച്ചു. ഇന്ത്യൻ അത്‌ലറ്റിക്‌സിലെ വേഗറാണി പി.യു. ചിത്രയായിരുന്നു ഈ വർഷത്തെ ഫെസ്​റ്റിവലിലെ മുഖ്യാതിഥി. ശൈഖ്​ ഡോ. മുഹമ്മദ് മുസല്ലം ബിൻഹാം ഫെസ്​റ്റിവൽ ഉദ്​ഘാടനം ചെയ്​തു.

ഇന്ത്യൻ എംബസി സെക്രട്ടറി സി. കണ്ണൻ, അൽ​െഎൻ ഇന്ത്യൻ സോഷ്യൽ സ​െൻറർ (​െഎ.എസ്​.സി) പ്രസിഡൻറ്​ ഡോ. ശശി സ്​റ്റീഫൻ, ജനറൽ സെക്രട്ടറി ജിതേഷ് പുരുഷോത്തമൻ, ഇന്ത്യൻ സ്‌കൂൾ പ്രിൻസിപ്പൽ നീലം ഉപാദ്ധ്യായ്, സ്‌കൂൾ ചെയർമാൻ ഡോ. മൊയ്​തീൻ, സ്‌കൂൾ സെക്രട്ടറി അബൂബക്കർ, അൽ​െഎൻ ജൂനിയേഴ്‌സ് ചെയർമാൻ അർഷാദ് ഷെരീഫ്, ബ്ലൂ സ്​റ്റാർ പ്രസിഡൻറ്​ ഉണ്ണീൻ പൊന്നേത്ത്, ജനറൽ സെക്രട്ടറി റോബി വർഗീസ്​, സ്‌പോർട്‌സ് സെക്രട്ടറി പി.ടി. ഇക്ബാൽ, ഗ്ലോബൽ സ്‌കൂൾ റെക്ടർ റാണി ടീച്ചർ, ഡോ. സുധാകരൻ, ഡോ. ഷാഹുൽ ഹമീദ്, ബ്ലൂ സ്​റ്റാർ രക്ഷാധികാരി പി.കെ. ബഷീർ, ബ്ലൂ സ്​റ്റാർ മുൻ പ്രസിഡൻറ്​ ജോയി തണങ്ങാടൻ എന്നിവർ ഉദ്​ഘാടന ചടങ്ങിൽ പ​െങ്കടുത്തു.

വർണശബളമായ മാർച്ച്​പാസ്​റ്റിന്​ ശേഷം പി.യു. ചിത്ര ദീപം കൊളുത്തി ഫെസ്​റ്റിവൽ കായിക സ്‌നേഹികൾക്കു സമർപ്പിക്കുന്നതായി പ്രഖ്യാപിച്ചു. തുടർന്ന് 46ാമത്​ യു.എ.ഇ ദേശീയദിനത്തെ അനുസ്മരിപ്പിച്ച് 46 ബലൂണുകളും ഏഴ് വെള്ളരിപ്രാവുകളും നീലവാനിലേക്ക് പറത്തി. പി.യു. ചിത്രയെയും പരിശീലകൻ സജിൻ മാസ്​റ്ററെയും മേളയിലെത്തിക്കാൻ കഴിഞ്ഞതിൽ ചാരിതാർഥ്യമുണ്ടെന്ന്​ മേളയുടെ മുഖ്യ സംഘാടകരായ അബ്​ദുല്ലക്കോയ, ഹുസൈൻ മാസ്​റ്റർ, സവിതാ നായക് എന്നിവർ അറിയിച്ചു. 

ഫെസ്​റ്റിവലിലെ വിജയികൾക്ക്​ ട്രോഫി സമ്മാനിക്കുന്നു

 

മേളയുടെ ഭാഗമായി വർഗീസ് പനക്കൽ, ജോൺ സാമുവൽ കുരുവിള, അബൂബക്കർ മണൽപ്പറമ്പിൽ എന്നീ വ്യവസായ പ്രമുഖർക്ക് സ്​റ്റാർ ഒഫ് ദ ഇയർ അവാർഡ്​ നൽകി ആദരിച്ചു.അറുപതിലധികം ഇനങ്ങളിൽ, ആറു വേദികളിലായാണ് മത്സരങ്ങൾ നടന്നത്. ജൂനിയർ വിഭാഗം വ്യക്തിഗത ചാമ്പ്യന്മാരായി ആഷ്‌ലിൻ ജോഷിയും സീതാലക്ഷ്​മിയും തെരഞ്ഞെടുക്കപ്പെട്ടു. ഇൻറർ വിഭാഗത്തിൽ അബ്​ദുല്ല നജീബുല്ലയും മീന വിനോദും സീനിയർ വിഭാഗത്തിൽ മുഹമ്മദ് ഖമീസും അനോറ ഫെർണാണ്ടസുമാണ്​ വ്യക്തിഗത ചാമ്പ്യന്മാർ. സൂപ്പർ സീനിയർ വിഭാഗം ചാമ്പ്യൻ പട്ടം മുഹമ്മദ് സിദ്ദിക്ക്, അമൽ പ്രകാശ്, ദിയാ മാത്യു എന്നിവർ നേടി. 
പുരുഷ വിഭാഗം ഫുട്‌ബാളിൽ വേൾഡ് ലിങ്ക്- സമാജത്തെ പരാജയപ്പെടുത്തി അറേബ്യൻ വേൾഡ് ലിങ്ക്- മലയാളി സമാജം ജേതാക്കളായി. വനിതാ ഫുട്‌ബാളിൽ അൽ ഇത്തിഹാദ് സ്‌പോർട്‌സ് ക്ലബ്​ അൽ​െഎൻ ഇന്ത്യൻ സ്‌കൂളിനെ പരാജയപ്പെടുത്തി കിരീടം നേടി. കുട്ടികളുടെ ഫുട്‌ബാളിൽ അൽ​െഎൻ ഭവൻസ് സ്‌കൂൾ ജേതാക്കളും ഫ്രൻഡ്‌സ് അൽ​െഎൻ റണ്ണേഴ്‌സ് അപ്പുമായി.

12 ടീമുകൾ മാറ്റുരച്ച വനിതാ ത്രോബാളിൽ ലൈൻസ്‌റ്റൈൽ ദുബൈയെ പിന്തള്ളി കൊങ്കൻ ദുബൈ ഒന്നാം സ്ഥാനം നേടി. പുരുഷന്മാരുടെ ബാസ്‌കറ്റ് ബാളിൽ ലൈൻസ്‌റ്റൈൽ ദുബൈ ജേതാക്കളും ഡാന്യൂബ് രണ്ടാം സ്ഥാനക്കാരുമായി. വനിതാ ബാസ്‌കറ്റ്‌ബാളിൽ അൽ​െഎൻ ജൂനിയേഴ്‌സ് ഒന്നാം സ്ഥാനത്തും ബ്ലൂ സ്​റ്റാർ രണ്ടാം സ്ഥാനത്തുമെത്തി. വടംവലിയിൽ ജിംഖാന കാസർകോടിനെ അടിയറവ്​ പറയിച്ച് പാലക്കാടൻ പ്രവാസികൾ വിജയം നേടി. കബഡിയിൽ ബ്ലാക് ആൻഡ് വൈറ്റ് കലൂരാവി ഒന്നാം സ്ഥാനവും റെഡ്‌ സ്​റ്റാർ ദുബൈ രണ്ടാം സ്ഥാനവും കരസ്​ഥമാക്കി.