രക്​തദാന കാമ്പ്​ നടത്തി

ദുബൈ: സഞ്ജു സാംസൺ ഫാൻസ്​ അസോസിയേഷൻ യു.എ.ഇ ചാപ്​റ്റർ ബി.ഡി4യു, ശാന്തിവെൽനസ്​ എന്നിവയുടെ പിന്തുണയോടെ രക്തദാന കാമ്പ് സംഘടിപ്പിച്ചു. 266ൽ പരം രക്തദാതാക്കൾ കാമ്പിൽ പങ്കെടുത്തു രക്തദാനം നടത്തി.

രക്തത്തിന്‍റെ ആവശ്യകത മനസിലാക്കി ജീവൻ രക്ഷിക്കാനുള്ള മഹത്തായ സന്ദേശമാണ് കാമ്പിലൂടെ നൽകിയതെന്ന്​ ഭാരവാഹികൾ അറിയിച്ചു. രക്​തദാന കാമ്പിന്‍റെ വിജയത്തിനായി പ്രവർത്തിച്ച മുഴുവൻ പ്രവർത്തകർക്കും, രക്തദാതാക്കൾക്കും സംഘാടകർ നന്ദി അറിയിച്ചു.