റമദാനിൽ തിരക്കൊഴിഞ്ഞ് ബിദിയാ പള്ളി

ഷാർജ: റമദാനിൽ യു.എ.ഇയിലെ എല്ലാ പള്ളികളിലും ആളുകൾ കൂടുകയാണ് പതിവ്. എന്നാൽ ഫുജൈറയിലെ ചരിത്ര പ്രസിദ്ധമായ ബിദിയാ പ ള്ളിയിൽ ഇൗ മാസം സന്ദർശകർ വളരെ കുറവാണ്. പെരുന്നാൾ വരെ ഈ നില തുടരുമെന്ന് പള്ളിയിലെ ജോലിക്കാരനായ മലപ്പുറം സ്വദേശ ി നാസർ പറഞ്ഞു.

എല്ലാ മതസ്​ഥർക്കും പ്രവേശനമുള്ളത് കാരണം സാധാരണ ദിവസങ്ങളിൽ നൂറുകണക്കിന് പേർ പള്ളി കാണുവാൻ മ ാത്രം എത്താറുണ്ട്. പള്ളിയുടെ നിർമാണ രീതിയിലെ വൈവിധ്യവും പ്രദേശത്തി​െൻറ ഭൂമിശാസ്​ത്രപരമായ പ്രത്യേകതയും കടൽ തീരവും കൃഷിയിടങ്ങളുമാണ് സന്ദർശകരെ ഇവിടേക്ക് ആകർഷിക്കാറുള്ളത്. മുമ്പ് നമസ്​ക്കാരമെല്ലാം കഴിഞ്ഞ ശേഷമാണ് പള്ളി അടക്കാറുള്ളത്. റമദാനിലെ രാത്രി നമസ്​ക്കാരവും ഇവിടെ നടന്നിരുന്നു. എന്നാൽ ഇപ്പോൾ വൈകീട്ട് ആറുമണിക്ക് തന്നെ പള്ളി അടക്കും. സംഘടിത നമസ്​ക്കാരത്തിന് നേതൃത്വം നൽകാൻ മുമ്പ് ഇമാം ഉണ്ടായിരുന്നുവെങ്കിലും ഇപ്പോൾ അതില്ല. വരുന്നവർക്ക് നമസ്​ക്കരിക്കാനുള്ള സൗകര്യമുണ്ട്.

പെരുന്നാൾ അവധി ദിനങ്ങളിൽ ഈ ഭാഗത്ത് നിന്നുതിരിയാൻ സ്​ഥലമുണ്ടാകാത്ത തരത്തിലായിരിക്കും സന്ദർശകർ. മലയോരത്താണ് ഏ.ഡി 1446ൽ നിർമിച്ച പള്ളി നിൽക്കുന്നത്. താഴിക കുടങ്ങൾ പള്ളിക്കകത്തെ കൂറ്റൻ തൂണിലാണ് ഉറപ്പിച്ചിട്ടുള്ളത്. പ്രാദേശികമായ നിർമാണ വസ്​തുക്കളാണ് പള്ളി നിർമാണത്തിന് ഉപയോഗിച്ചിട്ടുള്ളത്.

പലവട്ടം നവീകരണ പ്രവർത്തനങ്ങൾ നടത്തിയിട്ടുണ്ടെങ്കിലും പഴമയുടെ തനിമ നിലനിറുത്തിയിട്ടുണ്ട്. തൊട്ടടുത്ത മലമുകളിൽ കാവൽ മാളികയുണ്ട്. ഈ ഭാഗത്ത് നിന്ന് പലായനം ചെയ്ത ഗോത്രങ്ങളുടെ അവശേഷിപ്പുകൾ എവിടെ സൂക്ഷിച്ച് നോക്കിയാലും കാണാം. പറങ്കികളുടെ കടന്നുകയറ്റത്തെ തുടർന്നായിരുന്നു ഗോത്രങ്ങളുടെ പലായനം. പള്ളിയുടെ എതിർ വശത്ത് കടലാണെങ്കിൽ, ഇതി​െൻറ പിറക് വശത്ത് കൂടെ കുറെ യാത്ര ചെയ്താൽ വാദി അൽ വുറയ്യയുടെ സമീപത്തെത്താം. റംസാർ പട്ടികയിൽ ഇടംപിടിച്ചിട്ടുള്ള ഈ പ്രദേശം ചോലവനങ്ങളും കൊച്ചരുവികളും സമ്മേളിക്കുന്ന മനോഹര പ്രദേശമാണ്. അറേബ്യൻ മരുഭൂമിയിലെ അപൂർവ്വയിനം ജന്തുജാലങ്ങളുടെ ആവാസ മേഖലയുമാണിത്. അതു കൊണ്ടു തന്നെ സന്ദർശകർ നിയന്ത്രണമുണ്ട്.