ആം​സ്റ്റ​ർ​ഡാ​മി​ലെ സൈ​ക്കി​ളു​ക​ൾ...

ദു​ബൈ​യി​ൽ താ​മ​സി​ക്കു​ന്ന വ​ട​ക്കാ​ഞ്ചേ​രി കേ​ച്ചേ​രി സ്വ​ദേ​ശി ക​മ​ർ ബ​ക്ക​റി​ന്‍റെ​യും ഭാ​ര്യ ന​സീ​റ​യു​ടെ​യും മ​ക​ൻ ഗ​സാ​ലി​യു​ടെ​യും യൂ​റോ​പ്യ​ൻ യാ​ത്രാ​വി​വ​ര​ണം ആം​സ്റ്റ​ർ​ഡാം ക​ട​ന്ന്​ സ്വി​റ്റ്​​സ​ർ​ല​ൻ​ഡി​ലേ​ക്ക്​...

യൂ​റോ​പ്പ്യ​ൻ യാ​ത്ര​യു​ടെ 13ാം ദി​വ​സ​മാ​ണ് ആം​സ്റ്റ​ർ​ഡാ​മി​ൽ എ​ത്തു​ന്ന​ത്. യൂ​റോ​പ്പി​ന്‍റെ മ​റ്റ് ഭാ​ഗ​ങ്ങ​ളി​ൽ നി​ന്നും ആം​സ്റ്റ​ര്‍ഡാ​മി​നെ വ്യ​ത്യ​സ്ഥ​മാ​ക്കു​ന്ന​ത് ഇ​വി​ട​ത്തെ സൈ​ക്കി​ളു​ക​ളാ​ണ്. 25 ല​ക്ഷം ജ​ന​ങ്ങ​ള്‍ക്കും സൈ​ക്കി​ളു​ക​ളു​ണ്ടെ​ന്നാ​ണ്​ ക​ണ​ക്ക്. സൈ​ക്കി​ളു​ക​ൾ​ക്ക് പ്ര​ത്യേ​കം റോ​ഡും സി​ഗ്ന​ലു​ക​ളി​ല്‍ പോ​ലു​മു​ണ്ട്. അ​തി​ന​ര്‍ഥം സൈ​ക്കി​ളു​ക​ള്‍ ഈ ​ജ​ന​ത​യു​ടെ ആ​ത്മാ​വി​ന്‍റെ ഭാ​ഗ​മാ​ണെ​ന്നാ​ണ്‌.

സ്വ​ന്തം റി​സ്കി​ൽ സൈ​ക്കി​ളു​ക​ൾ പാ​ർ​ക്ക് ചെ​യ്ത്​ ജോ​ലി​ക്കോ പ​ഠ​ന​ത്തി​നോ മ​റ്റ് ആ​വ​ശ്യ​ങ്ങ​ൾ​ക്കോ പോ​കാം. മി​ക്ക​വ​രും സൈ​ക്കി​ളു​ക​ൾ​ക്ക് ഇ​ൻ​ഷു​റ​ൻ​സ് എ​ടു​ത്തി​രി​ക്കും. ഇ​തി​ന് പ്ര​ത്യേ​ക പാ​ർ​ക്കി​ങ്​ ഫീ​യോ മ​റ്റോ ഇ​ല്ല. മി​ല്ല. പ​ല​നി​ല​ക​ളി​ലാ​യി​ട്ട് സൈ​ക്കി​ളു​ക​ൾ പാ​ർ​ക്ക് ചെ​യ്യാ​ൻ ന​ഗ​ര​ത്തി​ന്‍റെ പ​ല​യി​ട​ങ്ങ​ളി​ലും സൗ​ക​ര്യ​മു​ണ്ട്. ഫീ ​കൊ​ടു​ത്തും സൈ​ക്കി​ളു​ക​ൾ സൂ​ക്ഷി​ക്കു​ന്ന പാ​ർ​ക്കി​ങ്ങ് സ്ഥ​ല​ങ്ങ​ളും ധാ​ര​ളം കാ​ണാം. ദി​വ​സ​വാ​ട​ക​ക്കും മേ​ൽ​ത്ത​രം സൈ​ക്കി​ളു​ക​ൾ ന​മു​ക്ക് മി​ത​മാ​യ നി​ര​ക്കി​ൽ എ​ടു​ക്കാം. എ​ടു​ക്ക​ലും കൊ​ടു​ക്ക​ലും എ​ല്ലാം ഓ​ൺ​ലൈ​ൻ ആ​പ്പു​ക​ൾ വ​ഴി.

പാ​ർ​ക്ക് ചെ​യ്ത സൈ​ക്കി​ളു​ക​ൾ എ​ടു​ക്കാ​ൻ വ​രു​ന്ന​വ​രു​ടെ​യും സൈ​ക്കി​ൾ പാ​ർ​ക്ക് ചെ​യ്യാ​ൻ വ​രു​ന്ന​വ​രു​ടെ​യും തി​ര​ക്കാ​യി​രി​ക്കും ഈ ​

പ്ര​ദേ​ശ​ങ്ങ​ളി​ൽ. മെ​ട്രോ​യി​ലും സൈ​ക്കി​ളു​ക​ളു​മാ​യി യാ​ത്ര ചെ​യ്യാ​ൻ സൗ​ക​ര്യ​മു​ണ്ട്. ന​മ്മു​ടെ നാ​ട്ടി​ൽ സൈ​ക്കി​ള്‍ ച​വി​ട്ടി​പ്പോ​കു​ന്ന ജോ​ലി​ക്കാ​രെ എ​ത്ര അ​വ​ജ്ഞ​യോ​ടെ​യാ​ണ്‌ വീ​ക്ഷി​ക്കു​ക. എ​ന്നാ​ൽ, ഇ​വി​ടെ സൈ​ക്കി​ള്‍ ഒ​രു സം​സ്കാ​ര​മാ​യാ​ണ്​ ക​ണ​ക്കാ​ക്കു​ന്ന​ത്.

വെ​ള്ള​ത്തി​നു മു​ക​ളി​ൽ സ്ഥി​തി ചെ​യ്യു​ന്ന വ​ലി​യ ന​ഗ​ര​മാ​ണ് ആം​സ്റ്റ​ർ​ഡാം. നൂ​റി​ൽ​പ​രം കി​ലോ​മീ​റ്റ​ർ ഈ ​ന​ഗ​ര​ത്തെ ബ​ന്ധി​പ്പി​ച്ചു​കൊ​ണ്ട് സ​ഞ്ചാ​ര​യോ​ഗ്യ​മാ​യ വ​ലി​യ തോ​ടു​ക​ൾ ഏ​റെ മ​നോ​ഹ​ര​മാ​യ കാ​ഴ്ച്ച​യാ​ണ്. ച​ര​ക്ക് ക​ട​ത്താ​ൻ ഉ​പ​യോ​ഗി​ക്കു​ന്ന ബോ​ട്ടു​ക​ൾ, വ്യ​ക്തി​ഗ​ത യാ​ത്രാ​ബോ​ട്ടു​ക​ൾ, വി​നോ​ദ സ​ഞ്ചാ​ര​നൗ​ക​ക​ൾ, വ​ലു​തും ചെ​റു​തു​മാ​യ നൂ​റു​ക​ണ​ക്കി​ന് മേ​ൽ​പ്പാ​ല​ങ്ങ​ൾ, തോ​ടു​ക​ളു​ടെ ഇ​രു ക​ര​ക​ളി​ലു​മാ​യി സ്ഥി​തി​ചെ​യ്യു​ന്ന നൂ​റ്റാ​ണ്ടു​ക​ൾ പ​ഴ​ക്ക​മു​ള്ള വീ​ടു​ക​ൾ, ആ​രാ​ധാ​നാ​ല​യ​ങ്ങ​ൾ, ബാ​റു​ക​ൾ, ഹോ​ട്ട​ലു​ക​ൾ, ഷോ​പ്പി​ങ്ങ് സെ​ൻ​റ​റു​ക​ൾ, മ്യൂ​സി​യ​ങ്ങ​ൾ തു​ട​ങ്ങി പ​ല കെ​ട്ടി​ട നി​ർ​മ്മി​തി​ക​ളും പു​രാ​ത​ന ന​ഗ​ര​ത്തി​ന്‍റെ മ​ഹി​മ ചോ​രാ​തെ സം​ര​ക്ഷി​ക്കു​ന്നു.

സ്വി​സ്​ നി​ക്ഷേ​പ​മാ​യി റൈ​ൻ​​ഫാ​ൾ

ജ​ർ​മ​ൻ അ​തി​ർ​ത്തി​യി​ലു​ള്ള സ്വി​റ്റ്സ​ർ​ല​ന്‍റ് പ​ട്ട​ണ​മാ​യ സൂ​റി​ച്ചി​ൽ നി​ന്നും ഏ​ക​ദേ​ശം 75 കി​ലോ​മീ​റ്റ​ർ അ​ക​ലെ​യാ​ണ് യൂ​റോ​പ്പി​ലെ വ​ലി​യ വെ​ള്ള​ച്ചാ​ട്ട​ങ്ങ​ളി​ലൊ​ന്നാ​യ റൈ​ൻ​ഫാ​ൾ (Rheinfall) വെ​ള്ള​ച്ചാ​ട്ടം. ലോ​ക​ത്തി​ലെ ഏ​റ്റ​വും കു​രു​ത്തു​റ്റ വെ​ള്ള​ച്ചാ​ട്ട​മാ​ണി​ത്.

സ്വി​റ്റ്സ​ർ​ല​ന്‍റി​ന്‍റെ മ​നോ​ഹ​ര​ങ്ങ​ളാ​യ ഗ്രാ​മ​ക്കാ​ഴ്ച്ച​ക​ൾ ക​ണ്ട് കാ​റി​ലൂ​ടെ സ​ഞ്ച​രി​ച്ചാ​ണ് ആ ​വെ​ള്ള​ച്ചാ​ട്ടം കാ​ണാ​ൻ എ​ത്തി​യ​ത്. കാ​ർ പാ​ർ​ക്ക് ചെ​യ്ത് അ​ഞ്ച്​ സ്വി​സ്സ് ഫ്രാ​ങ്ക് പ്ര​വേ​ശ​ന ഫീ​സ് അ​ട​ച്ചാ​ൽ വ​ലി​യ കോ​ട്ട​യി​ലേ​ക്ക് പ്ര​വേ​ശി​ക്കാം. വെ​ള്ള​ച്ചാ​ട്ട​ത്തി​ന് തൊ​ട്ട​ടു​ത്തു​വ​രെ സ​ന്ദ​ർ​ശ​ക​ർ​ക്ക് എ​ത്താ​ൻ സാ​ധി​ക്കും വി​ധം നി​ര​വ​ധി വീ​ക്ഷ​ണ പ്ലാ​റ്റ് ഫോ​മു​ക​ളു​ണ്ട് അ​വി​ടെ. വെ​ള്ള​ച്ചാ​ട്ട​ത്തി​ന്‍റെ വി​വ​ര​ണ​ങ്ങ​ളും ച​രി​ത്ര​വും രേ​ഖ​പ്പെ​ടു​ത്തു​ന്ന ചി​ത്ര​ങ്ങ​ളും ശി​ൽ​പ​ങ്ങ​ളും കൊ​ണ്ട് മ​നോ​ഹ​ര​മാ​ക്കി​യ കോ​ട്ട​യി​ലേ​ക്ക് പ്ര​വേ​ശി​ച്ചാ​ൽ, പ​ടി​ക​ളും ന​ട​പ്പാ​ത​ക​ളും ഇ​റ​ങ്ങി താ​ഴോ​ട്ട് എ​ത്തും തോ​റും വെ​ള്ള​ച്ചാ​ട്ട​ത്തി​ന്‍റെ ഇ​ര​മ്പ​ലി​ൽ പ​രി​സ​രം മ​റ​ന്ന് നാം ​അ​തി​ൽ അ​ലി​ഞ്ഞു ചേ​ർ​ന്നി​രി​ക്കും.

ചെ​ങ്കു​ത്താ​യ ക​ൽ​പ്പ​ട​വു​ക​ൾ ഇ​റ​ങ്ങി താ​ഴോ​ട്ട് ന​ട​ക്കും തോ​റും വെ​ള്ള​ച്ചാ​ട്ട​ത്തി​ന്‍റെ ഓ​രോ ഘ​ട്ട​ത്തി​ന്‍റെ​യും കാ​ഴ്ച്ച​ക​ൾ കാ​ണാം. താ​ഴോ​ട്ട് ഇ​റ​ങ്ങു​വാ​നും മു​ക​ളി​ലോ​ട്ട് ക​യ​റു​വാ​നും ഉ​ഗ്ര​ശേ​ഷി​യു​ള്ള ലി​ഫ്റ്റു​ക​ളും ത​യാറാ​ണ്.

ലോ​ക​സ​ഞ്ചാ​ര ഭൂ​പ​ട​ത്തി​ൽ ആ​ദ്യ പ​ത്തി​ൽ ഇ​ടം പി​ടി​ക്കു​ന്ന നാ​യാ​ഗ്ര വെ​ള്ള​ച്ചാ​ട്ടം 2012 ഒ​ക്ടോ​ബ​റി​ൽ അ​മേ​രി​ക്ക​യു​ടെ ഭാ​ഗ​ത്തു നി​ന്നും കാ​ണാ​ൻ ക​ഴി​ഞ്ഞ​തും അ​വി​ട​ത്തെ പ്ര​കൃ​തി സൗ​ന്ദ​ര്യ​വും ഭം​ഗി​യും ആ​സ്വ​ദി​ച്ച്​ ബോ​ട്ട് യാ​ത്ര ന​ട​ത്താ​നാ​യ​തും ജീ​വി​ത​ത്തി​ലെ എ​ക്കാ​ല​ത്തെ​യും ന​ല്ല ഓ​ർ​മ്മ​യും കാ​ഴ്ച്ച​യു​മാ​ണ്. അ​തു​പോ​ലെ മ​ന​സ്സി​ലേ​ക്ക് ആ​ഴ്ന്ന് പോ​യ ദി​വ​സ​മാ​ണ് റൈ​ൻ ഫാ​ൾ വെ​ള്ള​ച്ചാ​ട്ടം ക​ണ്ട ദി​വ​സ​വും.