ഷാർജയിൽ സുരക്ഷ കാമ്പയിനുമായി സൈക്കിൾ പട്രോളിങ്

ഷാ​ർ​ജ: എ​മി​റേ​റ്റി​ൽ പൊ​തു​സു​ര​ക്ഷ വ​ർ​ധി​പ്പി​ക്കാ​ൻ ഷാ​ർ​ജ പൊ​ലീ​സ് അ​ൽ ബു​ഹൈ​റ കോം​പ്രി​ഹെ​ൻ​സി​വ്​ പൊ​ലീ​സ് സ്‌​റ്റേ​ഷ​നു​മാ​യി സ​ഹ​ക​രി​ച്ച് ‘സെ​ക്യൂ​രി​റ്റി സൈ​ക്കി​ൾ പ​ട്രോ​ൾ’ കാ​മ്പ​യി​ൻ ആ​രം​ഭി​ച്ചു. ജ​ന​ങ്ങ​ളു​മാ​യി നേ​രി​ട്ട് ആ​ശ​യ​വി​നി​മ​യം ന​ട​ത്തി അ​വ​രു​ടെ സു​ര​ക്ഷി​ത​ത്വ​ബോ​ധം വ​ർ​ധി​പ്പി​ക്ക​ലാ​ണ് കാ​മ്പ​യി​നി​ന്റെ ല​ക്ഷ്യം. തി​ര​ക്കു​ള്ള സ്ഥ​ല​ങ്ങ​ളെ നി​രീ​ക്ഷി​ച്ച് സു​ര​ക്ഷ സാ​ന്നി​ധ്യ​വും സൗ​ക​ര്യ​വും വ​ർ​ധി​പ്പി​ക്കു​ക​യെ​ന്ന ല​ക്ഷ്യ​മാ​ണ്​ പ​ദ്ധ​തി​ക്കു​ള്ള​ത്. ഷാ​ർ​ജ പൊ​ലീ​സി​ന്‍റെ ‘സേ​ഫ് സ​ബ​ർ​ബ്​​സ്​’ എ​ന്ന സം​രം​ഭ​ത്തി​ന്‍റെ ഭാ​ഗ​മാ​യാ​ണ് സെ​ക്യൂ​രി​റ്റി സൈ​ക്കി​ൾ പ​ട്രോ​ളി​ങ്​ പ​ദ്ധ​തി ആ​വി​ഷ്ക​രി​ച്ചി​രി​ക്കു​ന്ന​ത്.

ഓ​രോ സൈ​ക്കി​ൾ പ​ട്രോ​ളി​ങ്ങി​ലും ആ​ശ​യ​വി​നി​മ​യ​ത്തി​നു​ള്ള ഉ​പ​ക​ര​ണ​ങ്ങ​ളും എ​മ​ർ​ജ​ൻ​സി ലൈ​റ്റു​ക​ളും സ​ജ്ജീ​ക​രി​ച്ചി​രി​ക്കും. ഉ​ന്ന​ത പ​രി​ശീ​ല​നം ല​ഭി​ച്ച ഉ​ദ്യോ​ഗ​സ്ഥ​ർ പ്ര​ത്യേ​ക പൊ​ലീ​സ് യൂ​നി​ഫോം ധ​രി​ച്ചാ​ണ് ജ​ന​ങ്ങ​ളു​മാ​യി ആ​ശ​യ​വി​നി​മ​യം ന​ട​ത്തു​ക. സു​ര​ക്ഷ ഉ​റ​പ്പാ​ക്കു​ന്ന​തി​നൊ​പ്പം പ​രി​സ്ഥി​തി അ​വ​ബോ​ധം പ​ക​രാ​നും കാ​മ്പ​യി​ൻ ല​ക്ഷ്യ​മി​ടു​ന്ന​താ​യി ബു​ഹൈ​റ കോം​പ്രി​ഹെ​ൻ​സി​വ് പൊ​ലീ​സ് സ്റ്റേ​ഷ​ൻ മേ​ധാ​വി ലെ​ഫ്. കേ​ണ​ൽ മു​ഹ​മ്മ​ദ് അ​ലി ബി​ൻ ഹൈ​ദ​ർ പ​റ​ഞ്ഞു. ഈ​യാ​ഴ്ച ആ​രം​ഭി​ച്ച കാ​മ്പ​യി​​ൻ മാ​ർ​ച്ച് അ​വ​സാ​നം വ​രെ തു​ട​രും.