ദുബൈയിൽ ഇന്ന്​ മുതൽ പുറത്തിറങ്ങുന്നതിന്​ വിലക്ക്​

ദുബൈ: ദേശീയ അണുനശീകരണ യജ്​ഞത്തി​​െൻറ ഭാഗമായി രാത്രി ഏർപ്പെടുത്തിയിരുന്ന നിയന്ത്രണം പകൽ സമയത്തേക്ക്​ കൂടി നീ ട്ടാൻ ദുബൈ ക്രൈസിസ്​ ആൻഡ്​ ഡിസാസ്​റ്റർ മാനേജ്​മ​െൻറ്​ സുപ്രീം കമ്മിറ്റി തീരുമാനിച്ചു. ശനിയാഴ്​ച രാത്രി എട്ട് ​ മുതൽ രണ്ടാഴ്​ചത്തേക്കാണ്​ വിലക്ക്​.

നിലവിൽ ദുബൈ എമിറേറ്റിൽ മാത്രമാണ്​ പകൽ സഞ്ചാര വിലക്ക്​. ഇതോടെ ഇന്ന്​ മുതൽ പകൽ സമയത്തും അനാവശ്യമായി പുറത്തിറങ്ങിയാൽ​ കനത്ത പിഴ അടക്കേണ്ടി വരുമെന്നും അധികൃതർ വ്യക്​തമാക്കി. എന്നാൽ, സൂപ്പർമാർക്കറ്റ്​, ഹോട്ടൽ പാഴ്​സൽ സർവീസ്​, ഫാർമസി എന്നിവ പതിവ്​ പോലെ തുറക്കും. മറ്റ്​ എമിറേറ്റുകളിൽ രാത്രി യാത്രക്ക്​ മാത്രമാണ്​ വിലക്കുള്ളത്​.

വീടകങ്ങളിൽ കഴിയുന്നവരിൽ കോവിഡ്​ ബാധ കുറവാണെന്നും അതിനാൽ പരമാവധി പുറത്തിറങ്ങാതെ സഹകരിക്കണമെന്നും അധികൃതർ വ്യക്​തമാക്കി. കോവിഡ്​ ബാധ കൂടുതലായി കണ്ടെത്തിയ പ്രദേശങ്ങളിൽ അണുവിമുക്​തമാക്കൽ തുടരുമെന്നും അധികൃതർ അറിയിച്ചു.