പെരുന്നാൾ ആഘോഷം: നിർധനർക്ക് ആർ.ടി.എയുടെ കൈത്താങ്ങ്

ദു​ബൈ: ബ​ലി​പെ​രു​ന്നാ​ൾ ആ​ഘോ​ഷ​ത്തി​ൽ നി​ർ​ധ​ന​രാ​യ കു​ടും​ബ​ങ്ങ​ളെ​യും ഉ​ൾ​പ്പെ​ടു​ത്താ​ൻ വി​പു​ല​മാ​യ പ​ദ്ധ​തി​ക​ൾ ആ​സൂ​ത്ര​ണം ചെ​യ്ത്​ ​ദു​ബൈ റോ​ഡ്​​സ്​ ആ​ൻ​ഡ്​ ട്രാ​ൻ​സ്​​പോ​ർ​ട്ട്​ അ​തോ​റി​റ്റി (ആ​ർ.​ടി.​എ).കു​റ​ഞ്ഞ വ​രു​മാ​ന​മു​ള്ള കു​ടും​ബ​ങ്ങ​ളി​ലെ കു​ട്ടി​ക​ളെ​യും അ​നാ​ഥ​രെ​യും വി​ദ്യാ​ർ​ഥി​ക​ളെ​യും ല​ക്ഷ്യ​മി​ട്ടാ​ണ്​ സാ​മു​ദാ​യി​ക സം​രം​ഭ​ങ്ങ​ൾ​ക്ക്​ ആ​ർ.​ടി.​എ തു​ട​ക്ക​മി​ട്ടി​രി​ക്കു​ന്ന​ത്.

കി​യോ​ലി​സ്-​എം‌.​എ​ച്ച്‌.​ഐ, ബാ​ഗ്‌​ഷ​ത്‌​ന ഡി​സൈ​ൻ, ടോ​യ്‌​സ് 'ആ​ർ' അ​സ് എ​ന്നി​വ​യു​മാ​യി സ​ഹ​ക​രി​ച്ചാ​ണ്​ പ​രി​പാ​ടി സം​ഘ​ടി​പ്പി​ക്കു​ന്ന​ത്.അ​നാ​ഥ​രാ​യ പെ​ൺ​കു​ട്ടി​ക​ൾ​ക്കും കു​റ​ഞ്ഞ വ​രു​മാ​ന​മു​ള്ള കു​ടും​ബ​ങ്ങ​ളി​ൽ​നി​ന്നു​ള്ള​വ​ർ​ക്കും കി​സ്‌​വ​ത്ത് അ​ൽ ഈ​ദ് (പെ​രു​ന്നാ​ൾ വ​സ്ത്രം) വി​ത​ര​ണം ഉ​ൾ​പ്പെ​ടെ ഈ​ദു​ൽ അ​ദ്ഹ ആ​ഘോ​ഷി​ക്കു​ന്ന​തി​നു​ള്ള ക​മ്യൂ​ണി​റ്റി സം​രം​ഭ​ങ്ങ​ൾ​ക്കാ​യി ആ​ർ.​ടി.​എ പ്ര​ത്യേ​ക പ​ദ്ധ​തി ത​യാ​റാ​ക്കി​യി​ട്ടു​ണ്ട്.

നാ​ഷ​ണ​ൽ ചാ​രി​റ്റി സ്കൂ​ളു​ക​ളി​ൽ നി​ന്നു​ള്ള 300 വി​ദ്യാ​ർ​ഥി​ക​ൾ​ക്ക് ക്യാ​ഷ് ഈ​ദ​യും പ​ദ്ധ​തി​യി​ൽ ഉ​ൾ​പ്പെ​ടു​ന്ന​താ​യി ആ​ർ.​ടി.​എ, കോ​ർ​പ​റേ​റ്റ് അ​ഡ്മി​നി​സ്ട്രേ​റ്റി​വ് സ​പ്പോ​ർ​ട്ട് സ​ർ​വി​സ​സ് സെ​ക്ട​ർ മാ​ർ​ക്ക​റ്റി​ങ്​ ആ​ൻ​ഡ്​ കോ​ർ​പ​റേ​റ്റ് ക​മ്മ്യൂ​ണി​ക്കേ​ഷ​ൻ ഡ​യ​റ​ക്ട​ർ റൗ​ദ അ​ൽ മെ​ഹ്​​രി​സി പ​റ​ഞ്ഞു.

കു​റ​ഞ്ഞ വ​രു​മാ​ന​മു​ള്ള കു​ടും​ബ​ങ്ങ​ളി​ൽ​നി​ന്നു​ള്ള അ​നാ​ഥ​ർ​ക്ക് പ​രി​ച​ര​ണം ന​ൽ​കു​ന്ന​തി​നുംസ​ന്തോ​ഷം പ്ര​ദാ​നം ചെ​യ്യു​ന്ന​തി​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി പാ​വ​പ്പെ​ട്ട കു​ടും​ബ​ങ്ങ​ളി​ൽ​നി​ന്നു​ള്ള 40 അ​നാ​ഥ കു​ട്ടി​ക​ൾ​ക്കു​ള്ള സ​മ്മാ​ന വി​ത​ര​ണ​വും ഐ.​എം.​ജി വേ​ൾ​ഡ്സ് ഓ​ഫ് അ​ഡ്വ​ഞ്ച​റി​ലേ​ക്കു​ള്ള യാ​ത്ര​യും സം​ഘ​ടി​പ്പി​ക്കും.

ആ​ർ.​ടി.​എ​യു​ടെ സ്ട്രാ​റ്റ​ജി​ക് പ്ലാ​ൻ 2023-2030ന് ​അ​നു​സൃ​ത​മാ​യി സ​ന്തോ​ഷ​ക​ര​മാ​യമൂ​ല്യ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​നൊ​പ്പം പി​ന്തു​ണ​യു​ടെ​യും ഐ​ക്യ​ദാ​ർ​ഢ്യ​ത്തി​ന്റെ​യും സം​സ്കാ​രം വ​ള​ർ​ത്തി​യെ​ടു​ക്കാ​ൻ ആ​ഹ്വാ​നം ചെ​യ്യു​ക​യെ​ന്ന​താ​ണ്​ ല​ക്ഷ്യം.