ബഹ്​റൈൻ കിരീടാവകാശിയെ ശൈഖ്​ മുഹമ്മദ്​ ബിൻ സായിദ്​ സ്വീകരിച്ചു

അബൂദബി: ബഹ്​റൈൻ കീരീടാവകാശിയും ഒന്നാം ഉപ പ്രധാനമന്ത്രിയുമായ സൽമാൻ ബിൻ ഹമദ്​ ആൽ ഖലീഫ ഒൗദ്യോഗിക സന്ദർശനത്തിന്​ യു.എ.ഇയിലെത്തി. അബൂദബി പ്രസിഡൻഷ്യൽ വിമാനത്താവളത്തിലിറങ്ങിയ സൽമാൻ ബിൻ ഹമദ്​ ആൽ ഖലീഫയെയും പ്രതിനിധി സംഘത്തെയും അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ സ്വീകരിച്ചു. ഒൗദ്യോഗിക സ്വീകരണ ചടങ്ങും സംഘടിപ്പിച്ചു. ബഹ്​റൈൻ ദേശീയ ഗാനമാലപിച്ചും 21 വെടിയുതിർത്തുമുള്ള ഗാർഡ്​ ഒാഫ്​ ഒാണർ സ്വീകരണത്തി​​െൻറ ഭാഗമായിരുന്നു. 
യു.എ.ഇയിലെ ത​​െൻറ സഹോദരങ്ങളെ കാണാൻ സാധിച്ചതിൽ സന്തോഷമറിയിച്ച ബഹ്​റൈൻ കിരീടാവകാശി ഇരു രാജ്യങ്ങളും തമ്മി​െല ബന്ധങ്ങൾ സാഹോദര്യത്തി​​െൻറയും സ്​നേഹത്തി​​െൻറയും ആഴത്തിലുള്ള വേരുകളുള്ളതാണെന്ന്​ പ്രസ്​താവനയിൽ അറിയിച്ചു. സഹോദര രാജ്യത്തിലേക്കുള്ള ത​​െൻറ സ​ന്ദർശനം യു.എ.ഇയുടെ ഉന്നതമായ സ്​ഥാനത്തിൽ ബഹ്​റൈൻ ​േനതൃത്വത്തിനും ജനങ്ങൾക്കുമുള്ള അഭിമാനം പ്രകടിപ്പിക്കാനുള്ള അവസരമാണ്​. മഹത്തരമായ നേതൃത്വത്തിന്​ കീഴിൽ യു.എ.ഇ നേടിയ എല്ലാ നേട്ടങ്ങൾക്കും താൻ ആദരമർപ്പിക്കുന്നുവെന്നും അദ്ദേഹം പറഞ്ഞു.