ഹാൻറ്​ബാഗിൽ കൊണ്ടുപോകരുതാത്ത സാധനങ്ങളുടെ പട്ടിക പുറത്തുവിട്ടു

ദുബൈ: യാത്രക്കാർക്ക്​ ഹാൻറ്​ബാഗിലാക്കി വിമാനത്തിനുളളിലേക്ക്​ കൊണ്ടുപോകാൻ അനുമതിയില്ലാത്ത സാധനങ്ങളുടെ പട്ടിക അധികൃതർ പുറത്തുവിട്ടു. പുതുതായി ചില സാധനങ്ങളും പട്ടികയിൽ ഇടം പിടിച്ചിട്ടുണ്ട്​. ജൂൺ മുപ്പത്​ മുതൽ 350 മില്ലി അഥവാ 12 ഒൗൺസിൽ കൂടുതൽ അളവിലുള്ള പൊടികൾ കൈയ്യിൽ കരുതാനാവില്ല. യു.എസ്​. ട്രാൻസ്​പോർ​േട്ടഷൻ സെക്യൂരിറ്റി അഡ്​മിനിസ്​ട്രേഷൻ ചട്ടങ്ങളിൽ മാറ്റം വരുത്തിയതിനെത്തുടർന്നാണിത്​. സ്​മാർട്ട്​ ബാഗുകളുടെ നി​േരാധം കഴിഞ്ഞ ജനുവരി മുതൽ നിലവിലുണ്ട്​. ഇതിനുള്ളിലെ ലിഥിയം ബാറ്ററി തീപിടുത്തത്തിന്​ ഇടയാക്കും എന്ന്​ കണ്ടതിനെത്തുടർന്നാണിത്​. കുഞ്ഞുങ്ങൾ ഒപ്പമില്ലെങ്കിൽ ബേബി ഫുഡ്​ ഫുഡ്​ അനുവദിക്കില്ല. 
പാൽ, സോയ മിൽക്ക്​ എന്നിവക്കൊക്കെ തീരുമാനംബാധകമാണ്​.

മരുന്നുകളാണ്​ ശ്രദ്ധിക്കേണ്ട മറ്റൊരു സാധനം. 100 മില്ലിയിൽ കൂടുതൽ മരുന്ന്​ കൈയ്യിലുണ്ടെങ്കിൽ ഡോക്​ടറുടെ കുറിപ്പടിയും കൈയ്യിലുണ്ടാവണം. രാജ്യത്ത്​ നി​േരാധിക്കപ്പെട്ട മരുന്നുകളുടെ പട്ടികയിൽ ഉൾപ്പെടാത്തവയായിരിക്കുകയും വേണം. പെർഫ്യൂം അധികം അളവിൽ കൊണ്ടുപോകാനാവില്ല. 20 സ​​െൻറീമീറ്റർ സമചതുരത്തിലുള്ള സുതാര്യമായ പ്ലാസ്​റ്റിക്​ കൂടിനുള്ളിൽ കൊള്ളുന്നത്ര ഒപ്പം കരുതാം. ഇതോടൊപ്പം ക്രിക്കറ്റ്​, ബാഡ്​മിൻറൻ തുടങ്ങിയ ബാറ്റുകൾ, ചൂണ്ട, ഡ്രില്ലിങ്​ മെഷ്യൻ, സൂപ്പുകൾ, പെറോക്​സൈഡുകൾ, ബോഡി സ്​പ്രേകൾ, ലൈറ്ററുകൾ, സൂചി, കൂടാരം ഉറപ്പിക്കാനുള്ള ആണികൾ, ബീച്ച്​ ബാൾ എന്നിവയും കൊണ്ടുപോകാനാവില്ല.

ഒരു സാഹചര്യത്തിലും യു.എ.ഇയിലേക്ക്​ കൊണ്ടുവരാൻ അനുമതിയില്ലാത്ത സാധനങ്ങളുടെ പട്ടികയും ദുബൈ കസ്​റ്റംസ്​ പ്രസിദ്ധീകരിച്ചിട്ടുണ്ട്​. മയക്കുമരുന്ന്​, ചൂതുകളിക്കുള്ള സാമഗ്രികൾ, ആന​െകാമ്പ്​ കാണ്ടാമൃഗത്തി​​​െൻറ കൊമ്പ്​ തുടങ്ങിയവ. മൂന്ന്​ പാളികളുള്ള വല, കള്ളനോട്ട്​, ഇസ്​ലാമിക വിശ്വാസത്തിന്​ വിരുദ്ധമായ പ്രസിദ്ധീകരണങ്ങൾ, റേഡിയോ, വാൾ, ആയുധങ്ങൾ, പടക്കോപ്പുകൾ, സൈനിക ഉപകരണങ്ങൾ, പടക്കവും മറ്റ്​ സ്​ഫോടക വസ്​തുക്കളും,ചെടികൾ, തൈകൾ, മണ്ണ്​, ഉപയോഗിച്ച ടയറുകൾ തുടങ്ങിയവയാണത്​.