സങ്കടങ്ങൾക്കറുതി, ബാദുഷ നാട്ടിലേക്ക്​

അൽഐൻ: ജീവിതമൊന്ന്​ പച്ചപിടിപ്പിക്കാൻ ഒരു തൊഴിൽ തേടി യു.എ.ഇയിലേക്ക്​ സന്ദർശക വിസയിൽ വന്നുകയറിയതാണ്​ കാസർകോട് സ്വദേശി ബാദുഷ. അഞ്ച് മാസം ജോലിക്കുവേണ്ടി അലഞ്ഞുതിരിഞ്ഞെങ്കിലും കോവിഡി​​െൻറ പശ്ചാത്തലത്തിൽ അത്​ സാധ്യമായില്ല. ഒരു നേരത്തെ ഭക്ഷണത്തിനു പോലും പ്രയാസപ്പെടുന്നതറിഞ്ഞ്​ പ്രവാസി ഇന്ത്യ പ്രവർത്തകരാണ് ഇദ്ദേഹത്തെ സഹായിക്കാൻ മുന്നോട്ടുവന്നത്. 

താമസസൗകര്യം ഒരു സഹോദരൻ ശരിയാക്കി നൽകി. ഭക്ഷണ സാധനങ്ങൾ എത്തിച്ചുകൊടുത്ത പ്രവാസി ഇന്ത്യക്കാരോട്​ ജൂലൈ ഒന്നിനാണ് നാട്ടിൽ പോകാൻ ആഗ്രഹമുണ്ടെന്ന് ബാദുഷ പറയുന്നത്​. അന്ന് തന്നെ അദ്ദേഹത്തിന് നാട്ടിലേക്കുള്ള വിമാന ടിക്കറ്റ്‌ നൽകുകയും പ്രവാസി ഇന്ത്യ അൽഐൻ പ്രതിനിധികളായ എം. ഐ. നജ്മുദ്ദീൻ, അഷ്‌റഫ്‌ മീരാൻ എന്നിവർ ചേർന്ന് യാത്രയാക്കുകയുമായിരുന്നു.