മോശം കാലാവസ്ഥ: ഗ്ലോബൽ വില്ലേജും ഐൻ ദുബൈയും​ ഇന്ന്​ പ്രവർത്തിക്കില്ല

ദുബൈ: പ്രതികൂല കാലാവസ്ഥയെ തുടർന്ന്​ ദുബൈ ഗ്ലോബൽ വില്ലേജും ഐൻ ദുബൈയും​ ശനിയാഴ്ച​ പ്രവർത്തിക്കില്ലെന്ന്​​ ​അധികൃതർ അറിയിച്ചു.

ദേശീയ കാലാവസ്ഥ നിരീക്ഷണ കേന്ദ്രത്തിന്‍റെ അറിയിപ്പിനെ തുടർന്നാണ്​ അടച്ചിടുന്നത്​. ശക്​തമായ പൊടിക്കാറ്റാണ്​ ​ കാരണം.

ഞായറാഴ്ച മുതൽ സന്ദർശകരെ അനുവദിക്കും.

കനത്ത മഴയെ തുടർന്ന്​ കഴിഞ്ഞ ദിവസവും ​ഗ്ലോബൽ വില്ലേജ്​ അടച്ചിട്ടിരുന്നു.