​െകാതിപ്പിച്ചു കൊല്ലുന്ന അസ്​ഹർ

മുഹമ്മദ്​ അസ്​ഹറുദ്ദീൻ ഇന്ത്യൻ ക്രിക്കറ്റി​െൻറ തലപ്പത്തും യു. ഷറഫലി കേരള ഫുട്​ബാളി​െൻറ അമരത്തും തിളങ്ങിനിൽക്കുന്ന കാലം. കളിഭ്രാന്തനായ മലപ്പുറം മൂന്നിയൂർ കളിയാട്ടുമുക്ക്​ മെയ്​തീൻ കുട്ടിക്ക്​​ കുടുംബത്തിലേക്കെത്തിയ രണ്ട്​ കുഞ്ഞ്​ അതിഥികൾക്ക്​ പേരിടാൻ കൂടുതൽ ആലോച​ി​ക്കേണ്ടി വന്നില്ല.​ അനുജ​െൻറ മകനെ​ മുഹമ്മദ്​ അസ്​ഹറുദ്ദീൻ എന്നും സ്വന്തം മകനെ​ ഷറഫലി എന്നും വിളിച്ചു. മലപ്പുറത്തി​െൻറ മണ്ണിൽ പന്തുതട്ടി വളർന്ന അസ്​ഹറിന്​ ക്രിക്കറ്റിനേക്കാൾ താൽപര്യം ഫുട്​ബാളായിരുന്നു. അതിനേക്കാൾ താൽപര്യമുള്ള മറ്റൊന്നുണ്ടായിരുന്നു, ഭക്ഷണം.

ക്രിക്കറ്റിലും ഫുട്​ബാളിലും ഒന്നുമാകാൻ കഴിഞ്ഞില്ലെങ്കിലും അസ്​ഹർ വളർന്ന്​ വലുതായപ്പോൾ ഒന്നാന്തരം ഭക്ഷണ പ്രേമിയായി. പ്രേമം എന്ന്​ പറഞ്ഞാൽ ചെറിയ പ്രേമമൊന്നുമല്ല. നല്ല ഭക്ഷണം എവിടെയുണ്ടെങ്കിലും​ തേടിയെത്തും. സ്വന്തം മൊബൈലിൽ ചിത്രീകരിക്കും. സാമൂഹിക മാധ്യമങ്ങളിൽ പോസ്​റ്റ്​ ചെയ്യും. ഇപ്പോൾ ദുബൈയിലെ അറിയപ്പെടുന്ന ​ഫുഡ്​ ​​േവ്ലാഗറായി മാറിയിരിക്കുകയാണ്​ അസ്​ഹർ ​േവ്ലാഗർ എന്നറിയപ്പെടുന്ന മുഹമ്മദ്​ അസ്​ഹറുദ്ദീൻ.

ഭക്ഷണപ്രേമം മൂത്താണ്​ ഹോട്ടൽ മാനേജ്​മെൻറ്​ പഠിച്ചത്​. 2012ൽ ബുർജുൽ അറബിൽ ഷെഫായി എത്തിയതോടെയാണ്​ അസ്​ഹറി​െൻറ ഭക്ഷണലോകം മാറിമറിഞ്ഞത്​. മറീന ജുമൈറ, ലേ മെറിഡിയൻ പോലുള്ള ഫൈവ്​ സ്​റ്റാർ ഹോട്ടലുകളിൽ ഷെഫായി ജോലി ചെയ്യു​േമ്പാഴും കൂടുതൽ ഭക്ഷണം തേടി​ പുറത്തിറങ്ങാനായിരുന്നു അസ്​ഹറിന്​ താൽപര്യം.

ചെറുപ്പ വലുപ്പ വ്യത്യാസമില്ലാതെ യു.എ.ഇയിലെ 300ഓളം ഹോട്ടലുകളിൽ അസ്​ഹറെത്തി. നാട്ടിലായിരുന്നപ്പോൾ ചില പുതിയ രുചികൾ പരിചയപ്പെടുത്തുന്ന വീഡിയോകൾ നൽകിയിരുന്നെങ്കിലും ക്ലിക്കായില്ല. അന്ന്​ ഇൻസ്​റ്റ ഗ്രാമിന്​ അത്രത്തോളം പ്രാധാന്യം ലഭിച്ചിരുന്നില്ല. 2017ൽ അൾട്രാ ലക്ഷ്വറി ഷിപ്പായ സിൽവർ സീയിൽ നാടുകറങ്ങാനിറങ്ങി. ഗസ്​റ്റ്​ സർവീസ്​ എക്​സിക്യൂട്ടീവി​െൻറ​ റോളായിരുന്നു അസ്​ഹറിന്​. ദുബൈയിൽ നിന്ന്​ തുടങ്ങിയ യാത്ര യൂറോപ്പിലൂടെ 30 ലോകരാജ്യങ്ങൾ താണ്ടി. ഓരോ രാജ്യങ്ങളിലെത്തിയപ്പോഴും അസ്​ഹർ ത​െൻറ വീഡിയോ ഷൂട്ടിങ്​ മറന്നില്ല.

2017​െൻറ തുടക്കത്തിൽ തുടങ്ങിയ യാത്ര ഡിസംബറിലാണ്​ അവസാനിച്ചത്​. പിന്നീട്​ ജോലി രാജിവെച്ച അസ്​ഹർ ഇപ്പോൾ സ്വന്തമായി സോഷ്യൽ മീഡിയ, ഇവൻറ്​ മാനേജ്​മെൻറ്​ മാർക്കറ്റിങ്​ സ്​ഥാപനം തുടങ്ങാനുള്ള ഒരുക്കത്തിലാണ്​. ​ലോകത്തി​െൻറ വിവിധ ഭാഗങ്ങളിലെത്തി ഭക്ഷണങ്ങൾ മലയാളികൾക്ക്​ പരിചയപ്പെടുത്തുക എന്നതാണ്​ ലക്ഷ്യം.

travel_n_cuisine_by_azhar എന്ന ഇൻസ്​റ്റഗ്രാം പേജിന്​ 70k ഫോളോവേഴ്​സുണ്ട്​. ടിക്​ടോക്കിലൂടെയാണ്​ അസ്​ഹർ താരമായത്​. 94000 പേരാണ്​ ടിക്​ടോകിൽ ഫോളോ ചെയ്യുന്നത്​. യൂ ട്യൂബ്​ അത്ര സജീവമായിട്ടില്ലെങ്കിലും 11k എത്തി. കേരളത്തിലും നോട്ടമുണ്ട്​ അസ്​ഹറിന്​. കാസർകോട്​ മുതൽ തിരുവനന്തപുരം വരെയുള്ള രുചികൾ വ്യത്യസ്​തമാണ്​. ഇതെല്ലാം ഭക്ഷണപ്രേമികളുടെ മുന്നിലെത്തിക്കണം. കോവിഡ്​ മൂലം നഷ്​ടത്തിലായ ഹോട്ടലുകളെ സഹായിക്കണമെന്ന ആഗ്രഹത്താൽ നിരവധി ​േവ്ലാഗുകൾ ചെയ്​തിരുന്നുവെന്നും അസ്​ഹർ പറഞ്ഞു.