യു.എ.ഇയിൽ ഇനി ഏകീകൃത നമസ്​കാര സമയപട്ടിക 

അബൂദബി: യു.എ.ഇയിൽ ഫെഡറൽ ഒൗഖാഫും പ്രാദേശിക ഒൗഖാഫുകളും പ്രസിദ്ധീകരിക്കുന്ന നമസ്​കാര സമയപട്ടിക ഏകീകരിച്ചു. നിലവിലെ ഹിജ്​റ വർഷമായ 1439ന്​ യു.എ.ഇ തലത്തിൽ ഏകീകൃത കലണ്ടർ പ്രസിദ്ധീകരിച്ചതോടെയാണ്​ നമസ്​കാര സമയപട്ടികയിലും ഏകീകരണം സാധ്യമായത്​. ഏകീകരിച്ച നമസ്​കാര സമയപട്ടിക ഉൾപ്പെടുന്ന കലണ്ടർ എല്ലാ വകുപ്പുകൾക്കും പ്രസിഡൻഷ്യൽകാര്യ മന്ത്രാലയം അയച്ചുകൊടുത്തിട്ടുണ്ട്​. സോഫ്​റ്റ്​വെയർ ജോലികൾ പൂർത്തിയാക്കി ​ഒക്​ടോബറിൽ തന്നെ നമസ്​കാര സമയപട്ടിക ഫെഡറൽ ഒൗഖാഫി​​​െൻറ വെബ്​സൈറ്റിൽ പ്രസിദ്ധീകരിക്കാൻ സാധിക്കുമെന്നാണ്​ പ്രതീക്ഷിക്കുന്നത്​. 

അബൂദബി,  റാസൽഖൈമ, ഫുജൈറ, അജ്​മാൻ തുടങ്ങിയ എമിറേറ്റുകൾ പിന്തുടരുന്ന ഫെഡറൽ ഒൗഖാഫി​​​െൻറയും ദുബൈയിലെയും ഷാർജയിലെയും തദ്ദേശീയ ഒൗഖാഫുകളുടെയും നമസ്​കാര സമയ പട്ടികയിൽ നേരിയ വ്യത്യാസങ്ങൾ പ്രകടമായിരുന്നു. ഏകീകരണത്തോടെ ഇൗ സമയവ്യത്യാസങ്ങൾ  ഇല്ലാതാകും. വിവിധ മൊബൈൽ ആപ്ലിക്കേഷനുകളിൽ വ്യത്യസ്​ത നമസ്​കാര സമയങ്ങൾ രേഖപ്പെടുത്തപ്പെടുന്നതിനും പുതിയ സംവിധാനം പരിഹാരമാകും. ഫെഡറൽ ഒൗഖാഫ്​ ആയിരിക്കും ഇനി പട്ടിക പ്രസിദ്ധീകരിക്കുക. വിവിധ സവിശേഷതകളോടെയാണ്​ പുതിയ പട്ടിക പുറത്തിറക്കിയത്​. 

നേരത്തെ നഗരകേന്ദ്രീകൃതമായാണ്​ നമസ്​കാര സമയം കണക്കാക്കിയിരുന്നതെങ്കിൽ ഏകീകൃത പട്ടികയിൽ കൂടുതൽ പ്രാദേശിക സമയം ഉൾപ്പെടുത്തിയിട്ടുണ്ട്​. ഉദാഹരണത്തിന്​ അബൂദബി എമിറേറ്റിലെ അബൂദബി നഗരത്തിലെയും ഷഹാമയിലെയും നമസ്​കാര സമയത്തിൽ നേരിയ വ്യത്യാസമുണ്ടാകും.നേരത്തെ അബൂദബി, ദുബൈ, ഷാർജ, അജ്​മാൻ, ഉമ്മുൽഖുവൈൻ, റാസൽഖൈമ, ഫുജൈറ, അൽ​െഎൻ, പടിഞ്ഞാറൻ മേഖല, ഖോർഫക്കാൻ എന്നിങ്ങനെ നഗങ്ങളിൽ മാത്രമേ നമസ്​കാര സമയം കണക്കാക്കിയിട്ടുണ്ടായിരുന്നുള്ളൂ.  അതുപോലെ ഉയരത്തിന്​ അനുസരിച്ച്​ നമസ്​കാര സമയത്തിൽ വരുന്ന മാറ്റം രേഖപ്പെടുത്തുന്ന മാനദണ്ഡവും സ്വീകരിച്ചിട്ടുണ്ട്​. അതായത്​ ബുർജ്​ ഖലീഫയുടെ താഴെ നിലകളിലുള്ള നമസ്​കാര സമയമായിരിക്കില്ല മുകൾനിലകളിൽ. ഇത്തരം വിശദാംശങ്ങൾ പട്ടിക ഒൗഖാഫി​​​െൻറ വെബ്​സൈറ്റിൽ പ്രസിദ്ധീകരിക്കുന്നതോടെ ലഭ്യമാകും.

യു.എ.ഇ തലത്തിൽ ഏകീകൃത കലണ്ടർ തയാറാക്കിയതി​​​െൻറ പ്രഖ്യാപനം പ്രസിഡൻഷ്യൽകാര്യ മന്ത്രാലയമാണ്​ നിർവഹിച്ചത്​. മതപരവും ശാസ്​ത്രീയവും ജ്യോതിശ്ശാസ്​ത്രപരവുമായ തത്വങ്ങളെ അടിസ്​ഥാനമാക്കിയാണ്​ കലണ്ടർ തയാറാക്കിയതെന്ന്​ പ്രഖ്യാപന സമയത്ത്​ പ്രസിഡൻഷ്യൽകാര്യ സഹമന്ത്രി അഹ്​മദ്​ ജുമ ആൽ സആബി വ്യക്​തമാക്കിയിരുന്നു. 
ഫെഡറൽ ഒൗഖാഫ്​, അബൂദബി നീതിന്യായ വകുപ്പ്​, ദുബൈ ഇസ്​ലാമിക്​ അഫയേഴ്​സ്​ ആൻഡ്​ ചാരിറ്റബ്​ൾ ആക്​ടിവിറ്റീസ്​ ഡിപാർട്ട്​മ​​െൻറ്​, ഷാർജ ഇസ്​ലാമിക്​ അഫയേഴ്​സ്​ ആൻഡ്​ എൻഡോവ്​മ​​െൻറ്​, ഷാർജ സ​​െൻറർ ഫോർ അസ്​​​ട്രോണമി ആൻഡ്​ സ്​പേസ്​ സയൻസസ്​, അറബ്​ യൂനിയൻ ഫോർ അസ്​ട്രോണമി ആൻഡ്​ സ്​പേസ്​ സയൻസ്​, എമിറേറ്റ്​സ്​ അസോസിയേഷൻ ഒാഫ്​ അസ്​ട്രോണമി, ഇൻറർനാഷനൽ അസ്​ട്രോണമിക്കൽ സ​​െൻറർ എന്നിവയിലെ അറബ്​^ഇസ്​ലാമിക പണ്ഡിതരും ഭൗതികശാസ്​ത്രം, ജ്യോതിശ്ശാസ്​ത്രം, ബഹിരാകാശ ശാസ്​ത്രം എന്നിവയിലെ വിദഗ്​ധരും കലണ്ടർ തയാറാക്കുന്നതിന്​ നേതൃത്വം നൽകി. ശൈഖ്​ സായിദ്​ ഗ്രാൻഡ്​ മോസ്​ക്​ സ​​െൻററും മാർഗനിർദേശങ്ങൾ നൽകി.   
അന്താരാഷ്​ട്ര തലത്തിൽ അംഗീകരിച്ച മാനദണ്ഡങ്ങൾക്ക്​ അനുസൃതമായി മൂന്ന്​ വർഷത്തിലധികം പഠനം നടത്തിയാണ്​ കലണ്ടർ ഏകീകരണം നടത്തിയത്​. ദുബൈയിലും ഷാർജയിലുമായി പ്രശസ്​ത പണ്ഡിതരും ജ്യോതിശ്ശാസ്​ത്ര വിദഗ്​ധരും പ​െങ്കടുത്ത ഫോറങ്ങളിലെ ശിപാർശകൾ കലണ്ടർ ഏകീകരണത്തിൽ പരിഗണിച്ചു.