പെരുന്നാൾ ദിനത്തിൽ​ പൊലീസിനൊപ്പം ബോധവത്​കരണം

ദുബൈ: ജബൽ അലി മേഖലയിൽ ദുബൈ പൊലീസിനോടൊപ്പം മർകസ്, ഐ.സി.എഫ്​, ആർ.എസ്​.സി പ്രവർത്തകർ കോവിഡ് മാനദണ്ഡം പാലിക്കാൻ ബോധവത്കരണം നടത്തി. പെരുന്നാൾ നമസ്കാരം നടക്കുന്ന സ്ഥലങ്ങൾ, ജനങ്ങൾ കൂട്ടം കൂടുന്ന ഹൈപ്പർമാർക്കറ്റ്, ലേബർ ക്യാമ്പ് തുടങ്ങിയ സ്​ഥലങ്ങളിൽ സംഘമെത്തി.

അഞ്ചിൽ കൂടുതൽ ആളുകൾ കൂട്ടംകൂടുന്നത് ഒഴിവാക്കാനാണ്​ പ്രധാനമായും ബോധവത്കരണം നടത്തിയത്. ദുബൈ ഇൻവെസ്​റ്റ്‌മെൻറ്​ പാർക്ക്, ദുബൈ ഇൻഡസ്ട്രിയൽ സിറ്റി, ഇൻഡസ്ട്രിയൽ ഏരിയ, ഫ്രീസോൺ തുടങ്ങിയ സ്ഥലങ്ങളിൽ നൂറോളം പ്രവർത്തകരാണ് സേവനം ചെയ്തത്. ജബൽ അലി പൊലീസ്​ സ്​റ്റേ​ഷനിൽ പൊലീസ് മേധാവികൾ ഈദ് സന്ദേശം കൈമാറി.

കേണൽ ആദിൽ സുവൈദി, മേജർ അബ്​ദുല്ല ഫലാസി തുടങ്ങിയ പൊലീസ് മേധാവികൾ സംബന്ധിച്ചു.

വിവിധ ഏരിയകളിൽ ലുകുമാൻ മങ്ങാട്, സദഖതുല്ല വളാഞ്ചേരി, റിയാസ് കണ്ണൂർ, മുഹമ്മദ്‌ കലന്തർ, അബ്​ദുൽറഹ്മാൻ കുഞ്ഞാവ, ഷൗക്കത്ത്​ ഖാലിദ് തുടങ്ങിയവർ നേതൃത്വം നൽകി.