യു.എ.ഇ പൗരന്​ മഹാത്​മാഗാന്ധി സേവ മെഡൽ

അബൂദബി: ​െഎക്യരാഷ്​ട്ര സഭയിൽ അഫിലിയേറ്റ്​ ചെയ്​ത ഗാന്ധി ഗ്ലോബൽ ഫാമിലി (ജി.ജി.എഫ്​) സംഘടന നൽകുന്ന ജീവകാരുണ്യ പ്രവർത്തനത്തിനുള്ള മഹാത്​മഗാന്ധി സേവ മെഡൽ യു.എ.ഇ പൗരന്​. ഇൻറർ ഗവൺമ​​െൻറൽ ഇൻസ്​റ്റിറ്റ്യൂഷൻ ഫോർ ദ യൂസ്​ ഒാഫ്​ ആൽഗ സ്​പിരുലിന എഗെയ്​ൻസ്​റ്റ്​ മൽന്യൂട്രീഷൻ (​െഎ.​െഎ.എം.എസ്​.എ.എം) ഡെപ്യൂട്ടി സെക്രട്ടറി ജനറൽ ഡോ. മുഹമ്മദ്​ മുസല്ലെം ബിൻ ഹാം ആൽ അമീരിക്കാണ്​ മെഡൽ സമ്മാനിച്ചത്​. അറബ്​ ലോകത്തുനിന്ന്​ ഇൗ പുരസ്​കാരത്തിന്​ അർഹനാകുന്ന ആദ്യ വ്യക്​തിയാണ്​ ഡോ. മുഹമ്മദ്​. ജനീവയിൽ നടന്ന പരിപാടിയിൽ ഡോ. മുഹമ്മദിന്​ ജി.ജി.എഫ് ​വൈസ്​ പ്രസിഡൻറ്​ എസ്​.പി. വർമ മെഡൽ സമ്മാനിച്ചു. െഎ.​െഎ.എം.എസ്​.എ.എം ഡെപ്യൂട്ടി സെക്രട്ടറി ജനറൽ എന്ന നിലയിൽ ലോകത്തെ പട്ടിണിക്കും പോഷകാഹാരക്കുറവിനുമെതിരെ പോരാടാനുള്ള പ്രയത്​നങ്ങളും സാമൂഹിക വികസനത്തിനും ലോക സമാധാനത്തിനും നൽകിയ സംഭാവനകളും പരിഗണിച്ചാണ്​ ഡോ. മുഹമ്മദിനെ അവാർഡിന്​ തെരഞ്ഞെടുത്തത്​.