ഷഫീന യൂസുഫലിക്ക്​ അച്ചീവർ ഒഫ്​ ദ ഇയർ അവാർഡ്​

അബൂദബി: കല, വ്യവസായം, സാംസ്​കാരിക പ്രവർത്തനം, ജീവകാരുണ്യം തുടങ്ങിയ മേഖലകളിൽ മുദ്രപതിപ്പിച്ച സ്​ത്രീ പ്രതിഭകളെ അംഗീകരിക്കുന്നതിന്​ എമിറേറ്റ്​ വുമൺ ഏർപ്പെടുത്തിയ വുമൺ ഒഫ്​ ദ ഇയർ പുരസ്​കാരങ്ങൾ പ്രഖ്യാപിച്ചു.  ജീവകാരുണ്യ മേഖലയിലെ സംഭാവനകൾ പരിഗണിച്ച്​ എസ്​.ഒ.എസ്​ കുട്ടികളുടെ ഗ്രാമം ഗൾഫ്​ മേഖലാ എം.ഡി. ജുമാന അബുഹന്നാഉൗദിന്​ വിമൺ ഒഫ്​ ദ ഇയർ^ജീവകാരുണ്യ അവാർഡ്​ സമ്മാനിച്ചു. 
അച്ചീവർ ഒഫ്​ ദ ഇയർ അവാർഡ്​ ടേബിൾസ്​ ഫുഡ്​ കമ്പനി സി.ഇ.ഒ  ഷഫീന യൂസുഫലി  ഏറ്റുവാങ്ങി. 
പെപ്പർമിൽ, ബ്ലൂംസ്​ബറീസ്​ ഫേമസ്​ ഡേവ്​സ്​,​​െജൻഗിസ്​ ഗ്രിൽ, ഗലിറ്റോസ്​, ഷുഗർ ഫാക്​ടറി തുടങ്ങിയ പ്രമുഖ ബ്രാൻറുകൾ ജി.സി.സിയിലും ഇന്ത്യയിലും അവതരിപ്പിച്ച ഷഫീന യൂസുഫ്​ അലി ത​​​െൻറ വിജയത്തിനും നേട്ടങ്ങൾക്കും പിന്നിൽ കുടുംബം നൽകിയ സമ്പൂർണ പിന്തുണയാണെന്ന്​ പ്രതികരിച്ചു. 
ലൈലാ കർദാൻ(കല), സൈമ ഖാൻ (യുവ​പ്രതിഭ), ഷബാൻ കരീം( വിഷിനറി) എന്നിവരാണ്​ മറ്റ്​ ജേതാക്കൾ.