പ്രശാന്ത് -മങ്ങാട്ടിനും പ്രമോദ് മങ്ങാട്ടിനും അറേബ്യൻ ബിസിനസ് അച്ചീവ്മെൻറ് അവാർഡ്
text_fieldsദുൈബ: അറബ് ലോകത്തെ വ്യവസായ^വാണിജ്യ മണ്ഡലത്തിലെ സംഭാവനകൾക്ക് നൽകുന്ന അറേബ്യൻ ബിസിനസ് അച്ചീവ്മെൻറ് അവാർഡിന് എൻ.എം.സി ഹെൽത്ത് സി.ഇ.ഒയും എക്സിക്യൂട്ടീവ് ഡയറക്ടറുമായ പ്രശാന്ത് മങ്ങാട്ട്, ഫിനാബ്ലർ ഹോൾഡിങ്സ് എക്സിക്യൂട്ടീവ് ഡയറക്ടറും യു.എ.ഇ എക്സ്ചേഞ്ച് ഗ്രൂപ്പ് സി.ഇ.ഒയുമായ പ്രമോദ് മങ്ങാട്ട് എന്നിവർ അർഹരായി.
പ്രവർത്തിച്ചുവരുന്ന സ്ഥാപനങ്ങളെ ചെറിയ കാലയളവ് കൊണ്ട് ആഗോളതലത്തിൽ വ്യാപിപ്പിക്കുകയും ലോകോത്തര നിലവാരത്തിലേക്ക് ഉയർത്തുകയും ചെയ്തത് പരിഗണിച്ചാണ് ഇൗ സഹോദരങ്ങൾക്ക് പുരസ്കാരം നൽകിയത്.
ദുബൈയിലെ വാൽഡോഫ് അസ്റ്റോറിയ ദി പാം ജുമൈറ ഹോട്ടലിൽ നടന്ന ചടങ്ങിൽ പ്രശാന്തും പ്രമോദും ചേർന്ന് ഐ.ടി.പി മീഡിയ ഗ്രൂപ്പ് സി.ഇ.ഒ അലി അക്കാവിയിൽനിന്ന് പുരസ്കാരങ്ങൾ ഏറ്റുവാങ്ങി. പ്രശാന്തും പ്രമോദും ചാർട്ടേർഡ് അക്കൗണ്ടൻറുമാരാണ്. വേൾഡ് ഇകണോമിക് ഫോറത്തിലും മറ്റും വിശിഷ്ടാംഗത്വം ലഭിച്ചിട്ടുമുണ്ട് ഇരുവർക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.