‘അ​വ​ൾ​ക്ക്​ വേ​ണ്ടി; ’സ്ത്രീ ​ശാ​ക്​​തീ​ക​ര​ണ കാ​മ്പ​യി​നു​മാ​യി ‘ദീ​വ’

ദു​ബൈ: വ​നി​താ ജീ​വ​ന​ക്കാ​രു​ടെ ക​ഴി​വു​ക​ൾ ശ​ക്​​തി​പ്പെ​ടു​ത്തു​ക എ​ന്ന ല​ക്ഷ്യ​​ത്തോ​ടെ ദു​ബൈ ഇ​ല​ക്​​ട്രി​സി​റ്റി ആ​ൻ​ഡ്​ വാ​ട്ട​ർ അ​തോ​റി​റ്റി (ദീ​വ) ആ​രം​ഭി​ച്ച ‘അ​വ​ൾ​ക്ക്​ വേ​ണ്ടി’ എ​ന്ന ത​ല​ക്കെ​ട്ടി​ലെ പ​ദ്ധ​തി​യു​ടെ മൂ​ന്നാം ബാ​ച്ച്​ ആ​രം​ഭി​ച്ചു. ഹം​ദാ​ൻ ബി​ൻ മു​ഹ​മ്മ​ദ്​ സ്മാ​ർ​ട്​ യൂ​നി​വേ​ഴ്​​സി​റ്റി​യു​മാ​യി സ​ഹ​ക​രി​ച്ച്​ ന​ട​പ്പി​ലാ​ക്കു​ന്ന പ​ദ്ധ​തി ‘പ്ര​ചോ​ദി​ത​രാ​യ സ്ത്രീ​ക​ൾ​ക്ക്​ ഭാ​വി നൈ​പു​ണ്യ​ങ്ങ​ൾ’ എ​ന്ന ത​ല​ക്കെ​ട്ടി​ലാ​ണ്​ ഒ​രു​ക്കി​യി​ട്ടു​ള്ള​ത്.

‘ദീ​വ’​യു​ടെ കാ​ഴ്ച​പ്പാ​ടും ല​ക്ഷ്യ​വും കൈ​വ​രി​ക്കു​ന്ന​തി​ന്​ നേ​തൃ​ത്വം ന​ൽ​കാ​ൻ ക​രു​ത്തു​റ്റ വ​നി​താ ജീ​വ​ന​ക്കാ​രെ വ​ള​ർ​ത്തി​യെ​ടു​ക്കു​ക എ​ന്ന​താ​ണ്​ ഇ​ത്​ ല​ക്ഷ്യ​മി​ടു​ന്ന​ത്. ഇ​തി​നാ​യി ജീ​വ​ന​ക്കാ​രാ​യ സ്ത്രീ​ക​ൾ​ക്ക്​ വേ​ണ്ടി​യാ​ണ്​ പ​ദ്ധ​തി ന​ട​പ്പി​ലാ​ക്കു​ന്ന​ത്. വി​വി​ധ വ​കു​പ്പു​ക​ളി​ലെ 25 വ​നി​ത​ക​ളാ​ണ്​ മൂ​ന്നാം ബാ​ച്ചി​ൽ ഉ​ൾ​പ്പെ​ടി​ട്ടു​ള്ള​ത്.

സ്ത്രീ​ക​ളെ കൂ​ടു​ത​ൽ ക​ഴി​വു​ള്ള​വ​രും നേ​തൃ​ശേ​ഷി​യു​ള്ള​വ​രു​മാ​യി വ​ള​ർ​ത്തി​യെ​ടു​ക്കു​ന്ന​തി​ന്​ ‘ദീ​വ’ പ്ര​തി​ജ്ഞാ​ബ​ദ്ധ​മാ​ണെ​ന്നും ഇ​ത്​ സ്ഥാ​പ​ന​ത്തി​ന്‍റെ ആ​ഗോ​ള ത​ല​ത്തി​ലെ സ്ഥാ​നം ശ​ക്​​തി​പ്പെ​ടു​ത്തു​ന്ന​താ​ണെ​ന്നും ‘ദീ​വ’ എം.​ഡി​യും സി.​ഇ.​ഒ​യു​മാ​യ സ​ഈ​ദ്​ മു​ഹ​മ്മ​ദ്​ അ​ൽ ത​യാ​ർ പ​റ​ഞ്ഞു. ‘ദീ​വ’ വു​മ​ൺ​സ്​ ക​മ്മി​റ്റി​ക്ക്​ കീ​ഴി​ൽ ആ​രം​ഭി​ച്ച വ​നി​താ അം​ബാ​സ​ഡേ​ർ​സ്​ പ്രോ​ഗ്രാ​മി​ന്‍റെ ഭാ​ഗ​മാ​യാ​ണ്​ ‘അ​വ​ൾ​ക്കു​വേ​ണ്ടി’ എ​ന്ന പ​ദ്ധ​തി ആ​രം​ഭി​ച്ച​ത്.