സ്വയം നിയന്ത്രിത വാഹനങ്ങൾ ധന-സമയ ലാഭത്തിന്​

ദുബൈ: സ്വയം നിയന്ത്രിത വാഹനങ്ങൾ ഉപയോഗിക്കുന്നത്​ വളരെയധികം പണവും സമയവും ലാഭിക്കാൻ ഉതകുമെന്ന്​ ദുബൈയിൽ സംഘടിപ്പിച്ച സ്​മാട്ട്​ പാർക്കിംഗ്​ യു.എ.ഇ സമ്മേളനം വിലയിരുത്തി.  ഡ്രൈവർ ഇല്ലാത്ത വാഹനങ്ങൾ ഉപയോഗിക്കു​േമ്പാൾ യാത്രികർക്ക്​ പാർക്കിംഗ്​ സ്​ഥലം തേടി അലയേണ്ടി വരുന്നില്ല എന്നതാണ്​ പ്രധാന ഗുണം. ആളുകളെ ഇറക്കി പോകുന്ന രീതിയാണ്​ അവലംബിക്കുക. ഇതോടെ ബഹുഭൂരിപക്ഷം പാർക്കിംഗ്​ കേന്ദ്രങ്ങളും ഒഴിഞ്ഞു കിടക്കും. ലോകത്തിലെ മുൻനിര നഗരങ്ങളിൽ നടന്ന പഠനത്തിൽ വാഹന ഉടമകൾ പ്രതി വർഷം ശരാശരി 17 മണിക്കൂറോളം പാർക്കിംഗ്​ സ്​ഥലങ്ങൾ തേടി അലയാനാണ്​ വിനിയോഗിക്കുന്നതെന്ന്​ കണ്ടെത്തിയിരുന്നു. ഇതിന്​ വേണ്ട ഇന്ധനത്തിനും മറ്റുമായി ഒരോര​ുത്തരും ആയിരം ദിർഹത്തോളം ചെലവഴിക്കേണ്ടിയും വരുന്നുണ്ട്. ദുബൈയിൽ 25ശതമാനം വാഹനങ്ങൾ ഇത്തരത്തിലാകുന്നതോടെ ഗതാഗത ചിലവിൽ 44 ശതമാനം കുറവ്​ വരുത്താനാകുമെന്നാണ്​ റോഡ്​സ്​ ആൻറ്​ ട്രാൻസ്​പോർട്ട്​ അതോറിറ്റിയുടെ കണക്കുകൂട്ടൽ. 

കാർബൺ ബഹിർഗമനത്തി​​െൻറ അളവ്​ കുറക്കുന്നതിലൂടെ മാത്രം വർഷം 150 കോടി ദിർഹം ലാഭിക്കാനാകും. 2030 ഒാടെ ഗതാഗതം പൂർണമായി സ്വയം നിയന്ത്രിത വാഹനങ്ങളിലേക്ക്​ മാറു​േമ്പാൾ നേട്ടം 1800 കോടി ദിർഹമെങ്കിലുമാകുമെന്നാണ്​ കണക്കുകൂട്ടൽ. സാ​േങ്കതിക വിദ്യ മാറുന്നതോടെ പാർക്കിംഗ്​ സംവിധാനത്തിലും മാറ്റമുണ്ടാകുമെന്നും സമ്മേളന ​പ്രതിനിധികൾ ചൂണ്ടിക്കാട്ടി . പുതിയ സ​േങ്കതിക വിദ്യകളോട്​ താൽപര്യം കാണിക്കുന്ന ദുബൈയായിരിക്കും ലോകത്ത്​ ആദ്യം ഇത്തരം ഗതാഗത സംവിധാനങ്ങൾ ഏർപ്പെടുത്തുന്ന ആദ്യ നഗരമെന്നും അവർ വിലയിരുത്തി.