പരിഹാരത്തിന്​​ യോജിച്ച നീക്കവുമായി അധികൃതർ

ദു​ബൈ: ഷാ​ർ​ജ, ദു​ബൈ എ​മി​റേ​റ്റു​ക​ളി​ൽ ചി​ല സ​മ​യ​ങ്ങ​ളി​ൽ രൂ​പ​പ്പെ​ടു​ന്ന ട്രാ​ഫി​ക്​ കു​രു​ക്ക്​ പ​രി​ഹ​രി​ക്കാ​ൻ ശ്ര​മ​വു​മാ​യി അ​ധി​കൃ​ത​ർ. ജ​ന​സാ​ന്ദ്ര​ത​യേ​റി​യ സ്കൂ​ൾ പ്ര​ദേ​ശ​ങ്ങ​ളി​ൽ പ്ര​ശ്നം രൂ​ക്ഷ​മാ​യ​തി​ന്‍റെ പ​ശ്ചാ​ത്ത​ല​ത്തി​ൽ വി​ദ്യാ​ഭ്യാ​സ സ്ഥാ​പ​ന അ​ധി​കൃ​ത​​രു​മാ​യി ചേ​ർ​ന്നാ​ണ്​ പ്ര​ശ്ന​ത്തി​ന്​ പ​രി​ഹാ​രം തേ​ടു​ന്ന​ത്. ചെ​റി​യ ദൂ​ര​മു​ള്ള യാ​ത്ര​ക​ൾ​ക്കു​​പോ​ലും സ്കൂ​ൾ പ്ര​ദേ​ശ​ങ്ങ​ളി​ൽ ചി​ല നേ​ര​ങ്ങ​ളി​ൽ മ​ണി​ക്കൂ​റു​ക​ളാ​ണ്​ എ​ടു​ക്കു​ന്ന​ത്. ഇ​തേ തു​ട​ർ​ന്ന്​ ര​ക്ഷി​താ​ക്ക​ളും മ​റ്റും പ​രാ​തി​യു​മാ​യി രം​ഗ​ത്തെ​ത്തി​യി​രു​ന്നു. എ​ല്ലാ സ്​​കൂ​ളു​ക​ളും ഒ​രേ​സ​മ​യം വി​ടു​ന്ന​താ​ണ്​ തി​ര​ക്കി​ന്​ പ്ര​ധാ​ന കാ​ര​ണ​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്. റ​മ​ദാ​നി​ൽ പ്ര​ശ്നം രൂ​ക്ഷ​വു​മാ​ണ്.

ഷാ​ർ​ജ​യി​ൽ മു​വൈ​ല പോ​ലു​ള്ള സ്ഥ​ല​ങ്ങ​ളി​ലാ​ണ്​ ട്രാ​ഫി​ക്​ തി​ര​ക്ക്​ രൂ​പ​പ്പെ​ടാ​റു​ള്ള​ത്. ഇ​വി​ടെ അ​മ്പ​തി​നാ​യി​ര​ത്തോ​ളം വി​ദ്യാ​ർ​ഥി​ക​ൾ​ക്കാ​യി 23 സ്വ​കാ​ര്യ സ്കൂ​ളു​ക​ൾ പ്ര​വ​ർ​ത്തി​ക്കു​ന്നു​ണ്ട്. ഉ​ച്ച ഒ​ന്നി​നും ഒ​ന്ന​ര​ക്കു​മി​ട​യി​ൽ ഈ ​സ്കൂ​ളു​ക​ൾ വി​ടു​ന്ന​തോ​ടെ മേ​ഖ​ല​യി​ൽ വ​ൻ തി​ര​ക്ക്​ രൂ​പ​പ്പെ​ടും. സ്കൂ​ൾ ബ​സു​ക​ൾ ചെ​ല​വേ​റി​യ​തി​നാ​ൽ പ​ല ര​ക്ഷി​താ​ക്ക​ളും സ്വ​ന്തം വാ​ഹ​ന​ങ്ങ​ളി​ലെ​ത്തി​യാ​ണ്​ കു​ട്ടി​ക​ളെ കൊ​ണ്ടു​പോ​കു​ന്ന​ത്. അ​തി​നാ​ൽ സ്കൂ​ൾ പ​രി​സ​രം വാ​ഹ​ന​ങ്ങ​ളാ​ൽ നി​റ​യു​ന്ന സാ​ഹ​ച​ര്യ​മാ​ണു​ള്ള​ത്. ഈ ​സാ​ഹ​ച​ര്യ​ത്തി​ൽ വി​ഷ​യം ച​ർ​ച്ച ചെ​യ്യാ​നാ​യി ഷാ​ർ​ജ പൊ​ലീ​സ്, റോ​ഡ്​​സ്​ ആ​ൻ​ഡ്​ ട്രാ​ൻ​സ്​​പോ​ർ​ട്ട്​ അ​തോ​റി​റ്റി, ഷാ​ർ​ജ പ്രൈ​വ​റ്റ്​ എ​ജു​ക്കേ​ഷ​ൻ അ​തോ​റി​റ്റി എ​ന്നി​വ​ർ സം​യു​ക്​​ത യോ​ഗം ചേ​ർ​ന്നി​ട്ടു​ണ്ട്. പ്ര​ശ്​​ന​പ​രി​ഹാ​ര​ത്തി​ന്​ കൂ​ടു​ത​ൽ സേ​ന​യെ നി​യ​മി​ച്ച്​ ആ​സൂ​ത്രി​ത​മാ​യി പ്ര​വ​ർ​ത്തി​ക്കു​ന്നു​ണ്ടെ​ന്ന്​ ഷാ​ർ​ജ പൊ​ലീ​സ്​ വൃ​ത്ത​ങ്ങ​ൾ പ്ര​സ്താ​വ​ന​യി​ൽ പ​റ​ഞ്ഞു.

ദു​ബൈ​യി​ൽ ധാ​രാ​ളം സ്കൂ​ളു​ക​ളു​ള്ള ഖി​സൈ​സ്​ അ​ട​ക്ക​മു​ള്ള സ്ഥ​ല​ങ്ങ​ളി​ലാ​ണ്​ തി​ര​ക്കു​ള്ള​ത്. ഇ​വി​ടെ സ്കൂ​ൾ മേ​ധാ​വി​ക​ൾ വി​ഷ​യം ച​ർ​ച്ച ചെ​യ്ത്​ റോ​ഡ്​ ട്രാ​ൻ​സ്​​പോ​ർ​ട്ട്​ അ​തോ​റി​റ്റി (ആ​ർ.​ടി.​എ), വി​ദ്യ​ഭ്യാ​സ വ​കു​പ്പാ​യ കെ.​എ​ച്ച്.​ഡി.​എ എ​ന്നി​വ​യു​ടെ അ​ധി​കൃ​ത​രെ വി​ഷ​യം ധ​രി​പ്പി​ച്ചി​ട്ടു​ണ്ട്. വി​ശ​ദ​മാ​യ ട്രാ​ഫി​ക് മാ​നേ​ജ്മെ​ന്‍റ്​ പ​ഠ​നം ന​ട​ത്തി പ്ര​ശ്ന​ത്തി​ന്​ ശാ​ശ്വ​ത പ​രി​ഹാ​ര​മു​ണ്ടാ​ക​ണ​മെ​ന്നാ​ണ്​ ര​ക്ഷി​താ​ക്ക​ളും അ​ധ്യാ​പ​ക​രും അ​ഭി​പ്രാ​യ​പ്പെ​ടു​ന്ന​ത്.