എ.​ടി.​എ​മ്മി​ന്​ ഇ​ന്ന്​ തു​ട​ക്കം; 166 രാ​ജ്യ​ങ്ങ​ളി​ൽ​നി​ന്ന്​ പ്ര​ദ​ർ​ശ​ക​രെ​ത്തും

ദു​ബൈ: യാ​ത്രാ​സേ​വ​ന മേ​ഖ​ല​യി​ലെ ഏ​റ്റ​വും വ​ലി​യ പ്ര​ദ​ർ​ശ​ന​ങ്ങ​ളി​ലൊ​ന്നാ​യ അ​റേ​ബ്യ​ൻ ട്രാ​വ​ൽ മാ​ർ​ക്ക​റ്റി​ന്​ തി​ങ്ക​ളാ​ഴ്ച ദു​ബൈ വേ​ൾ​ഡ്​ ട്രേ​ഡ്​ സെൻറ​റി​ൽ തു​ട​ക്ക​മാ​കും. എ.​ടി.​എ​മ്മി​ന്‍റെ 32ാം പ​തി​പ്പാ​ണ്​ ഇ​ത്ത​വ​ണ അ​ര​ങ്ങേ​റു​ന്ന​ത്. ഇ​ത്ത​വ​ണ ആ​കെ 166 രാ​ജ്യ​ങ്ങ​ളി​ൽ​നി​ന്നാ​യി 2,800 ക​മ്പ​നി​ക​ളും 55,000 യാ​ത്രാ സേ​വ​ന പ്ര​ഫ​ഷ​ന​ലു​ക​ളും മേ​ള​യി​ൽ പ​ങ്കെ​ടു​ക്കു​ന്നു​ണ്ട്.

ഈ ​വ​ർ​ഷം പ്ര​ദ​ർ​ശ​ന​ത്തി​നെ​ത്തു​ന്ന ക​മ്പ​നി​ക​ളി​ൽ 67 ശ​ത​മാ​നം അ​ന്താ​രാ​ഷ്ട്ര ക​മ്പ​നി​ക​ളും 33 ശ​ത​മാ​നം മി​ഡി​ൽ ഈ​സ്റ്റി​ൽ​നി​ന്നു​ള്ള പ്ര​ദ​ർ​ശ​ക​രു​മാ​ണ്. അ​ന്താ​രാ​ഷ്​​ട്ര​ത​ല​ത്തി​ൽ എ.​ടി.​എ​മ്മി​ന്​ പ്ര​ധാ​ന്യം വ​ർ​ധി​ച്ച​താ​ണ്​ കൂ​ടു​ത​ൽ അ​ന്താ​രാ​ഷ്​​ട്ര ക​മ്പ​നി​ക​ൾ എ​ത്തി​ച്ചേ​രാ​നു​ള്ള കാ​ര​ണ​മാ​യി വി​ല​യി​രു​ത്ത​പ്പെ​ടു​ന്ന​ത്. ‘ആ​ഗോ​ള സ​ഞ്ചാ​രം: മെ​ച്ച​പ്പെ​ട്ട ക​ണ​ക്റ്റി​വി​റ്റി​യി​ലൂ​ടെ നാ​ള​ത്തെ ടൂ​റി​സം വി​ക​സി​പ്പി​ക്കാം’ എ​ന്ന പ്ര​മേ​യ​മാ​ണ്​ ഇ​ത്ത​വ​ണ മേ​ള സ്വീ​ക​രി​ച്ചി​ട്ടു​ള്ള​ത്. കൂ​ടു​ത​ൽ സു​സ്ഥി​ര​വും എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന​തും ആ​ഗോ​ള​ത​ല​ത്തി​ൽ സം​യോ​ജി​പ്പി​ച്ച​തു​മാ​യ യാ​ത്രാ​സേ​വ​ന മേ​ഖ​ല കെ​ട്ടി​പ്പ​ടു​ക്കു​ന്ന​ത്​ സം​ബ​ന്ധി​ച്ച വി​വി​ധ പ​രി​പാ​ടി​ക​ൾ എ.​ടി.​എ​മ്മി​ൽ ന​ട​ക്കും.

എ.​ടി.​എം കോ​ൺ​ഫ​റ​ൻ​സ് മു​ത​ൽ നെ​റ്റ്‌​വ​ർ​ക്കി​ങ്​ സെ​ഷ​നു​ക​ൾ​വ​രെ മേ​ള​യി​ലെ വി​വി​ധ സെ​ഷ​നു​ക​ളി​ൽ ഇ​ത്​ സം​ബ​ന്ധി​ച്ച വി​ഷ​യ​ങ്ങ​ൾ ച​ർ​ച്ച​യാ​കും.പ്ര​ദ​ർ​ശ​ക​രു​ടെ സാ​ന്നി​ധ്യം​കൊ​ണ്ടും പ​ങ്കാ​ളി​ത്ത​ത്തി​ലൂ​ടെ​യും റെ​ക്കോ​ഡു​ക​ൾ ത​ക​ർ​ക്കാ​നു​ള്ള പാ​ത​യി​ലാ​ണ് എ.​ടി.​എം 2025 എ​ന്ന്​ മേ​ള​യു​ടെ മി​ഡി​ൽ ഈ​സ്റ്റ്​ എ​ക്സി​ബി​ഷ​ൻ ഡ​യ​റ​ക്ട​ർ ഡാ​നി​യേ​ൽ ക​ർ​ട്ടി​സ് പ​റ​ഞ്ഞു.

എ.​ടി.​എ​മ്മി​നോ​ടു​ള്ള വ​ർ​ധി​ച്ചു​വ​രു​ന്ന താ​ൽ​പ​ര്യം ക​ണ​ക്കി​ലെ​ടു​ത്ത് ഈ ​വ​ർ​ഷം ര​ണ്ട് ഹാ​ളു​ക​ൾ കൂ​ടി ചേ​ർ​ത്തി​ട്ടു​ണ്ട്. ഗ്ലോ​ബ​ൽ സ്റ്റേ​ജ്, ഫ്യൂ​ച്ച​ർ സ്റ്റേ​ജ്, ബി​സി​ന​സ് ഇ​വ​ന്റ്സ് സ്റ്റേ​ജ് എ​ന്നി​ങ്ങ​നെ മൂ​ന്ന് ഡൈ​നാ​മി​ക് ക​ണ്ട​ന്റ് സ്റ്റേ​ജു​ക​ളി​ലാ​യി എ.​ടി.​എം കോ​ൺ​ഫ​റ​ൻ​സ് പ്രോ​ഗ്രാം അ​വ​ത​രി​പ്പി​ക്കും -അ​ദ്ദേ​ഹം കൂ​ട്ടി​ച്ചേ​ർ​ത്തു.എ.​ടി.​എ​മ്മി​ൽ ഏ​റ്റ​വും വേ​ഗ​ത്തി​ൽ വ​ള​രു​ന്ന മേ​ഖ​ല ഏ​ഷ്യ​യാ​ണ്. ഈ ​മേ​ഖ​ല​യു​ടെ പ​ങ്കാ​ളി​ത്തം വ​ർ​ഷം തോ​റും 20 ശ​ത​മാ​നം വീ​ത​മാ​ണ്​ വ​ർ​ധി​ക്കു​ന്ന​ത്. ജ​പ്പാ​ൻ, മ​ക്കാ​വോ, മാ​ല​ദ്വീ​പ്, മൗ​റീ​ഷ്യ​സ്, ദ​ക്ഷി​ണ കൊ​റി​യ, താ​യ്‌​ല​ൻ​ഡ്, ഇ​ന്ത്യ, ഇ​ന്തോ​നേ​ഷ്യ, മ​ലേ​ഷ്യ, ഫി​ലി​പ്പീ​ൻ​സ് എ​ന്നി​വ​യു​ൾ​പ്പെ​ടെ രാ​ജ്യ​ങ്ങ​ൾ എ.​ടി.​എ​മ്മി​ൽ പ്ര​ദ​ർ​ശ​ന​ത്തി​നെ​ത്തു​ണ്ട്.

ഗോ​വ, ക​ർ​ണാ​ട​ക, മ​ധ്യ​പ്ര​ദേ​ശ്, ഉ​ത്ത​ർ​പ്ര​ദേ​ശ് എ​ന്നീ സം​സ്ഥാ​ന​ങ്ങ​ളി​ൽ​നി​ന്നു​ള്ള പ്രാ​ദേ​ശി​ക ടൂ​റി​സം ബോ​ർ​ഡു​ക​ൾ ഉ​ൾ​പ്പെ​ടെ​യു​ള്ള പ്ര​ദ​ർ​ശ​ക​രും എ​യ​ർ ഇ​ന്ത്യ, എ​യ​ർ ഇ​ന്ത്യ എ​ക്സ്പ്ര​സ് പോ​ലു​ള്ള എ​യ​ർ​ലൈ​ൻ കാ​രി​യ​റു​ക​ളും മേ​ള​ക്കെ​ത്തു​ന്നു​ണ്ട്. മേ​യ്​ ഒ​ന്ന്​ വ്യാ​ഴാ​ഴ്ച​യാ​ണ്​ മേ​ള അ​വ​സാ​നി​ക്കു​ന്ന​ത്.