ആസ്​റ്റർ ഫാർമസിക്ക്​ ദുബൈ ഗുണനിലവാര പുരസ്​കാരം

ദുബൈ: ആസ്​റ്റര്‍ ഫാര്‍മസി​ ദുബൈ സാമ്പത്തിക വകുപ്പി​​െൻറ ബിസിനസ്​ എക്​സലൻസ്​ അവാർഡ്​ ദാന ചടങ്ങിൽ 2016 ലെ ദുബൈ ക്വാളിറ്റി അപ്രീസിയേഷന്‍ അവാര്‍ഡ്  കരസ്ഥമാക്കി. ദു​ൈബ വേൾഡ് ട്രേഡ് സ​െൻററിൽ നടന്ന വാർഷിക അവാർഡ്ദാന ചടങ്ങിൽ ദുബൈ ഉപ ഭരണാധികാരിയും ദുബൈ മീഡിയ ചെയർമാനുമായ ശൈഖ് മക്തൂം ബിൻ മുഹമ്മദ് ബിൻ റാഷിദ് ആൽ മക്തൂമില്‍ നിന്ന്​ ആസ്​റ്റർ ഡി.എം ഹെൽത്ത്കെയർ ഡയറക്ടർ അനൂപ് മൂപ്പൻ പുരസ്​കാരം ഏറ്റുവാങ്ങി. 

ജി.സി.സി മേഖലയുടെ സാമ്പത്തിക വികസനത്തിന് സംഭാവന ചെയ്യുന്ന അസാധാരണമായ ബിസിനസ്സ് പ്രകടനത്തിനുള്ള അംഗീകാരമാണിത്​.  ആസ്​റ്റർ ഫാർമസിക്ക്​ ജി.സി.സിയിലെ 200 ല്‍ അധികം റീട്ടെയിൽ ഔട്ട്‌‌ലെറ്റുകളുണ്ട്​.

കഴിഞ്ഞ ആറു വർഷത്തിനിടയിൽ നാലു തവണ യു.എ.ഇ-യിലെ മികച്ച ഫാർമസി ആയി ദുബൈ സർവീസ് എക്സലൻസ് സ്കീം അംഗീകാരവും 2015 ൽ ദുബൈ ചേംബർ ഓഫ് കൊമേഴ്സി​​െൻറ മുഹമ്മദ് ബിൻ റാശിദ് ആൽ മക്തൂം ബിസിനസ് അവാർഡുംഉള്‍പ്പെടെ നിരവധി പുരസ്​കാരങ്ങൾ ആസ്​റ്റർ  ഫാര്‍മസി കരസ്ഥമാക്കിയതായി മാനേജ്​മ​െൻറ്​ പത്രക്കുറിപ്പിൽ അറിയിച്ചു.