സ​ങ്കീ​ര്‍ണ​മാ​യ ഗ്ലൂ​ക്കോ​മ രോ​ഗത്തിന് വി​ജ​യ​ക​ര​മാ​യ ചി​കി​ത്സ ല​ഭ്യ​മാ​ക്കി ആ​സ്റ്റ​ര്‍

ദു​ബൈ: യു.​എ.​ഇ​യി​ലെ ആ​ദ്യ ഗ്ലൂ​ക്കോ​മ മൈ​ക്രോ​ഷ​ണ്ട് ശ​സ്ത്ര​ക്രി​യ വി​ജ​യ​ക​ര​മാ​യി പൂ​ര്‍ത്തി​യാ​ക്കി അ​ല്‍ ഖി​സൈ​സ് ആ​സ്റ്റ​ര്‍ ആ​ശു​പ​ത്രി. റെ​റ്റി​ന​യി​ലെ ര​ക്തം വാ​ര്‍ന്നു​പോ​കാ​നി​ട​യാ​ക്കു​ന്ന ഞ​ര​മ്പി​ലെ ത​ട​സ്സ​ത്തെ​ത്തു​ട​ര്‍ന്നു​ള്ള സ​ങ്കീ​ർ​ണ​മാ​യ ഗ്ലൂ​ക്കോ​മ ബാ​ധി​ത​യാ​യ 46 വ​യ​സ്സു​ള്ള ഇ​ന്ത്യ​ക്കാ​രി​യാ​യ സ്ത്രീ​ക്കാ​ണ് ചി​കി​ത്സ ല​ഭ്യ​മാ​ക്കി​യ​ത്. അ​ത്യ​ന്തം അ​പ​ക​ട​ക​ര​മാ​യ മ​ര്‍ദ നി​ല​യി​ല്‍നി​ന്ന് ആ​രോ​ഗ്യ​പൂ​ർ​ണ​മാ​യ നി​ല​യി​ലേ​ക്ക് ക​ണ്ണി​ലെ മ​ർ​ദം കു​റ​ച്ച്, കൂ​ടു​ത​ല്‍ കാ​ഴ്ച​ന​ഷ്ടം ത​ട​യാ​നും ശ​ക്ത​മാ​യ വേ​ദ​ന ല​ഘൂ​ക​രി​ക്കാ​നും ശ​സ്ത്ര​ക്രി​യ സ​ഹാ​യി​ച്ച​താ​യി അ​ധി​കൃ​ത​ർ അ​റി​യി​ച്ചു.

ഷാ​ര്‍ജ​യി​ല്‍ താ​മ​സി​ക്കു​ന്ന സാ​മ്പ​ത്തി​ക വി​ദ​ഗ്ധ​യാ​യ രോ​ഗി നാ​ല് വ​ര്‍ഷ​മാ​യി പ്ര​മേ​ഹ​രോ​ഗ ബാ​ധി​ത​യും, റെ​റ്റി​ന​ല്‍ വെ​യി​ന്‍ ഒ​ക്ലൂ​ഷ​ന്‍ സാ​ഹ​ച​ര്യ​ത്തെ​ത്തു​ട​ര്‍ന്നു​ള്ള ചി​കി​ത്സ​യി​ലു​മാ​യി​രു​ന്നു. ഗ്ലൂ​ക്കോ​മ, ര​ക്ത​സ്രാ​വം, റ​റ്റി​ന​ല്‍ ഡി​റ്റാ​ച്ച്‌​മെ​ന്റ് എ​ന്നി​വ​യു​ള്‍പ്പെ​ടെ​യു​ള്ള സ​ങ്കീ​ര്‍ണ​ത​ക​ള്‍ അ​നു​ഭ​വ​പ്പെ​ട്ട​തി​നാ​ല്‍ അ​വ​രെ അ​ല്‍ ഖി​സൈ​സ് ആ​സ്റ്റ​ര്‍ ആ​ശു​പ​ത്രി​യി​ലേ​ക്ക് റ​ഫ​ര്‍ ചെ​യ്യു​ക​യാ​യി​രു​ന്നു.

നേ​ത്ര വി​ദ​ഗ്ധ​നാ​യ ഡോ. ​ഭൂ​പ​തി മു​രു​ക​വേ​ലി​ന്റെ നേ​തൃ​ത്വ​ത്തി​ലാ​ണ്​ റെ​റ്റി​ന​ല്‍ ഡി​റ്റാ​ച്ച്‌​മെ​ന്റ് ശ​സ്ത്ര​ക്രി​യ വി​ജ​യ​ക​ര​മാ​യി പൂ​ര്‍ത്തി​യാ​ക്കി​യ​ത്. തു​ട​ര്‍ന്നു​ള്ള ചി​കി​ത്സ​യു​ടെ ഭാ​ഗ​മാ​യി രോ​ഗി​ക്ക് ഗ്ലൂ​ക്കോ​മ​ക്കു​ള്ള തു​ള്ളി​മ​രു​ന്നു​ക​ള്‍ ഉ​പ​യോ​ഗി​ക്കാ​ന്‍ നി​ര്‍ദേ​ശി​ക്കു​ക​യും ചെ​യ്തു. എ​ന്നാ​ൽ പ​ര​മാ​വ​ധി തു​ള്ളി​മ​രു​ന്ന് ഉ​പ​യോ​ഗി​ച്ചി​ട്ടും, ക​ണ്ണി​ലെ മ​ര്‍ദം അ​ത്യ​ന്തം ഉ​യ​ര്‍ന്ന നി​ല​യി​ല്‍ തു​ട​രു​ക​യും, ഇ​തേ​ത്തു​ട​ര്‍ന്ന് ക​ടു​ത്ത വേ​ദ​ന​യും കൂ​ടു​ത​ല്‍ കാ​ഴ്ച ന​ഷ്ട​പ്പെ​ടാ​നു​ള്ള സാ​ധ്യ​ത​യു​ണ്ടാ​വു​ക​യും ചെ​യ്തു.

രോ​ഗാ​വ​സ്ഥ​യു​ടെ സ​ങ്കീ​ര്‍ണ​ത മ​ന​സ്സി​ലാ​ക്കി​യ ഡോ. ​ഭൂ​പ​തി മു​രു​ക​വേ​ല്‍ ഗ്ലൂ​ക്കോ​മ മൈ​ക്രോ​ഷ​ണ്ട് ശ​സ്ത്ര​ക്രി​യ നി​ര്‍ദേ​ശി​ക്കു​ക​യാ​യി​രു​ന്നു. ശ​സ്ത്ര​ക്രി​യ​യി​ലൂ​ടെ രോ​ഗി​യു​ടെ ക​ണ്ണി​ന്റെ മ​ര്‍ദം സാ​ധാ​ര​ണ നി​ല​യി​ലേ​ക്ക് വി​ജ​യ​ക​ര​മാ​യി കു​റ​ച്ചു​കൊ​ണ്ടു​വ​ന്നു. രോ​ഗി​ക്ക് ഇ​ത്ത​ര​മൊ​രു ന​ല്ല ഫ​ലം ന​ൽ​കാ​ന്‍ ക​ഴി​ഞ്ഞ​തി​ല്‍ അ​ഭി​മാ​നി​ക്കു​ന്ന​താ​യും ആ​വ​ശ്യ​മാ​യ മ​റ്റു രോ​ഗി​ക​ള്‍ക്കും ഉ​യ​ര്‍ന്ന നി​ല​വാ​ര​ത്തി​ലു​ള്ള പ​രി​ഹാ​ര​ങ്ങ​ള്‍ ന​ല്‍കാ​ന്‍ ആ​ശു​പ​ത്രി സു​സ​ജ്ജ​മാ​ണെ​ന്നും ഡോ. ​ഭൂ​പ​തി മു​രു​ക​വേ​ല്‍ വ്യ​ക്ത​മാ​ക്കി. ഡോ. ​ഭൂ​പ​തി​യോ​ടും അ​ല്‍ ഖി​സൈ​സ് ആ​സ്റ്റ​ര്‍ ആ​ശു​പ​ത്രി​യി​ലെ മെ​ഡി​ക്ക​ല്‍ ടീ​മി​നോ​ടും ആ​ത്മാ​ർ​ഥ​മാ​യ ന​ന്ദി രേ​ഖ​പ്പെ​ടു​ത്തു​ന്ന​താ​യി രോ​ഗി അ​റി​യി​ച്ചു.