ആസ്​റ്റർ ഫാർമസിക്കും ആസ്​റ്റർ  ഹോസ്​പിറ്റലിനും ദുബൈ ബിസിനസ്​ എക്സലൻസ്​ അവാർഡ്

ദുബൈ: ബിസിനസ്​ രംഗത്തെ മികവിന്​ യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​​െൻറ രക്ഷകർതൃത്വത്തിൽ ഡിപ്പാർട്ട്​മ​​െൻറ്​ ഒഫ്​ ഇക്കണോമിക്​ ഡവലപ്​മ​​െൻറ്​ (ഡി.ഇ.ഡി) ഏർ​പ്പെടുത്തിയ അവാർഡുകൾക്ക്​ യു.എ.ഇയിലെ മുൻനിര ഹോസ്​പിറ്റൽ^ഫാർമസി ശൃംഖലകളായ ആസ്​റ്റർ ഫാർമസിയും ആസ്​റ്റർ ഹോസ്​പിറ്റലും അർഹമായി.  ദുബൈ  ദുബൈയുടെ മാനവ വികസന ലക്ഷ്യങ്ങൾ കൈവരിക്കുന്നതിനുതകും വിധം നടപ്പാക്കിയ   പ്രവർത്തനങ്ങൾ പരിഗണിച്ച്​ മാനവവിഭവശേഷി വികസന മികവിനുളള പുരസ്​കാര മാണ്​ ആസ്​റ്റർ  ഫാർമസിക്ക്​ ലഭിച്ചത്.

ആരോഗ്യ പരിരക്ഷാ മേഖലയിലെ മികവ്​  ആസ്​റ്റർ ഹോസ്​പിറ്റലിന്  ദുബൈ ക്വാളിറ്റി അപ്രീസിയേഷൻ പുരസ്​കാരവും നേടിക്കൊടുത്തു. രോഗികൾ ആവശ്യപ്പെടുന്ന സൗകര്യങ്ങൾക്കനുസരിച്ച് നവീകരിക്കുകയും മികവുറ്റ പ്രകടനം കാഴ്ചവെക്കുകയും ചെയ്തത് പരിഗണിച്ചാണ് ആസ്​റ്റർ ഹോസ്​പിറ്റൽ മൻഖൂൽ പുരസ്​കാരത്തിന് തെരഞ്ഞെടുക്കപ്പെട്ടത്.  ദുബൈ ഒപേറയിൽ സംഘടിപ്പിച്ച   ചടങ്ങിൽ ദുബൈ ഉപ ഭരണാധികാരി ശൈഖ്​ മക്​തൂം ബിൻ മുഹമ്മദ് ബിൻ റാശിദ് ആൽ മകതൂമും, മുഹമ്മദ് ബിൻ റാശിദ് ആൽ മക്​തൂം നോളജ് ഫൗണ്ടേഷൻ ചെയർമാൻ ശൈഖ്​ അഹ്​മദ് ബിൻ മുഹമ്മദ് ബിൻ റാശിദ് ആൽ മക്​തൂമും ചേർന്ന്  പുരസ്​കാരങ്ങൾ സമ്മാനിച്ചു. 

കൂടുതൽ മികവിനായി ശ്രമിച്ചുകൊണ്ടേയിരിക്കുക എന്നത് സ്​ഥാപനത്തി​​െൻറ ഡി.എൻ.എയിൽ അടങ്ങിയിരിക്കുന്നതാണെന്നും, ആരോഗ്യ പരിരക്ഷാ രംഗത്ത് അതിരുകളില്ലാത്ത ഉയരങ്ങളിലേക്ക് മുന്നേറുകയെന്ന ലക്ഷ്യത്തോടെയാണ് ഓരോ ടീം അംഗവും പ്രവർത്തിക്കുന്നതെന്നും ആസ്​റ്റർ ഡിഎം ഹെൽത്ത് കെയർ സ്​ഥാപക ചെയർമാനും മാനേജിംഗ് ഡയറക്ടറുമായ ഡോ.ആസാദ് മൂപ്പൻ പറഞ്ഞു. ദുബൈ സർക്കാറി​​​െൻറ  ഈ അംഗീകാരവും ഗുണമേന്മയുളള ആരോഗ്യ പരിപാലനം മിതമായ ചെലവിൽ കൂടുതൽ പേരിലേക്കെത്തിക്കുകയെന്ന സ്​ഥാപനത്തി​​​െൻറ ദൗത്യത്തിന് കരുത്തുപകരുന്നതാണെന്നും അദ്ദേഹം കൂട്ടിച്ചേർത്തു. കഴിഞ്ഞ ഒരു വർഷത്തിനിടെ ഇത് മൂന്നാം തവണയാണ് ആസ്​റ്റർ ഫാർമസി ദുബൈ ബിസിനസ്​ എക്സലൻസ്​ അവാർഡ് നേടുന്നത്. 2017–2018 കാലയളവിൽ ആറ് പുരസ്​കാരങ്ങളാണ് സ്​ഥാപനം സ്വന്തമാക്കിയിട്ടുളളത്.