Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightആസ്​റ്റർ ഡി.എം....

ആസ്​റ്റർ ഡി.എം. ഹെൽത്ത്​ കെയറിന്​ ദുബൈയിലെ ബിസിനസ്സി​െൻറ പൂർണ ഉടമാവകാശം

text_fields
bookmark_border
azad-moopen
cancel

ദുബൈ: ആഗോള ആരോഗ്യ സേവന ദാതാക്കളായ ആസ്​റ്റർ ഡി.എം. ഹെൽത്ത്​ കെയറിന്, യു.എ.ഇ സർക്കാർ ദുബൈയിൽ 100 ശതമാനം നിയമപരമായ ഉടമ സ്ഥാവകാശം അനുവദിച്ചു. നേരത്തേ നിലവിലുണ്ടായിരുന്ന യു.എ.ഇ നിയമപ്രകാരം രാജ്യത്ത്​ രജിസ്​റ്റർ ചെയ്യുന്ന കമ്പനികള ുടെ നിയമപരമായ ഉടമ സ്വദേശി പൗരന്മാരായിരിക്കണമെന്ന്​ വ്യവസ്​ഥയുണ്ടായിരുന്നു. വിദേശ നിക്ഷേപകർക്ക്​ 49 ശതമാനം ഉടമസ്ഥാവകാശമാണ്​ അനുവദിച്ചിരുന്നത്​.

എന്നാൽ ഇൗയിടെ യു.എ.ഇ സർക്കാറി​​െൻറ വാണിജ്യ സൗഹാർദ^സഹിഷ്​ണുതാ നയങ്ങളുടെ ഭാഗമായി ആരോഗ്യപരിപാലനം ഉൾപ്പെടെ വിവിധ വാണിജ്യ മേഖലകളിൽ വിദേശ കമ്പനികളുടെ ഉടമസ്ഥാവകാശം 100 ശതമാനമാക്കി. ഇതോടെ യു.എ.ഇയിലെ മുൻനിര ആരോഗ്യസേവനദാതാക്കളായ ആസ്​റ്റർ ഡി.എം ഹെൽത്​ കെയറിന്​ ക്ലിനിക്കുകൾ, ഫാർമസികൾ, മറ്റ്​ സ്​ഥാപനങ്ങൾ എന്നിവയുടെ 100% നിയമപരമായ ഉടമസ്ഥാവകാശം ദ​ുബൈ വാണിജ്യവകുപ്പ്​ അനുവദിക്കുകയായിരുന്നു. ഒാഹരി കൈമാറ്റം നിലവിലെ സാമ്പത്തിക വർഷത്തി​​െൻറ അവസാനത്തോടെ പൂർത്തിയാകുമെന്ന് പ്രതീക്ഷിക്കപ്പെടുന്നു.

തങ്ങളുടെ ജി.സി.സി ബിസിനസി​​െൻറ 80 ശതമാനവും ദുബൈയിലാകയാൽ ഇവിടുത്തെ വിപണി ഏറ്റവും പ്രധാനപ്പെട്ടതായി കാണുന്നുവെന്ന് ആസ്​റ്റർ ഡി.എം. ഹെൽത്ത്​ കെയർ സ്ഥാപക ചെയർമാനും മാനേജിംഗ് ഡയറക്ടറുമായ ഡോ. ആസാദ് മൂപ്പന്​ പറഞ്ഞു. പുരോഗതി ലക്ഷ്യമിടുന്നതും, രാജ്യത്തിലേക്ക് കൂടുതൽ നിക്ഷേപം നടത്താൻ പ്രചോദനം നൽകുന്നതുമായ ഈ നിയമമാറ്റം കൊണ്ടുവന്ന ദീർഘവീക്ഷണം നിറഞ്ഞ ഭരണാധികാരികൾക്ക്​ നന്ദി അറിയിക്കുന്നതായും അദ്ദേഹം കൂട്ടിച്ചേർത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsastermalayalam newsazad Moopen
News Summary - Aster gets approval for 100% ownership in UAE-Gulf news
Next Story