Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഅസം നരനായാട്ട്​;...

അസം നരനായാട്ട്​; മലയാളത്തിലുള്ള വിഡിയോ പങ്കുവെച്ച്​ ശൈഖ ഹിന്ദ്​

text_fields
bookmark_border
അസം നരനായാട്ട്​; മലയാളത്തിലുള്ള വിഡിയോ പങ്കുവെച്ച്​ ശൈഖ ഹിന്ദ്​
cancel

ദുബൈ: അസമിൽ കുടിയൊഴിപ്പിക്കലിന്‍റെ പേരിൽ പൊലീസ്​ നടത്തിയ നരനായാട്ടിന്‍റെ മലയാളത്തിലുള്ള വിഡിയോ ട്വിറ്ററിൽ പങ്കുവെച്ച്​ ഷാർജ രാജകുടുംബാംഗം ശൈഖ ഹിന്ദ്​ ബിന്ദ്​ ഫൈസൽ അൽ ഖാസിമി. വെടിയേറ്റ്​ വീണയാളുടെ മൃതദേഹത്തിൽ​ ഫോ​ട്ടോഗ്രാഫർ ചവിട്ടുന്ന ദൃശ്യങ്ങളാണ്​ ശൈഖ ഹിന്ദ്​ പങ്കുവെച്ചത്​. 'അക്രമികളിൽ നിന്ന്​ രക്ഷിക്ക്​ അള്ളാഹുവേ' എന്ന്​ മലയാളത്തിൽ പ്രാർഥിക്കുന്ന വിഡിയോയാണ്​ പങ്കുവെച്ചിരിക്കുന്നത്​. മുസ്​ലിം ആയതിന്‍റെ പേരിൽ ഇന്ത്യയിൽ പീഡിപ്പിക്കപ്പെടുകയാണെന്നും അയാളെ കൊല്ലുന്നത്​ പൊലീസും മാധ്യമപ്രവർത്തകനും ചേർന്നാണെന്നും പോസ്​റ്റിൽ സൂചിപ്പിക്കുന്നു.



കഴിഞ്ഞ ദിവസം യോഗി ആദിത്യനാഥിനെതിരെയും ശൈഖ ഹിന്ദ്​ ട്വീറ്റ്​ ചെയ്​തിരുന്നു. യോഗിയുടെ സ്​ത്രീവിരുദ്ധ പരാമർശത്തിന്‍റെ പഴയ പത്ര കട്ടിങുമായാണ്​ ശൈഖ ഹിന്ദ്​ ട്വീറ്റ്​ ചെയ്​തത്​. സ്വതന്ത്രരായി ജീവിക്കാൻ സ്​ത്രീകൾ പ്രാപ്​തരല്ലെന്നും അവരുടെ ഊർജം നിയന്ത്രിക്കപ്പെടണമെന്നുമായിരുന്നു യോഗിയുടെ പ്രസ്​താവന. ടൈംസിൽ വന്ന ഈ വാർത്തയാണ്​ ശൈഖ ഹിന്ദ്​ ​ട്വിറ്ററിൽ ഷെയർ ചെയ്​തത്​. ആരാണിയാൾ എന്നും ഇയാൾക്ക്​ എങ്ങിനെ ഇത്​ പറയാൻ കഴിയുന്നുവെന്നും ആരാണ്​ ഇയാൾക്ക്​ വോട്ട്​ ചെയ്​തതെന്നും ട്വിറ്ററിലൂടെ ചോദിച്ചു. മുൻപും ഇന്ത്യയിലെ വിവിധ വിഷയങ്ങളിൽ ശൈഖ​ ഹിന്ദ്​ അഭിപ്രായം പങ്കുവെച്ചിട്ടുണ്ട്.

Show Full Article
TAGS:assam brutality assam Hend bint Faisal 
News Summary - assam brutality sheikha hind shares malayalam video
Next Story