ഏഷ്യൻ യൂത്ത്​ ബോക്​സിങ്​ 20 മുതൽ; 19 യു.എ.ഇ താരങ്ങൾ മത്സരിക്കും

ദു​ൈബ: ഏഷ്യൻ യൂത്ത്​ ആൻഡ്​ ജൂനിയർ ബോക്​സിങ്​ ചാമ്പ്യൻഷിപ്പ്​ ആഗസ്​റ്റ്​ 20 മുതൽ30 വരെ ദുബൈ ലെ മെറിഡിയനിൽ നടക്കും. യു.എ.ഇ ദേശീയ ടീമിനെ പ്രതിനിധീകരിച്ച്​ 19 താരങ്ങൾ റിങിലിറങ്ങും.

അബൂദബിയിൽ നടന്ന ക്യാമ്പിന്​ ശേഷം കോച്ച്​ മുഹമ്മദ്​ മിസ്​ബഹ്​ അൽ ഷെബ്​ലിയുടെ നേതൃത്വത്തിലാണ്​ ടീമിനെ തെരഞ്ഞെടുത്തത്​. ജൂണിലാണ്​ ക്യാമ്പ്​ തുടങ്ങിയത്​.

ആദ്യ ഘട്ടത്തിൽ 38 ബോക്​സർമാർ ഉണ്ടായിരുന്നു. യോഗ്യത മത്സരം നടത്തി ഇവരിൽ നിന്ന്​ 25 പേരെ തെര​െഞ്ഞടുത്തു. വീണ്ടും യോഗ്യത മത്സരം നടത്തിയാണ്​ 19 പേർക്ക്​ അവസരം നൽകുന്നത്​. ഇതിൽ 15 പുരുഷ താരങ്ങളും നാല്​ വനിതകളും ഉൾപെടുന്നു. അബൂദബിയിലെ ​പരിശീലനം ഞായറാഴ്​ച ​വരെ തുടരുമെന്ന്​ മിസ്​ബഹ്​ അൽ ഷെബ്​ലി പറഞ്ഞു. ഇതിന്​ പുറമെ വിദേശ താരങ്ങളുമായി സൗഹൃദ പരിശീലന മത്സരങ്ങളും നടത്തും. ബഹ്​റൈൻ ടീമും യു.എ.ഇയിൽ എത്തിയിട്ടുണ്ട്​. ക്യാമ്പി​െൻറ അവസാന ദിനമാണ്​ ഞായറാഴ്​ച ദുബൈ ക്ലബിലെ ബോക്​സർമാരുമായി സൗഹൃദ പോരാട്ടം നടത്തും.