ഏഷ്യൻ പവർലിഫ്​റ്റിങിൽ മലയാളി തിളക്കം

ദുബൈ: ദുബൈയിൽ നടന്ന ഏഷ്യൻ പവർലിഫ്​റ്റിങ്​ ചാമ്പ്യൻഷിപ്പിൽ കരുത്തുകാട്ടി മലയാളികൾ. എട്ടു​ മലയാളികൾ മെഡൽ നേടിയ ചാമ്പ്യൻഷിപ്പിന്‍റെ ജൂനിയവർ വനിത വിഭാഗത്തിൽ ഇന്ത്യ ചാമ്പ്യന്മാരായി.സബ്​ജൂനിയർ-മാസ്​റ്റേഴ്​സ്​ വിഭാഗങ്ങളിൽ ഇന്ത്യ രണ്ടാം സ്ഥാനം നേടി. സബ്​ജൂനിയർ 47 കിലോ വിഭാഗത്തിൽ അഞ്ജന കൃഷ്ണ വി.കെ (കോഴിക്കോട്​), 57 കിലോയിൽ ആശംസ (ആലപ്പുഴ), ജൂനിയർ 63 കിലോയിൽ കെ.വി. നന്ദന (കാസർകോട്​) എന്നിവർ സ്വർണം നേടി.

സബ്​ജൂനിയർ 52 കിലോയിൽ ഡാനിയ ആൻറണി (വയനാട്​), 76 കിലോയിൽ അൽക രാഘവ്​ (കാസർകോട്​), ജൂനിയർ 63 കിലോയിൽ അനഘ പി.വി (തൃശൂർ) എന്നിവർ വെള്ളി സ്വന്തമാക്കി.ജൂനിയർ 47 കിലോയിൽ എസ്​.എസ്​. ശ്രീലക്ഷ്മി (തിരുവനന്തപുരം), സബ്​ജൂനിയർ 76 കിലോയിൽ സി.വി. ആയിഷ ബീഗം (കോഴിക്കോട്​) എന്നിവർ വെങ്കലവും കരസ്ഥമാക്കി. ലോക​ റെക്കോഡ്​ തിരുത്തിയ കർണാടകയുടെ അരുൺ​ ജോയ്​ ഫെർണാണ്ടസിനെ ജൂനിയർ ബെസ്റ്റ്​ ലിഫ്​റ്റർ ഓഫ്​ ഏഷ്യയായി തെരഞ്ഞെടുത്തു.ഇന്ത്യയിൽനിന്ന്​ 26 കായികതാരങ്ങളും ആറ്​ ഒഫീഷ്യൽസും പ​ങ്കെടുത്ത മത്സരത്തിൽ ആറു​ സ്വർണവും ഏഴു​ വെള്ളിയും ആറു​ വെങ്കലവുമാണ്​ ഇന്ത്യൻ താരങ്ങൾ നേടിയത്​.