രക്തദാനത്തിനായി കൈകോർത്ത്​ അഷ്​റഫുമാർ

ദുബൈ: പേരിലും സേവനത്തിലും ഒരേ മനസ്സോടെ അഷ്​റഫുമാർ ഒന്നിച്ചു. ദുബൈ ഹെൽത്ത് അതോറിറ്റിയുടെ സഹകരണത്തോടെ യു.എ.ഇ അഷ്റഫ് കൂട്ടായ്മ ദുബൈയിൽ രക്തദാന ക്യാമ്പ് സംഘടിപ്പിച്ചു. 40ഓളം അഷ്​റഫുമാർ പ​ങ്കെടുത്തു. അടുത്തമാസം അബൂദബിയിലും ക്യാമ്പ്​​ സംഘടിപ്പിക്കും. ക്യാമ്പ് അഷ്റഫ് കൂട്ടായ്മ യു.എ.ഇ ചാപ്റ്റർ പ്രസിഡൻറ്​ അഷ്റഫ് കെ.കെ. പുത്തൂർ ഉദ്ഘാടനം ചെയ്തു. ജനറൽ സെക്രട്ടറി അഷ്റഫ് കേച്ചേരി, ട്രഷറർ ടി.പി. അഷ്റഫ്, അഷ്റഫ് തായൽ, അഷ്റഫ് മാളിയേക്കൽ, അഷ്റഫ് കുളങ്ങര, അഷ്റഫ് കൊമ്പൻ തുടങ്ങിയവരും അഷ്റഫ് കൂട്ടായ്മയുടെ വിവിധ എമിറേറ്റ്സ് കമ്മിറ്റി നേതാക്കളും നേതൃത്വം നൽകി. നിരവധി പേർ രക്തദാനത്തിൽ പങ്കെടുത്തു. കൈൻഡ്​നസ് പ്രവർത്തകരായ ശിഹാബ് അഷ്റഫ് കാസർകോട്​, അൻവർ വയനാട് എന്നിവർ മാർഗനിർദേശങ്ങൾ നൽകി.