Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_rightപിറന്നയുടൻ അവൻ പറഞ്ഞു: ...

പിറന്നയുടൻ അവൻ പറഞ്ഞു: നമുക്കുവേണ്ട, മാസ്​ക്കുള്ള ലോകം

text_fields
bookmark_border
പിറന്നയുടൻ അവൻ പറഞ്ഞു: നമുക്കുവേണ്ട, മാസ്​ക്കുള്ള ലോകം
cancel
camera_alt

ഡോ. സമീർ ശുഐബ് സമൂഹമാധ്യമങ്ങളിൽ പങ്കുവെച്ച ചിത്രം

ദുബൈ: പിറന്നുവീണത് മാസ്​ക്കുള്ള ലോകത്തേക്കാണെന്നറിഞ്ഞയുടൻ അവ​െൻറ ആദ്യ പ്രതികരണമെത്തി. അമ്മയുടെ വയറ്റിൽനിന്ന്​ ഡോക്​ടറുടെ കൈയിലേറിയ അവൻ ലോകത്തോടാകെ വിളിച്ചു പറഞ്ഞു 'നമുക്കുവേണ്ട, മാസ്​ക്കുള്ള ലോകം'.

പിറന്നുവീണയുടൻ ഡോക്​ടറുടെ മാസ്​ക്​ നീക്കുന്ന നവജാത ശിശുവി​െൻറ ചിത്രമായിരുന്നു ഇന്നലെ സമൂഹമാധ്യമങ്ങളിലെ ചർച്ച. ദുബൈ എൻ.എം.സി ആശുപത്രിയിലെ ലബനീസ്​ ഡോക്​ടർ സമീർ ശുഐബ് സമൂഹമാധ്യമങ്ങളിൽ പങ്കുവെച്ച ചിത്രം പ്രതീക്ഷയുടെ അടയാളമായി ലോകം ഏറ്റെടുക്കുകയായിരുന്നു. ഇന്ത്യൻ വ്യോമയാന മന്ത്രി ഹർദീപ്​ സിങ്​ പുരി ഉൾപ്പെടെയുള്ളവർ ചിത്രം ഷെയർ ചെയ്​തു. കഴിഞ്ഞ ദിവസം പിറന്ന ഇരട്ടക്കുട്ടികളിലൊരാളാണ്​ സംഭവത്തിലെ നായകൻ. ആദ്യം പുറത്തെടുത്തത്​ പെൺകുട്ടിയെയായിരുന്നു.

ആൺകുട്ടിയെ പുറത്തെടുത്തയുടൻ പിതാവിനെ കാണിക്കുന്നതിനായി ഉയർത്തിയതും അവൻ മാസ്​ക്കിൽ പിടിയിട്ടു. ഇത്​ കുട്ടിയുടെ പിതാവ്​ കാമറയിൽ പകർത്തുകയും ചെയ്​തു. മാസ്​ക്കില്ലാത്ത പഴയ ലോകത്തേക്ക്​ തിരിച്ചുപോകണമെന്നാണ്​ അവ​െൻറ ആവശ്യമെന്ന്​ പറഞ്ഞ്​ എല്ലാവരും ചിരിച്ചു. അതിനുശേഷമാണ്​ ഡോക്​ടർ ചിത്രം ഇൻസ്​റ്റഗ്രാമിൽ പോസ്​റ്റ്​ ചെയ്​തത്​. അതിനൊപ്പം ഒരു കുറിപ്പുമിട്ടു- 'നമ്മൾ ഉടൻ മാസ്​ക്​ അഴിക്കാൻ പോകുന്നു എന്നതി​െൻറ അടയാളമാവ​ട്ടെ ഇത്​. ​അതുവരെ, നാം മുൻകരുതലെടുക്കണം'. ഇതോടെ, വൈറലായി പിറന്നുവീണ കുഞ്ഞിനെ സമൂഹമാധ്യമങ്ങൾ ഒന്നാകെ ഏറ്റെടുത്തു. എല്ലാവരും പങ്കുവെച്ചത്​ പ്രതീക്ഷയുടെ വാക്കുകളായിരുന്നു.

Show Full Article
TAGS:world of Mask Newborn baby Dr. Sameer shuhaib 
Next Story