ഡെ​ലി​വ​റി റൈ​ഡ​ർ​മാ​രെ നി​രീ​ക്ഷി​ക്കാ​ൻ നി​ർ​മി​ത​ബു​ദ്ധി സം​വി​ധാ​നം

ദു​ബൈ: എ​മി​റേ​റ്റി​ൽ പ്ര​വ​ർ​ത്തി​ക്കു​ന്ന ഡെ​ലി​വ​റി റൈ​ഡ​ർ​മാ​രു​ടെ പ്ര​വ​ർ​ത്ത​നം നി​രീ​ക്ഷി​ക്കാ​നും പ്ര​ക​ട​നം വി​ല​യി​രു​ത്താ​നും നി​ർ​മി​ത​ബു​ദ്ധി അ​ടി​സ്ഥാ​ന​മാ​ക്കി​യു​ള്ള സം​വി​ധാ​ന​വു​മാ​യി റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). ജൈ​ടെ​ക്സ്​ പ്ര​ദ​ർ​ശ​ന​ത്തി​ലാ​ണ്​ ന​വീ​ന സം​വി​ധാ​നം പ​രി​ച​യ​പ്പെ​ടു​ത്തി​യ​ത്. ​നി​ർ​മി​ത​ബു​ദ്ധി സം​വി​ധാ​ന​ങ്ങ​ളു​ള്ള കാ​മ​റ സ​ജ്ജീ​ക​രി​ച്ച വാ​ഹ​ന​മാ​ണ്​ നി​രീ​ക്ഷ​ണ​ത്തി​നാ​യി ആ​ർ.​ടി.​എ പു​റ​ത്തി​റ​ക്കു​ന്ന​ത്.

റോ​ഡി​ൽ റൈ​ഡ​ർ​മാ​ർ വ​രു​ത്തു​ന്ന നി​യ​മ​ലം​ഘ​ന​ങ്ങ​ളും മ​റ്റും കാ​മ​റ ഒ​പ്പി​യെ​ടു​ക്കും. ഡെ​ലി​വ​റി റൈ​ഡ​ർ​മാ​രു​ടെ​യും റോ​ഡി​ലെ മ​റ്റു യാ​ത്ര​ക്കാ​രു​ടെ​യും സു​ര​ക്ഷ ഉ​റ​പ്പു​വ​രു​ത്താ​നും അ​പ​ക​ട​ങ്ങ​ൾ കു​റ​ക്കാ​നും ഇ​തു​വ​ഴി സാ​ധി​ക്കു​മെ​ന്ന്​ അ​ധി​കൃ​ത​ർ അ​വ​കാ​ശ​പ്പെ​ട്ടു.

ഈ ​വ​ർ​ഷം ര​ണ്ടാം പാ​തി മു​ത​ൽ ആ​ർ.​ടി.​എ ആ​രം​ഭി​ച്ച സം​വി​ധാ​ന​ത്തി​ന്‍റെ ഭാ​ഗ​മാ​യി ഫീ​ൽ​ഡ് ടീ​മം​ഗ​ങ്ങ​ൾ 608 ഡെ​ലി​വ​റി ബൈ​ക്കു​ക​ളി​ൽ പ​രി​ശോ​ധ​ന ന​ട​ത്തു​ക​യും 63 സം​ഭ​വ​ങ്ങ​ൾ റി​പ്പോ​ർ​ട്ട് ചെ​യ്യു​ക​യും ചെ​യ്തു. ഏ​കീ​കൃ​ത യൂ​നി​ഫോം പാ​ലി​ക്കാ​ത്ത​ത്, സൈ​ഡ് സ്റ്റി​ക്ക​റു​ക​ളി​ല്ലാ​ത്ത​ത്, ഫോ​സ്‌​ഫോ​റ​സെ​ന്റ് സ്റ്റി​ക്ക​റു​ക​ളു​ടെ അ​ഭാ​വം, നി​രോ​ധി​ത മേ​ഖ​ല​ക​ളി​ൽ അ​ന​ധി​കൃ​ത പാ​ർ​ക്കി​ങ്, ഡ്രൈ​വ​റു​ടെ പി​ന്നി​ൽ യാ​ത്ര​ക്കാ​ര​നെ ക​യ​റ്റ​ൽ, ഡെ​ലി​വ​റി ബൈ​ക്കി​ന്റെ ട്ര​ങ്കി​ന് കേ​ടു​പാ​ടു​ക​ൾ എ​ന്നി​വ​യാ​ണ്​ ക​ണ്ടെ​ത്തി​യ നി​യ​മ​ലം​ഘ​ന​ങ്ങ​ൾ. പു​തി​യ സം​വി​ധാ​നം വ​ഴി പ​രി​ശോ​ധ​ന സ​മ​യം 7.5 മി​നി​റ്റി​ൽ​നി​ന്ന്​ ഒ​രു മി​നി​റ്റാ​യി കു​റ​ക്കാ​നും ഓ​രോ ദി​വ​സ​ത്തെ​യും പ​രി​ശോ​ധ​ന​ക​ൾ അ​ഞ്ചി​ര​ട്ടി​യാ​യി വ​ർ​ധി​പ്പി​ക്കാ​നും സാ​ധി​ക്കും.

എ​മി​റേ​റ്റി​ലെ എ​ല്ലാ തെ​രു​വു​ക​ളി​ലും വാ​ഹ​നം വി​ന്യ​സി​ക്കു​ന്ന​ത്​ നി​യ​മ​ലം​ഘ​ന​ങ്ങ​ൾ വ​ലി​യ രീ​തി​യി​ൽ ത​ട​യാ​ൻ ഉ​പ​ക​രി​ക്കും.

അ​തോ​ടൊ​പ്പം റൈ​ഡ​ർ​മാ​ർ ഒ​ത്തു​കൂ​ടു​ന്ന സ്ഥ​ല​ങ്ങ​ൾ ക​ണ്ടെ​ത്തി​യും വാ​ഹ​നം പ​രി​​ശോ​ധി​ക്കും. ഡെ​ലി​വ​റി വാ​ഹ​ന​ങ്ങ​ൾ കാ​ര​ണ​മാ​യു​ണ്ടാ​കു​ന്ന അ​പ​ക​ട​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണ്​ ന​വീ​ന സാ​​ങ്കേ​തി​ക​വി​ദ്യ വി​ക​സി​പ്പി​ച്ച​ത്.