യു.എ.ഇയിലെ കുഞ്ഞുങ്ങൾക്ക്​ ഇത്​ മാൻഗാ കാലം 

ഷാർജ: നാട്ടിലെ കുട്ടികൾ മാങ്ങ എറിഞ്ഞും കഴിച്ചും നടക്കുന്ന വേനൽകാലത്ത്​ യു.എ.ഇയിലെ കുഞ്ഞുങ്ങൾക്കായി അടിപൊളി മാൻഗാ വിരുന്നൊരുക്കുകയാണ്​ ഷാർജ കുട്ടികളുടെ വായനോത്സവം. കുട്ടികളെ പാചകം പരിശീലിപ്പിക്കുന്ന കളരികൾ മേളയിലുണ്ട്​, പക്ഷെ മാൻഗ അതല്ല^ജപ്പാനിലെ കോമിക്​ കാർട്ടൂൺ രചനാ രീതിയാണിത്​. അതു പഠിപ്പിക്കാൻ   അതി പ്രശസ്​തയായ ജാപ്പനിസ്​ ചിത്രകാരി തകായോ അകിയാമയെ ലണ്ടനിൽ നിന്ന്​ വരുത്തിയിരിക്കുകയാണ്​ ഷാർജ ബുക്​ അതോറിറ്റി. ഭാഷകളിൽ വൈവിധ്യമുണ്ടെങ്കിലും വരകളിലൂടെ അതു മറികടന്ന്​ ലോകത്തി​​​െൻറ മനോഹാരിത കുഞ്ഞുങ്ങളെ ബോധ്യപ്പെടുത്തുകയാണ്​ മാൻഗാ ശിൽപശാല കൊണ്ട്​ ലക്ഷ്യമിടുന്നതെന്ന്​ ‘തകായോ അകിയാമ’ ഗൾഫ്​ മാധ്യമത്തോടു പറഞ്ഞു.  

ഡിസൈനിങ്​ ലാബിൽ ദിവസവും വൈകീട്ട്​ നാലു മണിമുതൽ ഒരു മണിക്കൂർ നടത്തുന്ന മാൻഗാ പരിശീലന കളരിയിൽ പ​െങ്കടുത്താൽ വരയുടെ ആദ്യപാഠങ്ങൾ അതിവേഗം മനസിലാക്കാനാവും. കഥാ പാത്രങ്ങളുടെ മുഖവും അവയവങ്ങളും വരക്കാനാണ്​ ആദ്യം പഠിപ്പിക്കുക. പിന്നീട്​ കുഞ്ഞുങ്ങൾക്ക്​ സ്വന്തമായോ കൂട്ടായോ ഇരുന്ന്​ പരിശീലനം നേടാമെന്നും സ്വന്തം കഥകൾ വരക്കാനാകുമെന്നും തകായോ പറയുന്നു. വിവിധ നാടുകളിൽ നിന്നുള്ള കുഞ്ഞുങ്ങളുമായി ചിരിയും വരയും പങ്കിടാനാകുമെന്നതാണ് ഇവരെ ഷാർജ വായനോത്സവത്തിലേക്ക്​ ആകർഷിച്ചത്​. ഇന്ന്​ രാവി​െല ഒമ്പതര മുതൽ പത്തര വരെയും വൈകീട്ട്​ നാലു മുതൽ അഞ്ചുവരെയുമാണ്​ മാൻഗാ പരിശീലനം.