100 വി​ദ്യാ​ർ​ഥി​ക​ളു​ടെ ചി​ത്ര​ക​ല പ്ര​ദ​ർ​ശ​ന​വു​മാ​യി ‘ആ​ർ​ട്ട് ക​ല’

ദു​ബൈ: Art exhibition by students of the Fine Arts Instituteമേ​യ് 24, 25 തീ​യ​തി​ക​ളി​ൽ ദു​ബൈ​യി​ൽ ന​ട​ക്കും. ഖി​സൈ​സ് അ​മി​റ്റി സ്കൂ​ളി​ലാ​ണ് ആ​റു മു​ത​ൽ 60 വ​രെ പ്രാ​യ​മു​ള്ള ചി​ത്ര​ക​ല വി​ദ്യാ​ർ​ഥി​ക​ൾ പ​ങ്കെ​ടു​ക്കു​ന്ന പ്ര​ദ​ർ​ശ​നം ന​ട​ത്തു​ന്ന​തെ​ന്ന് ആ​ർ​ട്ട് ക​ല ഫൈ​നാ​ർ​ട്സ് ഡ​യ​റ​ക്ട​ർ മോ​ഹ​ൻ പൊ​ൻ​ചി​ത്ര വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. തി​ര​ഞ്ഞെ​ടു​ക്ക​പ്പെ​ട്ട 100 വി​ദ്യാ​ർ​ഥി​ക​ളു​ടെ നാ​ല് മു​ത​ൽ 12 വ​രെ പെ​യി​ന്റി​ങ്ങു​ക​ളാ​ണ് പ്ര​ദ​ർ​ശ​ന​ത്തി​ൽ ഉ​ൾ​പ്പെ​ടു​ത്തി​യി​ട്ടു​ള്ള​ത്.

അ​റ​ബ്​ സം​സ്‌​കാ​രം എ​ന്ന പ്ര​മേ​യ​ത്തി​ൽ അ​ക്ര​ലി​ക്, ഓ​യി​ൽ രീ​തി​ക​ളി​ലാ​ണ് സൃ​ഷ്ടി​ക​ൾ ത​യാ​റാ​ക്കി​യ​ത്. അ​മി​റ്റി സ്കൂ​ളി​ലെ ഓ​ഡി​റ്റോ​റി​യ​ത്തി​ൽ രാ​വി​ലെ 10 മു​ത​ൽ രാ​ത്രി 8.30 വ​രെ​യാ​ണ് പ്ര​ദ​ർ​ശ​നം. പ്ര​വേ​ശ​നം സൗ​ജ​ന്യ​മാ​ണ്.

മി​ഡി​ലീ​സ്റ്റി​ൽ ഒ​രു ഇ​ൻ​സ്റ്റി​റ്റ്യൂ​ട്ടി​ലെ വി​ദ്യാ​ർ​ഥി​ക​ൾ ന​ട​ത്തു​ന്ന ഏ​റ്റ​വും വ​ലി​യ ചി​ത്ര പ്ര​ദ​ർ​ശ​ന​മാ​ണി​തെ​ന്ന് മോ​ഹ​ൻ പൊ​ൻ​ചി​ത്ര പ​റ​ഞ്ഞു.

ഇ​ന്ത്യ, ഫി​ലി​പ്പൈ​ൻ​സ്, യു.​കെ, സൗ​ദി അ​റേ​ബ്യ എ​ന്നീ രാ​ജ്യ​ങ്ങ​ളി​ൽ നി​ന്നും ആ​ഫ്രി​ക്ക​ൻ രാ​ജ്യ​ങ്ങ​ളി​ൽ നി​ന്നു​മു​ള്ള പ്ര​തി​ഭ​ക​ൾ പ്ര​ദ​ർ​ശ​ന​ത്തി​ൽ പ​ങ്കെ​ടു​ക്കു​ന്നു​ണ്ട്.

ദു​ബൈ​യി​ലെ ജീ​വ​കാ​രു​ണ്യ സം​ഘ​ട​ന​യാ​യ ബൈ​ത്ത്​ അ​ൽ ഖൈ​റു​മാ​യി സ​ഹ​ക​രി​ച്ച് അ​ർ​ഹ​രാ​യ കു​ട്ടി​ക​ൾ​ക്ക് സൗ​ജ​ന്യ ചി​ത്ര​ക​ല പ​രി​ശീ​ല​നം ന​ൽ​കു​ന്നു​ണ്ടെ​ന്നും മോ​ഹ​ൻ പൊ​ൻ​ചി​ത്ര അ​റി​യി​ച്ചു. ആ​ർ​ട്ട് ക​ല ഫൈ​നാ​ർ​ട്സ് ഇ​ൻ​സ്റ്റി​റ്റ്യൂ​ട്ട് ഡ​യ​റ​ക്ട​ർ മോ​ഹ​ൻ പൊ​ൻ​ചി​ത്ര​യെ കൂ​ടാ​തെ അ​ഡ്മി​നി​സ്ട്രേ​റ്റ​ർ​മാ​രാ​യ അ​ശ്വി​ൻ മോ​ഹ​ൻ, അ​ൻ​വി​ൻ മോ​ഹ​ൻ, ക​ലാ പ്ര​വ​ർ​ത്ത​ക​ൻ സ​തീ​ഷ് കു​മാ​ർ എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.