കെയർ ഫോർ കേരളയെ പിന്തുണച്ച് അറാദ ഫൗണ്ടേഷൻ

ഷാർജ: കോവിഡ് മഹാമാരിയുടെ പ്രത്യാഘാതങ്ങൾ ചെറുക്കുന്ന ശ്രമങ്ങളെ പിന്തുണക്കാൻ​ ഷാർജ ആസ്ഥാനമായ നിർമാണകമ്പനിയായ അറാദ ഫൗണ്ടേഷൻ കേരളത്തിലേക്ക് ആയിരത്തിലധികം മെഡിക്കൽ ഉപകരണങ്ങൾ അയക്കുന്നു.

ഡ്രാഗർ സവിന വെൻറിലേറ്ററുകൾ, ഫിലിപ്സ് ഇവി 300 പോർട്ടബിൾ വെൻറിലേറ്ററുകൾ, ഓക്സിജൻ കോൺസെൻട്രേറ്ററുകൾ, ഫിംഗർ‌ടിപ് പൾസ് ഓക്‌സിമീറ്ററുകൾ എന്നിവ ഉൾപ്പെടെ ഒരു കോടി രൂപയുടെ സാമഗ്രികളാണ് അയക്കുന്നത്. കോവിഡിനെതിരായ പോരാട്ടത്തിൽ സഹായ ശേഖരണത്തിന്​ ആഹ്വാനംചെയ്ത മുഖ്യമന്ത്രി പിണറായി വിജയ​െൻറ അഭ്യർഥന മാനിച്ചാണ്​ സഹായശേഖരണം ആരംഭിച്ചതെന്ന് അറാദ പറഞ്ഞു.