ഭാഷയെക്കുറിച്ച്​ ചിന്തിക്കാൻ പ്രേരിപ്പിച്ച്​ മാധ്യമപ്രവർത്തക​െൻറ അറബി പഠന പുസ്​തകങ്ങൾ

ദുബൈ: അറബി ഭാഷ പഠന- മേഖലയിൽ യു.എ.ഇ സ്വദേശിയും മാധ്യമ പ്രവര്‍ത്തകനുമായ അയൂബ് യൂസഫി​​െൻറ  പുസ്തകങ്ങൾ ശ്രദ്ധേയമാകുന്നു. ഫക്കിറുഫീഹാ,ഹത്തികലമുൻ എന്നീ  പുസ്തകങ്ങളാണ് ഭാഷയെ   പ്രധാന്യത്തൊടെ സമീപിക്കുന്നവർക്കിടയിൽ പ്രിയമാകുന്നത്. ഭാഷയെ കുറിച്ച് ചിന്തിക്കൂ എന്നര്‍ഥം വരുന്ന ഫക്കിറു ഫീഹാ എന്ന ഗ്രന്ഥം  ഭാഷാ സൗന്ദര്യത്തെ ഏറ്റവും മികവാര്‍ന്ന   എഴുത്തുകളും   സരസമായ ഉദാഹരണങ്ങളും ചേർത്താണ്​ തയ്യാറാക്കിയിരിക്കുന്നത്.

യു എ ഇ വൈസ് പ്രസിഡൻറും പ്രധാന മന്ത്രിയും ദുബൈ ഭരണാധികാരിയുമായ ശൈഖ്​  മുഹമ്മദ് ബിന്‍ റാഷിദ് അല്‍ മക്തുമി​​െൻറ മേല്‍നോട്ടത്തില്‍ നടക്കുന്ന മുഹമ്മദ്‌ ബിന്‍ റാശിദ്‌ അറബി ഭാഷാ അവാര്‍ഡ്‌ ​േജതാവായ അയൂബ് യൂസഫി​​െൻറ സമൂഹികമാധ്യമ അവതരണങ്ങളുടെ ഏകോപനമാണ്   ഈ ഗ്രന്ഥമായി  മാറിയത്  ലോകത്ത് ഏറ്റവും കൂടുതല്‍ ആളുകള്‍ സംസാരിക്കുന്ന ഭാഷകളില്‍ മുന്‍നിരയിലാണ് അറബി.  അറേബ്യന്‍ പ്രവിശ്യകള്‍ക്ക് പുറമെ ഉത്തരാഫ്രിക്കന്‍ പ്രദേശങ്ങളടക്കം ധാരാളം രാജ്യങ്ങളില്‍ അറബി സംസാരഭാഷയാണ്.

എന്നാല്‍ പലപ്പോഴും   ഭാഷ കൈകാര്യം ചെയ്യുന്നവര്‍ ഭാഷാപരമായ സാര അര്‍ഥങ്ങള്‍ ഉള്‍ക്കൊള്ളാ​െതയാണ്  പ്രയോഗിച്ചുവരുന്നത് .അറബി മാതൃഭാഷയായി ഉപയോഗിക്കുന്നവര്‍ പോലും ഇടപെടലുകളില്‍  പിഴവു  വരുത്തുന്നുവെന്ന്‍ അയൂബ് യുസഫ് പറയുന്നു.   ഈ മേഖലയ്ക്ക് നല്‍കിയ മറ്റൊരു സംഭാവനയാണ് അറബി അക്ഷര ലോകത്തെ കുറിച്ച് പഠിക്കുന്ന ഹത്തികലമുൻ എന്ന ഗ്രന്ഥം. കൃത്യമായ അക്ഷര പ്രയോഗങ്ങളുടെ ശരിയും തെറ്റുമാണ്  ഈ പുസ്തകത്തില്‍ പറയുന്നത് . ഈവര്‍ഷത്തെ ഷാര്‍ജ പുസ്തകമേളയിലാണ് ഈ പുസ്തകം പ്രകാശനം ചെയ്​തത്.  ജനകീയ മാധ്യമപ്രവര്‍ത്തകനായ   അയൂബ്  അയൂബ്  യുസഫ് അൽ അലി    രാജ്യത്തെ പല പ്രധാന സദസുകളുടെയും അവതാരകനുമാണ്.