ആഘോഷമാക്കാൻ അറേബ്യൻ ഡെയ്സ്

ശൈ​ത്യ​കാ​ലം തു​ട​ങ്ങു​ന്ന​തു​ത​ന്നെ അ​ബൂ​ദ​ബി എ​മി​റേ​റ്റി​നെ സം​ബ​ന്ധി​ച്ച് ആ​ഘോ​ഷാ​ര​വ​ങ്ങ​ളോ​ടെ​യാ​ണ്. രാ​ജ്യ​ത്തെ ഏ​റ്റ​വും വ​ലി​യ ഉ​ല്‍സ​വ​മാ​യ അ​ല്‍ വ​ത്ബ​യി​ലെ ശൈ​ഖ് സാ​യി​ദ് ഫെ​സ്റ്റി​വ​ലി​ല്‍ വി​വി​ധ​ങ്ങ​ളാ​യ പ​രി​പാ​ടി​ക​ളാ​ണ് ദി​വ​സ​വും അ​ര​ങ്ങേ​റു​ന്ന​ത്. യു.​എ.​ഇ​യി​ലെ ശ്ര​ദ്ധേ​യ​മാ​യ സാം​സ്‌​കാ​രി​ക മേ​ള​ക​ളി​ലൊ​ന്നാ​യ മ​ദ​ര്‍ ഓ​ഫ് ദി ​നേ​ഷ​ന്‍ ഫെ​സ്റ്റി​വ​ലും അ​ബൂ​ദ​ബി കോ​ര്‍ണി​ഷി​ല്‍ ആ​രം​ഭി​ച്ചു.

ഒ​പ്പം ജ​ന​ങ്ങ​ളെ ആ​ഘോ​ഷ​ത്തി​ലാ​റാ​ടി​ക്കാ​ന്‍ മാ​റ്റാ​രു​ല്‍സ​വം കൂ​ടി ആ​ഗ​ത​മാ​വു​ക​യാ​ണ്. അ​റ​ബി ഭാ​ഷ ആ​ഘോ​ഷ​മാ​ക്കു​ന്ന ‘അ​റേ​ബ്യ​ന്‍ ഡേ​യ്‌​സ്’ എ​ന്ന ഫെ​സ്റ്റി​വ​ല്‍ ഡി​സം​ബ​ര്‍ 15 മു​ത​ല്‍ 18വ​രെ മ​നാ​റ​ത്ത് അ​ല്‍ സ​അ​ദി​യാ​ത്തി​ലാ​ണ് അ​ര​ങ്ങേ​റു​ന്ന​ത്. സം​ഗീ​ത നി​ശ​ക​ളും സി​നി​മാ പ്ര​ദ​ര്‍ശ​ന​ങ്ങ​ളും ക​ലാ പ്ര​ദ​ര്‍ശ​ന​ങ്ങ​ളും സാ​ഹി​ത്യ ച​ര്‍ച്ച​ക​ളു​മൊ​ക്കെ ഫെ​സ്റ്റി​വ​ലി​ന്റെ ഭാ​ഗ​മാ​യി അ​ര​ങ്ങേ​റും.

അ​ബൂ​ദ​ബി അ​റ​ബ് ലാം​ഗ്വേ​ജ് സെ​ന്റ​റാ​ണ് ഫെ​സ്റ്റി​വ​ലി​ന്റെ സം​ഘാ​ട​ക​ര്‍. ല​ബ​നീ​സ് ഗാ​യ​ക​ന്‍ മ​ര്‍വാ​ൻ ഖൗ​രി, ഈ​ജി​പ്ഷ്യ​ന്‍ അ​ഭി​നേ​ത്രി മോ​നാ സാ​കി തു​ട​ങ്ങി​യ​വ​ര്‍ മേ​ള​യി​ല്‍ അ​തി​ഥി​ക​ളാ​യെ​ത്തും. ലോ​ക അ​റ​ബി ഭാ​ഷാ​ദി​ന​മാ​യ ഡി​സം​ബ​ര്‍ 18നാ​ണ് മേ​ള​ക്ക്​ കൊ​ടി​യി​റ​ങ്ങു​ന്ന​തെ​ന്ന പ്ര​ത്യേ​ക​ത​യു​മു​ണ്ട്. സം​സ്‌​കാ​ര പ്രേ​മി​ക​ളാ​യ ഏ​തു ഭാ​ഷ​ക്കാ​ര്‍ക്കും അ​നു​ഭ​വേ​ദ്യ​മാ​വു​ന്ന ഒ​ട്ടേ​റെ പ​രി​പാ​ടി​ക​ളാ​ണ് അ​റേ​ബ്യ​ന്‍ ഡേ​യ്‌​സി​ല്‍ അ​ണി​യി​ച്ചൊ​രു​ക്കി​യ​തെ​ന്ന് അ​ബൂ​ദ​ബി അ​റ​ബി ഭാ​ഷാ കേ​ന്ദ്രം ചെ​യ​ര്‍മാ​ന്‍ അ​ലി ബി​ന്‍ ത​മീം പ​റ​ഞ്ഞു.

അ​റ​ബി ഭാ​ഷ​യെ​യും സം​സ്‌​കാ​ര​ത്തെ​യും ഇ​ഷ്ട​പ്പെ​ടു​ന്ന​വ​ര്‍ക്ക് ഒ​ത്തു​കൂ​ടാ​നും ആ​ഘോ​ഷി​ക്കാ​നു​മു​ള്ള വേ​ദി​യാ​ണി​തെ​ന്നും അ​ദ്ദേ​ഹം വ്യ​ക്ത​മാ​ക്കി. തു​റ​സ്സാ​യ വേ​ദി​യി​ല്‍ 30ഓ​ളം അ​ത്യ​ഗ്ര​ന്‍ പ്ര​ക​ട​ന​ങ്ങ​ളാ​ണ് മേ​ള​യു​ടെ ഭാ​ഗ​മാ​യി അ​ര​ങ്ങേ​റു​ക. ഫ​ല​സ്തീ​നി ഗാ​യി​ക നോ​യ​ല്‍ ഖ​ര്‍മാ​ന്‍ ഡി​സം​ബ​ര്‍ 16ന് ​ഇ​താ​ദ്യ​മാ​യി അ​ബൂ​ദ​ബി​യി​ല്‍ ഒ​രു പ​രി​പാ​ടി അ​വ​ത​രി​പ്പി​ക്കാ​നെ​ത്തു​ന്നു എ​ന്ന​തും സ​വി​ശേ​ഷ​ത​യാ​ണ്.

അ​റ​ബ്​ സി​നി​മ​യു​ടെ ഉ​ൽ​സ​വം

‘സി​നി​മ അ​കി​ലു’​മാ​യി സ​ഹ​ക​രി​ച്ചാ​ണ് അ​റേ​ബ്യ​ന്‍ ഡേ​യ്‌​സി​ല്‍ അ​റ​ബി ചി​ത്ര​ങ്ങ​ള്‍ പ്ര​ദ​ര്‍ശി​പ്പി​ക്കു​ന്ന​ത്. അ​ഹ​മ്മ​ദ് മൂ​റാ​ദി​ന്റെ നോ​വ​ലി​നെ ആ​സ്പ​ദ​മാ​ക്കി 2014ല്‍ ​റി​ലീ​സ് ചെ​യ്ത ‘ദ ​ബ്ലൂ വേ​ല്‍’ ആ​ണ് മേ​ള​യി​ല്‍ ഡി​സം​ബ​ര്‍ 16ന് ​പ്ര​ദ​ര്‍ശി​പ്പി​ക്കു​ന്ന ചി​ത്രം. ഇ​തി​നു​ശേ​ഷം സി​റി​യ​ന്‍ എ​ഴു​ത്തു​കാ​ര​ന്‍ സ​മ​ര്‍ യാ​സ് ബ​ക്കും ല​ബ​നീ​സ് സി​നി​മാ സം​വി​ധാ​യ​ക​ര​ന്‍ റാ​ണി​യ സ്റ്റീ​ഫ​നും ത​മ്മി​ലു​ള്ള സം​ഭാ​ഷ​ണ ഡോ​ക്യു​മെ​ന്റ​റി പ്ര​ദ​ര്‍ശി​പ്പി​ക്കും. ഡി​സം​ബ​ര്‍ 18ന് ‘​ദ ലാ​സ്റ്റ് ക്വീ​ന്‍’ എ​ന്ന ചി​ത്രം പ്ര​ദ​ര്‍ശി​പ്പി​ക്കും. ചി​ത്ര​ങ്ങ​ള്‍ക്കെ​ല്ലാം ഇം​ഗ്ലീ​ഷ് സ​ബ് ടൈ​റ്റി​ല്‍സ് ഉ​ണ്ടാ​വും. അ​റ​ബി ഭാ​ഷ​യു​ടെ വൈ​വി​ധ്യ​ങ്ങ​ള്‍ ച​ര്‍ച്ച ചെ​യ്യു​ന്ന​തി​നാ​യി എ​ഴു​ത്തു​കാ​രും ബു​ദ്ധി​ജീ​വി​ക​ളും സാം​സ്‌​കാ​രി​ക ച​രി​ത്ര​കാ​ര​ന്മാ​രു​മെ​ല്ലാം അ​റേ​ബ്യ​ന്‍ ഡേ​യ്‌​സി​ല്‍ സം​ഗ​മി​ക്കു​ന്നു​ണ്ട്. മേ​ള​യി​ല്‍ പ്ര​വേ​ശ​നം സൗ​ജ​ന്യ​മാ​ണ്.

ജ​ല​വി​നോ​ദ​ങ്ങ​ളു​ടെ കാ​ലം

ത​ണു​പ്പു​കാ​ല​ത്തെ വി​നോ​ദ പ​രി​പാ​ടി​ക​ളി​ല്‍ ഖ​സ്​​ര്‍ അ​ല്‍ ഹു​സ്​​ന്‍ കോ​ട്ട സ​ന്ദ​ര്‍ശ​നം ഉ​ള്‍പ്പെ​ടു​ത്താ​ൻ ഉ​ചി​ത​മാ​യ സ​മ​യ​വും ഇ​പ്പോ​ഴാ​ണ്. ക​ണ്ട​ല്‍ക്കാ​ടു​ക​ള്‍ക്കി​ട​യി​ലു​ള്ള ക​യാ​ക്കി​ങ് മി​ക​ച്ച അ​നു​ഭ​വം സ​മ്മാ​നി​ക്കും. അ​ന​ന്താ​ര ഹോ​ട്ട​ലി​നോ​ടു ചേ​ര്‍ന്ന ഈ​സ്റ്റേ​ണ്‍ മാ​ന്‍ഗ്രോ​വ്സി​ലും ജു​ബൈ​ല്‍ മാ​ന്‍ഗ്രോ​വ് പാ​ര്‍ക്കി​ലും റീം ​ഐ​ല​ന്‍ഡി​നും ലൂ​റോ, സ​അ​ദി​യാ​ത്ത് ഐ​ല​ന്‍ഡി​ലും ക​യാ​ക്കി​ങ് ല​ഭ്യ​മാ​ണ്.

നൂ​റു​ക​ണ​ക്കി​ന് ദ്വീ​പു​ക​ളാ​ല്‍ നി​ര്‍മി​ക്ക​പ്പെ​ട്ട ന​ഗ​ര​ത്തി​ല്‍ നി​ര​വ​ധി ഇ​ട​ങ്ങ​ളി​ല്‍ വി​വി​ധ ത​രം ബോ​ട്ടു​സ​ര്‍വീ​സു​ക​ള്‍ ല​ഭ്യ​മാ​ണ്. സ്പീ​ഡ് ബോ​ട്ട് മു​ത​ല്‍ പ​ര​മ്പ​രാ​ഗ​ത ബോ​ട്ടു​ക​ള്‍ വ​രെ ഇ​ങ്ങ​നെ യാ​ത്ര​ക്കാ​യി ല​ഭ്യ​മാ​ണ്. മ​രു​ഭൂ​മി​യി​ലെ കാ​ര്‍സ​വാ​രി, ക്വാ​ഡ് ബൈ​ക്കി​ങ്, ഒ​ട്ട​ക​സ​വാ​രി തു​ട​ങ്ങി എ​ന്നെ​ന്നും മ​ന​സ്സി​ല്‍ ത​ങ്ങി​നി​ല്‍ക്കു​ന്ന യാ​ത്ര​ക​ള്‍ക്കും ഇ​ക്കാ​ല​യ​ള​വ് ഉ​പ​യോ​ഗ​പ്പെ​ടു​ത്താ​വു​ന്ന​താ​ണ്. അ​ബൂ​ദ​ബി മാ​ളി​നു​ള്ളി​ല്‍ ഒ​രു​ക്കി​യി​രി​ക്കു​ന്ന പ്രി​സ​ന്‍ ഐ​ല​ന്‍ഡ് എ​ന്ന 26 എ​സ്‌​കേ​പ്പി​ങ് റൂ​മു​ക​ളും സ​ന്ദ​ര്‍ശ​ക​ര്‍ക്ക് ആ​സ്വ​ദി​ക്കാ​വു​ന്ന​താ​ണ്. ജ​ബ​ല്‍ ഹ​ഫീ​ത് ഡെ​സേ​ര്‍ട്ട് പാ​ര്‍ക്കി​ല്‍ അ​യ്യാ​യി​ര​ത്തി​ലേ​റെ പ​ഴ​ക്ക​മു​ള്ള ശ​വ​കു​ടീ​ര​ങ്ങ​ള്‍ കാ​ണാം. ഇ​തി​നു പു​റ​മേ ക്യാ​മ്പി​ങ്ങി​നും പാ​ര്‍ക്കി​ല്‍ സൗ​ക​ര്യ​മു​ണ്ട്.

അ​ബൂ​ദ​ബി​യു​ടെ പൂ​ന്തോ​ട്ട ന​ഗ​ര​മാ​യ അ​ല്‍ ഐ​ന്‍ ഒ​യാ​യി​സി​ല്‍ നി​ര​വ​ധി കോ​ട്ട​ക​ളും കൊ​ട്ടാ​ര​ങ്ങ​ളു​മു​ണ്ട്. അ​ഫ്ലാ​ജ് സം​വി​ധാ​ന​ത്തി​ലൂ​ടെ ഈ​ന്ത​പ്പ​ന കൃ​ഷി ത​ല​മു​റ​ക​ളാ​യി ന​ട​ത്തി​വ​രു​ന്നു​വെ​ന്ന് ഇ​വി​ടു​ത്തെ സ​ന്ദ​ര്‍ശം ബോ​ധ്യ​പ്പെ​ടു​ത്തി​ത​രും. യു.​എ.​ഇ​യു​ടെ സ്ഥാ​പ​ക​പി​താ​വാ​യ ശൈ​ഖ് സാ​യി​ദി​ന്റെ കൊ​ട്ടാ​ര​വും സ​ന്ദ​ര്‍ശി​ക്കാം.

‘മ​ദ​ര്‍ ഓ​ഫ് ദി ​നേ​ഷ​ന്‍’ ഉ​ല്‍സ​വം

അ​ബൂ​ദ​ബി കോ​ര്‍ണി​ഷി​ല്‍ അ​ബൂ​ദ​ബി ഡി​പ്പാ​ര്‍ട്മെ​ന്റ് ഓ​ഫ് ക​ള്‍ച്ച​ര്‍ ആ​ന്‍ഡ് ടൂ​റി​സം സം​ഘ​ടി​പ്പി​ക്കു​ന്ന മ​ദ​ര്‍ ഓ​ഫ് ദി ​നേ​ഷ​ന്‍ ഉ​ല്‍സ​വം ഡി​സം​ബ​ര്‍ 31നാ​ണു സ​മാ​പി​ക്കു​ക. ശൈ​ഖ ഫാ​ത്വി​മ ബി​ന്‍ത് മു​ബാ​റ​ക്കി​നോ​ടു​ള്ള ആ​ദ​ര​സൂ​ച​ക​മാ​യാ​ണ് മ​ദ​ര്‍ ഓ​ഫ് ദി ​നേ​ഷ​ന്‍ ഫെ​സ്റ്റി​വ​ല്‍ സം​ഘ​ടി​പ്പി​ക്കു​ന്ന​ത്.

മേ​ള​യി​ല്‍ ത​ത്സ​മ​യം അ​വ​ത​രി​പ്പി​ക്കു​ന്ന ക​ലാ​പ​രി​പാ​ടി​ക​ള്‍, കു​ടും​ബാം​ഗ​ങ്ങ​ള്‍ക്ക് ഒ​ത്തൊ​രു​മി​ച്ച് ആ​സ്വ​ദി​ക്കാ​വു​ന്ന വി​നോ​ദ​പ​രി​പാ​ടി​ക​ള്‍, സാ​ഹ​സി​ക പ്ര​വ​ര്‍ത്ത​ന​ങ്ങ​ള്‍, ഭ​ക്ഷ​ണ​മേ​ള മു​ത​ലാ​യ പ​രി​പാ​ടി​ക​ളു​ണ്ട്. ഇ​ന്‍സ്പ​യ​ര്‍ സ്പേ​സ്, ത്രി​ല്‍ സോ​ണ്‍, ഫു​ഡ് ഹ​ബ്, മ്യൂ​സി​ക് അ​രീ​ന, ഷോ​പ്പി​ങ്​ ഡി​സ്ട്രി​ക്റ്റ്, അ​മ്യൂ​സ്മെ​ന്റ് പാ​ര്‍ക്ക് എ​ന്നി​ങ്ങ​നെ മേ​ള​യെ ആ​റ് പ്ര​ത്യേ​ക മേ​ഖ​ല​ക​ളാ​ക്കി​യാ​ണ് തി​രി​ച്ചി​രി​ക്കു​ന്ന​ത്. പ്ര​വ​ര്‍ത്തി​ദി​ന​ങ്ങ​ളി​ല്‍ വൈ​കീ​ട്ട് 4 മു​ത​ല്‍ അ​ർ​ധ​രാ​ത്രി വ​രെ​യും, വാ​രാ​ന്ത്യ​ങ്ങ​ളി​ല്‍ ഉ​ച്ച​ക്ക്​ 2 മു​ത​ല്‍ അ​ർ​ധ​രാ​ത്രി വ​രെ​യും പ്ര​വേ​ശ​നം അ​നു​വ​ദി​ക്കും.