അ​റ​ബ്​ ഹോ​പ്​ മേ​​ക്കേഴ്സ്; അഹ്മദ് സെയ്നൂന് പുരസ്കാരം

ദു​ബൈ: മാ​നു​ഷി​ക പ്ര​വ​ർ​ത്ത​ന​ങ്ങ​ളി​ലൂ​ടെ അ​റ​ബ്​ ലോ​ക​ത്ത്​ ശ്ര​ദ്ധേ​യ​രാ​യ വ്യ​ക്​​തി​ത്വ​ങ്ങ​ളെ ആ​ദ​രി​ക്കു​ന്ന ‘അ​റ​ബ്​ ഹോ​പ്​ മേ​േക്കഴ്സ്’ പു​ര​സ്കാ​ര​ങ്ങ​ൾ സ​മ്മാ​നി​ച്ചു. മൊ​റോ​ക്കോ​യി​ൽ നി​ന്നു​ള്ള അ​ഹ്മ​ദ് സെ​യ്‌​നൂ​നാ​ണ്​ 2025ലെ ​അ​റ​ബ് ഹോ​പ്​ മേ​ക്ക​ർ ആ​യി കി​രീ​ടം ചൂ​ടി​യ​ത്. സൂ​ര്യ​പ്ര​കാ​ശം ഏ​ൽ​ക്കു​മ്പോ​ൾ അ​ർ​ബു​ദം വ​രാ​ൻ കാ​ര​ണ​മാ​കു​ന്ന അ​പൂ​ർ​വ രോ​ഗ​ത്താ​ൽ ബു​ദ്ധി​മു​ട്ടു​ന്ന കു​ട്ടി​ക​ൾ​ക്ക്​ വേ​ണ്ടി ന​ട​ത്തി​യ പ്ര​വ​ർ​ത്ത​ന​ങ്ങ​ളി​ലൂ​ടെ​യാ​ണ്​ ഇ​ദ്ദേ​ഹം ശ്ര​ദ്ധേ​യ​നാ​യ​ത്. രോ​ഗ​ത്തെ നേ​രി​ടാ​നാ​വ​ശ്യ​മാ​യ മു​ഴു​വ​ൻ മാ​സ്കു​ക​ളും മ​റ്റ് സം​ര​ക്ഷ​ണ ഉ​പ​ക​ര​ണ​ങ്ങ​ളും ന​ൽ​കി കു​ട്ടി​ക​ളെ സ​ഹാ​യി​ക്കു​ന്ന​താ​ണ്​ ഇ​ദ്ദേ​ഹ​ത്തി​ന്‍റെ പ്ര​വ​ർ​ത്ത​നം.

10 ല​ക്ഷം ദി​ർ​ഹ​ത്തി​ന്‍റെ അ​വാ​ർ​ഡ്​ ​യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ഷി​ദ്​ ആ​ൽ മ​ക്​​തൂ​മി​ന്‍റെ സാ​ന്നി​ധ്യ​ത്തി​ൽ ന​ട​ന്ന ച​ട​ങ്ങി​ലാ​ണ്​ പ്ര​ഖ്യാ​പി​ച്ച​ത്. ഞാ​യ​റാ​ഴ്ച ദു​ബൈ കൊ​ക്ക​കോ​ള അ​രീ​ന​യി​ലാ​ണ്​ പ്രൗ​ഢ​മാ​യ ച​ട​ങ്ങ്​ അ​ര​​ങ്ങേ​റി​യ​ത്. അ​ഹ്മ​ദ് സെ​യ്‌​നൂ​നൊ​പ്പം നാ​മ​നി​ർ​ദേ​ശം ചെ​യ്യ​​പ്പെ​ട്ട മൊ​റോ​ക്ക​യി​ലെ ഖ​ദീ​ജ അ​ൽ ക​ർ​ത, ഈ​ജി​പ്തു​കാ​രി​യാ​യ സ​മ​ർ ന​ദീം എ​ന്നി​വ​ർ​ക്കും മാ​നു​ഷി​ക പ്ര​വ​ർ​ത്ത​ന​ങ്ങ​ൾ തു​ട​രു​ന്ന​തി​ന് 10 ല​ക്ഷം ദി​ർ​ഹം അ​നു​വ​ദി​ച്ചു.

ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ൽ സ​ജീ​വ​രാ​യ വ്യ​ക്തി​ക​ളെ അം​ഗീ​ക​രി​ക്കു​ന്ന​തി​നാ​യി സ​മ​ർ​പ്പി​ച്ച മേ​ഖ​ല​യി​ലെ ഏ​റ്റ​വും വ​ലി​യ സം​രം​ഭ​മാ​ണ്​ അ​റ​ബ്​ ഹോ​പ്​ മേ​ക്കേഴ്സ് പു​ര​സ്കാ​രം. അ​വാ​ർ​ഡി​ന്റെ അ​ഞ്ചാ​മ​ത്തെ പ​തി​പ്പാ​ണ്​ ഇ​ത്ത​വ​ണ അ​ര​ങ്ങേ​റി​യ​ത്. യു​വാ​ക്ക​ളും യു​വ​തി​ക​ളു​മ​ട​ക്കം 26,000 ത്തി​ല​ധി​കം നോ​മി​നേ​ഷ​നു​ക​ൾ ഇ​ത്ത​വ​ണ അ​വാ​ർ​ഡി​ന് ല​ഭി​ച്ചി​രു​ന്നു. വി​ദ​ഗ്ധ​രും പ്ര​ഗ​ല്ഭ​രും അ​ട​ങ്ങു​ന്ന ജ​ഡ്ജി​ങ്​ പാ​ന​ൽ, നാ​മ​നി​ർ​ദേ​ശം ചെ​യ്യ​പ്പെ​ട്ട​വ​രു​ടെ സം​രം​ഭ​ങ്ങ​ൾ സ​മൂ​ഹ​ങ്ങ​ളി​ൽ ചെ​ലു​ത്തി​യ സ്വാ​ധീ​ന​ത്തെ അ​ടി​സ്ഥാ​ന​മാ​ക്കി​യാ​ണ് ഫൈ​ന​ലി​സ്റ്റു​ക​ളെ തി​ര​ഞ്ഞെ​ടു​ക്കു​ന്ന​ത്.