രണ്ട്​ ബോർഡ്​ ചെയർമാന്മാരുടെ നിയമനത്തിന്​ അംഗീകാരം

ദുബൈ: കോർപറേഷൻ ബോർഡിനും ദുബൈ ജുഡീഷ്യൽ ഇൻസ്റ്റ്യൂട്ടിനും പുതിയ ചെയർമാന്മാരെ നിയമിച്ചു. ശൈഖ്​ മക്​തൂം ബിൻ മുഹമ്മദ്​ ബിൻ റാഷിദ്​ ആൽ മക്​തൂമാണ്​ കോർപറേഷൻ ബോർഡിന്‍റെ ചെയർമാൻ. ഹിഷാം അബ്​ദുല്ല അൽ ഖാസിമിയാണ്​ വൈസ്​ ചെയർമാൻ. മുഹമ്മദ്​ ഹാദി അൽ ഹുസൈനി, റാഷിദ്​ മുഹമ്മദ്​ റാഷിദ്​ ആൽ മുതവ്വ, ശുഹൈബ്​ മിർ ഹാഷിം ഖൂരി, റാഷിദ്​ അലി ബിൻ ഉബൈദ, അബ്​ദുൽ അസീസ്​ മുഹമ്മദ്​ അൽ മുല്ല എന്നിവരാണ്​ ബോർഡിലെ അംഗങ്ങൾ.

ഇസാം ഈസ അൽ ഹുമൈദനാണ്​ ദുബൈ ജുഡീഷ്യൽ ഇൻസ്റ്റിറ്റ്യൂട്ടിന്‍റെ ചെയർമാൻ. തർഷ്​ ഈദ്​ അൽ മൻസൂരി, ഡോ. ലുഅ മുഹമ്മദ്​ ബൽഹൂൽ, ഡോ. അഹമ്മദ്​ ഈ അൽ മൻസൂരി, അഹമ്മദ്​ സഈദ്​ ബിന മഷർ, അബ്​ദുൽമുനം സലിം ബിൻ സുവൈദൻ, ഇൻസ്റ്റിറ്റ്യൂട്ടിന്‍റെ ഡയറക്ടർ ജനറൽ എന്നിവരാണ്​ അംഗങ്ങൾ.

രണ്ട്​ ബോർഡ്​ ചെയർമാന്മാരുടെയും അംഗങ്ങളുടെയും നിയമനത്തിന്​ യു.എ.ഇ വൈസ്​ പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാഷിദ്​ ആൽ മക്​തൂം അംഗീകാരം നൽകി. ഒഫീഷ്യൽ ഗെസറ്റിൽ പ്രസിദ്ധീകരിക്കുന്ന തീയതി മുതൽ നിയമനങ്ങൾക്ക്​ ഔദ്യോഗിക അംഗീകാരമാകും.