ശൈഖ്​ മുഹമ്മദ്​ ബിൻ റാശിദിന്​ ‘മദർ ഒാഫ്​ ദ നാഷൻ’ ബഹുമതി

അബൂദബി: യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമിന്​ ‘മദർ ഒാഫ്​ ദ നാഷൻ’ ബഹുമതി. ബുധനാഴ്​ച അബൂദബി എമിറേറ്റ്​സ്​ പാലസ്​ ഒാഡിറ്റോറിയത്തിൽ നടന്ന പരിപാടിയിൽ അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ ബഹുമതി സമ്മാനിച്ചു. വികസ്വര രാജ്യങ്ങളിൽ മുഹമ്മദ്​ ബിൻ റാശിദ്​ ആൽ മക്​തൂം ആഗോള സംരംഭങ്ങളിലൂടെ ജീവകാരു​ണ്യ പ്രവർത്തനങ്ങൾ നടത്തിയതിനുള്ള അംഗീകരമായാണ്​ ബഹുമതി നൽകിയത്​.ശൈഖ്​ സായിദ്​ ബിൻ സുൽത്താൻ ആൽ നഹ്​യാ​ൻ സ്​ഥാപിച്ച മൂല്യങ്ങൾ പ്രതിഫലിപ്പിക്കുന്ന ബഹുമതിയിലൂടെ താൻ ആദരിക്കപ്പെട്ടുവെന്ന്​ ​ൈ​ശഖ്​ മുഹമ്മദ്​ ബിൻ റാശിദ്​ പറഞ്ഞു. ജനങ്ങളുടെ ക്ഷേമത്തിന്​ സമർപ്പണം ചെയ്യുന്ന വനിതാ നേതാക്കൾക്ക്​ മികച്ച മാതൃകയാണ്​ ശൈഖ ഫാത്തിമ ബിൻത്​ മുബാറക്​ ആൽ നഹ്​യാൻ. ജനങ്ങളുടെ ക്ഷേമത്തിന്​ ഉയർന്ന പരിഗണന നൽകുന്ന രാജ്യമെന്ന നിലയിൽ യു.എ.ഇയുടെ മണ്ഡലങ്ങളിൽ ശൈഖ ഫാത്തിമയുടെ പ്രവർത്തനങ്ങൾ ആഴത്തിൽ പതിഞ്ഞിട്ടുണ്ടെന്നും അദ്ദേഹം കൂട്ടിച്ചേർത്തു.

ശൈഖ്​ മുഹമ്മദ്​ ബിൻ റാശിദ്​ സമാനതകളില്ലാത്ത നേതാവാണെന്ന്​ വിശേഷിപ്പിച്ച ശൈഖ്​ മുഹമ്മദ്​ ബിൻ സായിദ്​ അദ്ദേഹത്തെ അഭിനന്ദിച്ചു. സമാധാനം, സഹകരണം, സഹാനുഭൂതി എന്നിവയുടെ മൂല്യങ്ങൾ ജനങ്ങൾക്കിടയിൽ അദ്ദേഹം വ്യാപിപ്പിച്ചു. ലോകത്താകമാനം യു.എ.ഇ അതി​​െൻറ ഒൗദാര്യം പ്രകടിപ്പിക്കുന്നത്​ രാജ്യത്തി​​െൻറ സാംസ്​കാരിക പ്രകൃതങ്ങളിലൂടെയും അതി​​െൻറ നേതാക്കളുടെ മൂല്യങ്ങളിലൂടെയുമാണ്​. ശൈഖ ഫാത്തിമ ബിൻത്​ മുബാറക്​ ദാനത്തി​​െൻറയും വൈശിഷ്​ട്യത്തി​​െൻറയും പരിഷ്​കരണത്തി​​െൻറയും പ്രതീകമായി നിലകൊള്ളുമെന്നും ശൈഖ്​ മുഹമ്മദ്​ ബിൻ സായിദ്​ കൂട്ടിച്ചേർത്തു.